Friday , September 20 2019
Home / གསར་འགྱུར། (page 36)

གསར་འགྱུར།

༢༠༠༨ ལོར་འཇུ་བཟུང་བྱས་པའི་དགེ་འདུན་པ་གཉིས་གློད་ཀྲོལ་བཏང་འདུག

ཕྱི་ལོ་ ༢༠༠༨ ཟླ་ ༣ ཚེས་ ༡༠ ཉིན་སེར་ར་དགོན་པའི་དགེ་འདུན་པ་བཅོ་ལྔས་ལྷ་སར་ཞི་བའི་ངོ་རྒོལ་བྱས་རྗེས་འཇུ་བཟུང་འོག་ཚུད་པའི་ཁྲོད་ནས། དགེ་འདུན་པ་གཉིས་ཉེ་ཆར་གློད་ཀྲོལ་ཐོབ་ཡོད་ཀྱང་གཅིག་རིག་འཚོ་མ་ཟིན་པ་ཆགས་ཡོད་པ་རེད། དེ་ཡང་།  ཕྱི་ལོ་ ༢༠༠༨ ཟླ་ ༣ ཚེས་ ༡༠ ཉིན་གྱི་ཞོགས་པ་ཆུ་ཚོད་ ༨ ཙམ་ལ་སྐུ་ཞབས་བློ་གྲོས་ལགས་ལྷ་སའི་གཙུག་ལག་ཁང་གི་མདུན་ཐང་དུ་ཡོང་སྟེ། བོད་ཀྱི་རྒྱལ་དར་ནམ་མཁར་འཕྱར་ཏེ་སྐད་འབོད་བྱ་རྩིས་བྱེད་སྐབས། ས་གནས་ཉེན་རྟོག་པས་འཇུ་བཟུང་བྱས་ཡོད་པ་དང་། དེ་ཉིན་ཕྱི་དྲོ་ཆུ་ཚོད་གསུམ་དང་ཕྱེད་ཀ་ཙམ་ལ་འབྲས་སྤུངས་དགོན་པའི་དགེ་འདུན་པས་དགོན་པ་ནས་ལྷ་སར་བར་ཞི་རྒོལ་ཡོང་བའི་ལམ་བར་ཉེན་རྟོག་པས་བཀག་འགོག་གིས་འཇུ་བཟུང་བྱས་ཡོད། དེ་རྗེས་ཕྱི་དྲོ་ཕྱག་ཚོད་ལྔ་པ་ཙམ་ལ་སེར་ར་དགོན་པར་སློབ་གཉེར་གནང་བཞིན་པའི་ཁམས་དང་ཨ་མདོ་ཁུལ་ནས་ཡིན་པའི་དགེ་འདུན་པ་བཅོ་ལྔས་ལྷ་སའི་བར་སྐོར་ནང་བོད་ཀྱི་རྒྱལ་དར་བསྒྲེངས་ནས།  བོད་རང་བཙན་ཡིན་ཞེས་བརྗོད་ནས་ཞི་བའི་རྔམ་སྟོན་ཁྲོམ་སྐོར་བྱས་རྗེས། ས་གནས་སྤྱི་བདེ་ཉེན་རྟོག་པས་ཁོང་རྣམས་འཇུ་བཟུང་གིས་ཉེས་རྡུང་ཚད་མེད་བཏང་བ་དང་། སྐབས་དེར་ཉེན་རྟོག་པས་ས་གནས་ཀྱི་ཚོང་ཁང་དང་ཟ་ཁང་སོགས་བཙན་ཤེད་ཀྱི་སྒོ་བརྒྱབ་བཅུག་རྗེས་དྲག་ཆས་ཉེན་རྟོག་དམག་སོགས་ཕོན་ཆེ་འབྱོར་ཡོད། སྐབས་དེའི་གནས་ཚུལ་འདི་ག་ལྟེ་གནས་ཁང་གི་གསར་འགོད་བསྒྲགས་ཤིག་ཀྱང་སྤེལ་ཡོད།

Read More »

བོད་མི་བཞི་ལ་ “རྒྱལ་ཁབ་ཁ་བྲལ་སྐུལ་སློང་” ཉེས་མིང་འོག་ཁྲིམས་ཆད་བཏང་འདུག

ཉེ་ཆར་མཚོ་སྔོན་ཞིང་ཆེན་རྨ་ལྷོ་བོད་རིགས་རང་སྐྱོང་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས། ཐུན་རིན་རྫོང་དང་རྩེ་ཁོག་རྫོང་གཉིས་སུ་ཁྲིམས་ར་བསྡུས་ཏེ། བོད་མི་གཅོད་པ་རྒྱལ་དང་ལྕགས་ཐར། ནམ་མཁའ་བྱམས། མགོན་བྷེ་བཅས་བཞི་ལ་ “རྒྱལ་ཁབ་ཁ་བྲལ་སྐུལ་སློང་” གི་བསྙད་བཙུགས་ཏེ།  ལོ་ ༦  ནས་ ༣ བར་གྱི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་འདུག

Read More »

ལོ་ ༡༨ བཙོན་དུས་ཁྲིམས་ཆད་ཕོག་པའི་ཟླ་བ་རྒྱལ་མཚན་ལགས་གློད་ཀྲོལ་ཐོབ་འདུག

འདི་ག་ལྟེ་གནས་ཁང་དུ་གནས་ཚུལ་འབྱོར་གསལ་ལ་གཞིགས་ན། ད་ལྟ་རང་ལོ་ ༤༧ ཙམ་ཕེབས་པའི་ཟླ་བ་རྒྱལ་མཚན་ལགས་བཙོན་ཁང་ནང་བསྒྱུར་བཀོད་རྣམ་འགྱུར་ཡག་པོ་ཡོད་པའི་དབང་གིས་ལོ་གཉིས་དུས་བཀག་ཆག་ཡང་བཏང་སྟེ་ལོ་སྔོན་མའི་ཕྱི་ཟླ་ ༣ ནང་གློད་ཀྲོལ་བཏང་ཡོད་པའི་གནས་ཚུལ་ཐོན་འདུག ཟླ་བ་རྒྱལ་མཚན་ལགས་གློད་ཀྲོལ་བཏང་བའི་གནས་ཚུལ་རྒྱ་གཞུང་གི་འབྲེལ་ཡོད་ལས་ཁུངས་ནས་གསལ་བསྒྲགས་བྱས་མེད་ཀྱང་། འདི་ག་ལྟེ་གནས་ཁང་ནས་ཤེས་རྟོགས་བྱུང་བར། ཟླ་བ་རྒྱལ་མཚན་ལགས་མི་ལོ་ ༡༧ ལྷག་ཙམ་བཙོན་ཁང་རིམ་པའི་ནང་ཉེས་རྡུང་མནར་གཅོད་ཕོག་པའི་དབང་གིས་ད་ཆ་གློད་ཀྲོལ་ཐོབ་ཀྱང་གཟུགས་གཞིའི་གནས་སྟངས་ཧ་ཅང་སྐྱོ་པོ་ཆགས་ཡོད་འདུག

Read More »

ཆབ་སྲིད་བཙོན་པ་འཇིགས་མེད་རྒྱ་མཚོར་ལོ་ ༡༧ བཙོན་དུས་རྫོགས་ཏེ་གློད་གྲོལ་བཏང་འདུག

རང་ལོ་ ༥༢ ལ་ཕེབས་པའི་ཆབ་སྲིད་བཙོན་པ་འཇིགས་མེད་རྒྱ་མཚོ་ལགས་མི་ལོ་ཧྲིལ་པོ་ ༡༧ གྱི་བཙོན་དུས་རྫོགས་ཏེ་གློད་གྲོལ་བཏང་ཡོད་འདུག འཇིགས་མེད་རྒྱ་མཚོ་ལགས་གློད་གྲོལ་ཐོབ་ཡོད་ཀྱང་ཁོང་གི་གཟུགས་གཞིའི་གནས་སྟངས་ཧ་ཅང་སྐྱོ་བོ་ཡོད་པ་དང་། ཁོང་བཙོན་ཁང་ནང་དུས་ཡུན་རིང་པོར་ཉེས་རྡུང་མནར་གཅོད་ཕོག་པ་སོགས་ཀྱི་རྐྱེན་པས།  ད་ཆ་ཁོང་གི་མིག་གིས་གསལ་པོ་མི་མཐོང་བ་དང་མཁལ་མར་ནད་གཞི་ལྗིད་པོ་ཕོག་པ། དེ་བཞིན་སྙིང་ཁམས་མི་བདེ་བ། གོམ་པ་རྒྱག་དཀའ་བ་སོགས་ཀྱི་དཀའ་ངལ་ཆེན་པོ་འཕྲད་བཞིན་ཡོད་འདུག

Read More »

གྲྭ་པ་ཞིག་གིས་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་སྲིད་ཇུས་ལ་ཞི་རྒོལ།

རྒྱ་གཞུང་གིས་བོད་ཐོག་འཛིན་པའི་མི་སེར་སྤེལ་བའི་དྲག་གནོན་དབང་སྒྱུར་གྱི་སྲིད་ཇུས་ཀྱི་རྐྱེན་པས། བོད་ས་སྟོད་སྨད་བར་གསུམ་དུ་རང་ལུས་མེར་བསྲེགས་ཀྱི་ཞི་བའི་ངོ་རྒོལ་རིམ་པར་བྱུང་ཡོད་ལ། ཟླ་འདིའི་ཕྱི་ཚེས་ ༢༦ ཉིན་བོད་མདོ་སྨད་ཀླུ་ཆུ་རྫོང་རྨོག་རི་དགོན་པའི་གྲྭ་དཀོན་མཆོག་བསྟན་འཛིན་ལགས་ཀྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་པ་དང་།  ཉེ་བའི་ཟླ་འདིའི་ནང་སྔ་ཕྱིར་རང་ལུས་མེར་བསྲེགས་གཏོང་མཁན་ ༥ པ་དང་།  ད་ལྟའི་བར་བོད་ནང་རང་བསྲེགས་གཏོང་མཁན་ ༡༡༤ པ་དེ་ཆགས་ཡོད་པ་རེད།  ཡིན་ནའང་། རྒྱ་གཞུང་གིས་སོ་སོའི་ནོར་འཁྲུལ་ཅན་གྱི་སྲིད་ཇུས་དེ་ཡོ་བསྲང་གིས་བོད་མི་མང་གི་མངོན་འདོད་ལ་ཉན་འཇོག་བྱེད་རྒྱུ་ལས་ལྡོག་སྟེ།  ཟླ་འདིའི་ཕྱི་ཚེས་ ༢༨ ཉིན་ནི་ “བོད་མི་ཞིང་བྲན་ཁྲི་ཚོ་བརྒྱ་ལ་བཅིངས་འགྲོལ་ཐོབ་པའི་དྲན་གསོའི་ཉིན་མོ ” རུ་བསྒྲགས་ཏེ།  བཙན་དྲག་འོག་བོད་མི་ཚོར་དུས་དྲན་སྲུང་བརྩི་བྱེད་འཇུག་གི་ཡོད་འདུག

Read More »

བསང་ཆུ་རྫོང་གི་བོད་མི་ཞིག་གིས་རང་སྲེག་གནང་སྟེ་སྐུ་གྲོངས་འདུག

བོད་མདོ་སྨད་ཀན་ལྷོ་བསང་ཆུ་རྫོང་དུ་སླར་ཡང་བོད་མི་ཞིག་གིས་རང་ལུས་མེར་བསྲེགས་གནང་སྟེ།  རྒྱ་གཞུང་གིས་བོད་འཛིན་པའི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་སྐུ་གྲོངས་འདུག  ད་ལྟའི་ཆར་ཀན་ལྷོ་བསང་ཆུ་རྫོང་གཅིག་པུའི་ཁོངས་སུ་སྔ་ཕྱིར་བོད་མི་རང་ལུས་མེར་བསྲེགས་གནང་མཁན་ ༡༣ བྱུང་ཡོད།

Read More »

མདོ་སྨད་ཛམ་ཐང་དུ་སླར་ཡང་བུད་མེད་ཅིག་གིས་རང་ལུས་མེར་བསྲེགས་གནང་འདུག

ལོ་སྔོན་མའི་ལོ་མཇུག་ཙམ་ནས་བཟུང་རྒྱ་གཞུང་གིས་བོད་ཀྱི་ས་ཁུལ་སོ་སོའི་ནང་།  རང་སྲེག་ལ་ངོ་རྒོལ་གྱི་ལས་འགུལ་ཅིག་གཞི་རྒྱ་ཆེ་བ་ཞིག་སྤེལ་མགོ་བརྩམས་ཏེ།   བོད་ཁུལ་གྱི་དགོན་སྡེ་ཁག་གཙོས་གཞི་རིམ་གྲོང་སྡེ་ཁག་ནང་དམག་མི་འགྲེམས་འཇོག་དང་། ལས་བྱེད་ཆེད་གཏོང་བྱས་ཏེ་རྒྱལ་གཅེས་ཆོས་གཅེས་ཀྱི་དྲིལ་སྒྲོག་སློབ་གསོ་སྤེལ་གྱི་ཡོད་ལ། དྲག་གནོན་གྱི་བྱ་སྤྱོད་ཁོ་ན་ལ་བརྟེན་ནས་བོད་ནང་བྱུང་བཞིན་པའི་རང་ལུས་མེར་བསྲེགས་ཀྱི་གནས་སྟངས་འགོག་ཐབས་བྱས་པ་ལ་བརྟེན་ནས། བོད་ནང་རང་ལུས་མེར་བསྲེགས་ངོ་རྒོལ་མུ་མཐུད་འབྱུང་བཞིན་ཡོད་ལ།  ཉེ་ཆར་མདོ་སྨད་འཛམ་ཐང་དུ་སླར་ཡང་བོད་རིགས་བུད་མེད་ཅིག་གིས་རང་ལུས་མེར་བསྲེགས་གནང་སྟེ།  རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་སྒྱུར་སྲིད་ཇུས་ལ་ངོ་རྒོལ་གྱིས་འདས་གྲོངས་ཕྱིན་འདུག  ཁོང་མོ་ནི་ས་ཁུལ་དེར་བོད་མི་རང་ལུས་མེར་བསྲེགས་གནང་མཁན་ ༥ པ་དེ་ཆགས་ཡོད།

Read More »

བླ་བྲང་དགོན་དུ་ཕྱོགས་ཡོང་གི་གྲྭ་བ་རྣམས་ཕྱིར་ཕུད་དགོས་པའི་བཀའ་རྒྱ་བཏང་འདུག

ཕྱི་ལོ་ ༢༠༠༨ ལོར་བོད་ས་ཡོངས་སུ་ས་བྱི་ཞི་རྒོལ་ཆེན་མོ་བྱུང་རྗེས། རྒྱ་གཞུང་གིས་བོད་ཀྱི་རྒྱལ་ས་ལྷ་སའི་གདན་ས་སེ་འབྲས་དགའ་གསུམ་གཙོས་དགོན་སྡེ་ཁག་ནང་། བོད་རང་སྐྱོང་ལྗོངས་ཕྱི་ལོགས་ཀྱི་གྲྭ་བ་གཅིག་ཀྱང་ཉར་མི་ཆོག་པའི་བཀའ་རྒྱ་བཏང་སྟེ། མདོ་སྟོད་སྨད་ཁུལ་གྱི་གྲྭ་བ་རྣམས་ཕྱིར་ཕུད་བཏང་ཡོད་པ་ལྟར།  སྔར་ལོ་ནས་བཟུང་རྒྱ་གཞུང་གིས་ཀན་སུའུ་ཞིང་ཆེན་ཁོངས་སུ་ཡོད་པའི་མདོ་སྨད་ཡུལ་གྱི་དགོན་སྡེ་ཆེ་ཤོས་བླ་བྲང་བཀྲ་ཤིས་འཁྱིལ་དུའང་། ཞིང་ཆེན་ཕྱི་ལོགས་ཀྱི་བོད་ས་སྟོད་སྨད་བར་གསུམ་ནས་ཆོས་སློབ་གཉེར་ཆེད་བསླེབས་མཁན་གྲྭ་བ་རྣམས་ཕྱིར་འཕུད་དགོས་པའི་བཀའ་རྒྱ་བཏང་ཡོད་པ་དང་། དེ་བཞིན། རེབ་གོང་རོང་བོ་དགོན་དུའང་སྲིད་ཇུས་དེ་ལག་བསྟར་བྱེད་མགོ་བརྩམས་ཡོད་སྟབས།  བོད་ནང་དུ་གྲྭ་བ་རྣམས་ཀྱི་བསླབ་པ་སློབ་གཉེར་ཐད་བར་ཆད་ཆེན་པོ་འཕྲད་བཞིན་ཡོད་འདུག

Read More »

བྲག་བརྐོས་ཀྱི་༸རྒྱལ་བའི་ཞབས་བརྟན་གསོལ་འདེབས་རལ་བཤིག་ཏུ་བཏང་འདུག

བོད་རིགས་དད་ལྡན་མང་ཚོགས་ཀྱིས་བྲག་ངོས་སུ་༸རྒྱལ་བའི་ཞབས་བརྟན་གསོལ་འདེབས་རྡོ་བརྐོས་བརྒྱབ་པར།  ས་གནས་རྒྱ་གཞུང་གིས་ཆབ་སྲིད་ལ་ཁ་གཡར་ནས་དམག་མི་ཁག་ཅིག་ཆེད་གཏོང་གིས་རལ་བཤིག་ཏུ་བཏང་སྟེ། དད་ལྡན་མང་ཚོགས་ཀྱི་ཆོས་དད་རང་དབང་ལ་བཀག་སྡོམ་བྱས་ཡོད་འདུག

Read More »

རྒྱལ་ཁབ་ཁ་བྲལ་ལ་སྐུལ་སློང་གི་ཉེས་མིང་འོག་བོད་མི་གསུམ་ལ་ཁྲིམས་ཐག་བཅད་འདུག

ལོ་སྔོན་མར་རྒྱ་ནག་དབུས་ཁྲིམས་ཁང་དང་ཁྲིམས་ཞིབ་ཁང་། ཉེན་རྟོག་སྡེ་ཁག་བཅས་ཀྱིས་བོད་ནང་བྱུང་བཞིན་པའི་རང་ལུས་མེར་བསྲེགས་ཀྱི་གནས་ཚུལ་ལ་ཆེད་དུ་དམིགས་ཏེ། རྒྱ་གཞུང་རང་ཉིད་ཀྱི་རྩ་ཁྲིམས་དང་འགལ་བའི་ཐོག་ནས་རང་ལུས་མེར་བསྲེགས་ལ་གདུང་སེམས་མཉམ་སྐྱེད་བྱེད་ཚོར་ཉེས་མིང་སྣ་ཚོགས་འོག་ཁྲིམས་གཅོད་ཆོག་པའི་བཀའ་རྒྱ་ཞིག་བོད་ཁུལ་གྱི་ས་གནས་ཞིང་ཆེན་དང་ཁུལ། རྫོང་རིམ་པ་བཅས་སུ་བསྒྲགས་གཏོང་བྱས་པའི་རྗེས་སུ། བོད་ཁུལ་གྱི་ས་གནས་སོ་སོའི་རྒྱ་གཞུང་ཁྲིམས་ཁང་གིས་རང་ལུས་མེར་བསྲེགས་གཏོང་མཁན་ཚོའི་ནང་མི་ཉེ་འབྲེལ་དང་དགའ་ཉེ་གྲོགས་པོ་དག་ལ་ཉེས་མིང་འདྲ་མིན་བཏགས་ཏེ་གང་འདོད་ལྟར་ཁྲིམས་ཐག་གཅོད་མགོ་བརྩམས་ཡོད་པ་ལྟར། ཉེ་ཆར་མཚོ་སྔོན་ཞིང་གྱི་ཐད་གཏོགས་ས་ཁུལ་ཙོང་ཁ་མཁར་(ཕིན་ཨན་)རྫོང་དུ་ཡོད་པའི་མཚོ་ཤར་ས་ཁུལ་འབྲིང་རིམ་མི་དམངས་ཁྲིམས་ཁང་ཟེར་བས། བོད་མི་གསུམ་ལ་རང་བསྲེགས་གནས་ཚུལ་དང་འབྲེལ་ཏེ་རྒྱལ་ཁབ་ཁ་བྲལ་ལ་སྐུལ་སློང་བྱས་པའི་ཉེས་མིང་འོག་དུས་བཀག་བཙོན་འཇུག་གི་ཁྲིམས་ཐག་བཅད་འདུག

Read More »