Sunday , September 22 2019
Home / Tag Archives: རྒྱ

Tag Archives: རྒྱ

གཏེར་ཁ་སྔོག་འདོན་གྱི་རྐྱེན་པས་མི་ཕྱུགས་ཚང་མར་ཉེན་ཁ་འཕྲལ་བཞིན་འདུག

བོད་མདོ་ཁམས་མི་ཉག་ལྷ་སྒང་དུ་གཏེར་ཁ་སྔོག་འདོན་གྱི་དུག་རྫས་རྒྱུག་ཆུའི་ནང་བཞུར་ཏེ་ཉ་མང་པོ་ཤི་སྐྱོན་དང་། ས་གནས་ཀྱི་མི་ཕྱུགས་གཉིས་ཀའི་ཚེ་སྲོག་ལ་ཉེན་ཁ་འཕྲད་བཞིན་པ་དེར། ས་གནས་བོད་མི་ཚོས་ཞི་བའི་འདུ་འཛོམས་ངོ་རྒོལ་དང་རང་ནུས་གང་ཡོད་ཀྱིས་གཙང་བཟོ་བྱེད་ཀྱིན་པ་དེར། ས་གནས་རྒྱ་གཞུང་གིས་དྲག་ཆས་སྤྲས་པའི་དམག་མི་བཏང་སྟེ་བོད་མིའི་ཁོར་ཡུག་སྲུང་སྐྱོབ་ལ་བཀག་སྡོམ་བྱས་ཡོད་འདུག ཕྱི་ལོ་ ༢༠༡༦ ཟླ་ ༥ ཚེས་ ༣ ཉིན། བོད་མདོ་ཁམས་དཀར་མཛེས་ཁུལ་མི་ཉག་ལྷ་སྒང་དུ་རྒྱ་གཞུང་གིས་ཡང་བསྐྱར་གཏེར་ཁ་སྔོག་འདོན་གྱི་ལས་གཞི་སྤེལ་མགོ་བརྩམས་ཡོད་པ་དང་། གཏེར་ཁ་སྔོག་འདོན་ཚན་པས་ཁོར་ཡུག་སྲུང་སྐྱོབ་སྣང་མེད་དུ་བཏང་སྟེ་རྫས་འགྱུར་དུག་ཆུ་རྒྱུགས་ཆུའི་ནང་བཞུར་བཅུག་པར་བརྟེན་ནས་རྒྱུགས་ཆུའི་ནང་གི་ཉ་མང་པོ་ཤི་ཡོད་པ་མ་ཟད། ས་གནས་ཀྱི་མི་ཕྱུགས་གཉིས་ཆར་གནོན་སྐྱོན་ཐེབས་ཉེན་ཡོད་སྟབས། ཕྱི་ཚེས་ ༤ ཉིན་ས་གནས་བོད་མི་མང་པོ་འདུ་འཛོམས་ཀྱིས་གཞུང་ལམ་སྟེང་བཙོག་སྟེ་ཞི་བའི་ངོ་རྒོལ་གནང་སྟེ། ཕ་ས་ཕ་ཡུལ་གཏོར་བརླག་གཏོང་མི་ཆོག་པ་དང་། ཁོར་ཡུག་ལ་གནོད་སྐྱོན་གཏོང་མི་ཆོག་པ། རྒྱུག་ཆུ་འབག་བཙོག་བཟོས་ཏེ་ཉ་མང་པོ་ཤི་སྐྱོན་བྱུང་བཞིན་པ་མཚམས་འཇོག་བྱ་དགོས་པའི་རེ་འདུན་བཏོན་ཡོད་པ་རེད།

Read More »

རྩོམ་པ་པོ་ཞོགས་ལྗང་ལ་ཁྲིམས་ཐག་བཅད་ཡོད་པའི་གནས་ཚུལ།

བོད་ཀྱི་ན་གཞོན་རྩོམ་པ་པོ་ཞོགས་ལྗང་ལགས་ལ། རེབ་གོང་ཐུན་རིན་ཁྲིམས་ཁང་ནས་ལོ་ ༣ ཀྱི་ཁྲིམས་ཐག་བཅད་ཡོད་པའི་གནས་ཚུལ་ཐོན་འདུག ཡིན་ནའང་། གནས་ཚུལ་ཡོང་ཁུངས་གཞན་ཞིག་གིས་བརྗོད་པ་ལྟར་ན། ད་ལྟའི་ཆར་ཁོང་ལ་ལོ་གསུམ་གྱི་ཁྲིམས་ཐག་གཅོད་རྒྱུའི་བཀའ་རྒྱ་བསྒྲགས་པ་ཙམ་ལས། ད་དུང་དངོས་སུ་ཁྲིམས་ཐག་བཅད་མེད་པར་བཤད། བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། ཕྱི་ལོ་ ༢༠༡༦ ཟླ་ ༢ ཚེས་ ༡༧ ཉིན། སྨྱུག་མིང་ལ་ཞོགས་ལྗང་དུ་འབོད་པའི་བོད་ཀྱི་ན་གཞོན་རྩོམ་པ་པོ་འབྲུག་ལོ་ལགས་ལ། རེབ་གོང་ཐུན་རིན་ཁྲིམས་ཁང་ནས་ལོ་ ༣ ཀྱི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པ་མ་ཟད། ཁྲིམས་རྩོད་སོགས་ཀྱི་གོ་རིམ་གང་ཡང་མེད་པར་ཁྲིམས་དཔོན་ཞིག་ནས། རྩོམ་པ་པོ་ཞོགས་ལྗང་ཁོང་གིས་ ༢༠༠༨ ལོར་མི་རིགས་ཁ་བྲལ་གྱི་ཟིང་ཆ་བསླངས་པ་དང་། ཕྱི་གྱར་ཁ་བྲལ་བར་ལྐོག་འབྲེ་བྱས་པ། ཆ་འཕྲིན་བརྒྱུད་ལམ་ཁག་ཏུ་ཐེངས་མང་པོར་སྤྱི་ཚོགས་བརྟན་བརླིང་ལ་གནོད་པའི་བརྗོད་བྱ་སྤེལ་བ་སོགས་ནག་ཉེས་ཁག་ ༤ བགྲང་ནས་ཁྲིམས་ཐག་བཅད་ཡོད་པ་དང་།  ཉིན་ ༡༠ ནང་ཚུད་དུ་ཁྲིམས་བཅད་དེར་ངོས་ལེན་ཡོད་མེད་མཚན་རྟགས་འགོད་དགོས་པའི་འགེང་ཤོག་ཅིག་སྤྲད་ཡོད་འདུག ཞོགས་ལྗང་གིས་སྐབས་དེ་རང་ལ་བསྐྱར་དུ་ཞུ་གཏུག་བྱ་རྒྱུ་ཡིན་སྐོར་བརྗོད་འདུག དེ་རྗེས་དུས་ཡུན་སྐར་མ་ ༤ ཙམ་གྱི་རིང་ལོ་ན་བཞི་ལ་སོན་མ་ཐག་པའི་ཁོ་རང་གི་བུ་ཆུང་ལ་ཐུག་འཕྲད་བྱེད་བཅུག་རྗེས་ཕྱིར་ཁྲིད་ཡོད་འདུག

Read More »

རྔ་པ་རྨེའུ་རུ་མའི་བུ་མོ་དབང་མོ་རྒྱ་གཞུང་གིས་འཇུ་བཟུང་བཙན་འཁྲིད་བྱས་འདུག

རྔ་པ་རྫོང་རྨེའུ་རུ་མ་ཡུལ་ཚོའི་སྟེང་བོད་རིགས་བུ་མོ་དབང་མོ་ལགས་ཀྱིས། ༧གོང་ས་མཆོག་གི་སྐུ་པར་ལག་ཏུ་བཟུང་སྟེ་རྒྱ་གཞུང་གི་སྲིད་ཇུས་ལ་ཞི་བའི་ངོ་རྒོལ་སྐབས། རྒྱ་གཞུང་ཉེན་རྟོག་པས་བཙན་འཁྲིད་ཀྱིས་གར་སོང་ཆ་མེད་དུ་གྱུར་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༧ ཚེས་ ༡༥ ཉིན་བོད་མདོ་སྨད་རྔ་པ་རྫོང་རྨེའུ་རུ་མ་ཡུལ་ཚོའི་སྟེང་ནས། རང་ལོ་ ༢༢ ཡས་མས་ཤིག་ཡིན་པའི་བུ་མོ་དབང་མོ་ལགས་ཀྱིས་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་སྐད་འབོད་བྱེད་བཞིན། ༸གོང་ས་མཆོག་གི་སྐུ་པར་ལག་ཏུ་བཟུང་ནས་ཡུལ་ཚོའི་གཞུང་ལམ་དུ་གོམ་བགྲོད་བྱས་ཡོད་ཅིང་། གནས་ཚུལ་དེ་བྱུང་རྗེས་རྔ་པའི་ཉེན་རྟོག་པས་ཁོ་མོ་འཛིན་བཟུང་བཙན་ཁྲིད་བྱས་འདུག ད་ལྟའི་ཆར་གར་ཡོད་ཅི་བྱུང་གི་གནས་ཚུལ་གང་ཡང་ཤེས་རྟོགས་ཐུབ་ཀྱི་མེད་པ་རེད།

Read More »

གདུང་གཞས་གཅིག་གིས་གྱེར་བའི་ཚེ་སྲོག་གསུམ།

——༸པཎ་ཆེན་རིན་པོ་ཆེ་གར་སོང་ཆ་མེད་དུ་གྱུར་ཏེ་མི་ལོ་ ༡༨ འཁོར་བའི་གདུང་འབོད་རྗེས་དྲན། དེ་རིང་སྟེ་ཕྱི་ལོ་ ༢༠༡༣ ཟླ་ ༥ ཚེས་ ༡༧ ཉིན་ནི།  ༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་འཇུ་བཟུང་བཙན་ཁྲིད་འོག་གར་སོང་ཆ་མེད་གྱུར་ནས་མི་ལོ་ ༡༨ འཁོར་བའི་ཉིན་མོ་ཡིན་ལ།  ༸པཎ་ཆེན་རིན་པོ་ཆེ་མཆོག་ནི་བོད་མི་ས་ཡ་དྲུག་གི་སེམས་ཁོང་ན་ནམ་ཡང་ལ་བ་མེད་པའི་བོད་ཆོས་ཀྱི་དབུ་ཁྲིད་གལ་ཆེ་ཆོས་ཤིག་ཆགས་ཡོད་སྟབས། “གནམ་ལ་ཉི་ཟླ་ཟུང་གཅིག ། ས་ལ་རྒྱལ་བ་པཎ་ཆེན།། ” ཞེས་བོད་ཁམས་ཡོངས་སུ་གྲགས་ཡོད། ཕྱི་ལོ་ ༡༩༩༥ ཟླ་ ༥ ཚེས་ ༡༧ ཉིན།  དགུང་ལོ་ ༦ ལ་སོན་མ་ཐག་པའི་༸པཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དང་། ཁོང་གི་ཕ་མ་ནང་མི་དང་བཅས་པ་རྒྱ་གཞུང་གི་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་ཡོད་ལ། ༸པཎ་ཆེན་ཆུང་སྲིད་མཆོག་གར་སོང་ཆ་མེད་དུ་གྱུར་བའི་ཉིན་མོ་དེ་ནི།  ༸བོད་མིའི་བླ་ན་མེད་པའི་དབུ་ཁྲིད་༸གོང་ས་མཆོག་གིས་༸པཎ་ཆེན་སྐུ་ཕྲེང་བཅུ་བའི་ཡང་སྲིད་དུ་ངོས་འཛིན་ཡོངས་བསྒྲགས་གནང་བའི་རྗེས་ཀྱི་ཉིན་གསུམ་པ་དེ་ཆགས་ཡོད།

Read More »