Friday , September 20 2019
Home / གསར་འགྱུར། (page 35)

གསར་འགྱུར།

དོན་འགྲུབ་ལགས་བཙོན་དུས་རྫོགས་ཏེ་ཀློད་ཡོད་ཀྱང་ལག་པ་སྐྱོན་ཅན་ཆགས་འདུག

ལོ་སྔོན་མར་བོད་མདོ་སྨད་མཚོ་ལྷོ་ཁུལ་འབའ་རྫོང་ཤིང་ཁྲི་དགོན་པའི་དགེ་འདུན་པ་རྣམས་ཀྱིས་རྒྱ་གཞུང་གི་དྲག་གནོན་དབང་སྒྱུར་སྲིད་ཇུས་ལ་ཞི་བའི་ངོ་རྒོལ་གོམ་བགྲོད་བྱས་སྐབས།  རྒྱ་གཞུང་གིས་དགེ་འདུན་པ་རྣམས་འཇུ་བཟུང་བཙན་ཁྲིད་བྱས་པར་བརྟེན། ས་གནས་བོད་མི་མང་ཚོགས་ཀྱིས་དགེ་འདུན་པ་རྣམས་ཀློད་གྲོལ་གཏོང་དགོས་པའི་ཞུ་འབོད་བྱས་པར།  རྒྱ་གཞུང་གིས་མང་ཚོགས་ཐོག་མི་སྤྱོད་ལས་འདས་པའི་དྲག་གནོན་དང་བོད་མི་སྐྱ་སེར་སྐོར་ཅིག་འཇུ་བཟུང་བཙན་ཁྲིད་ཀྱིས་ཁྲིམས་ཐག་བཅད་ཡོད་པའི་ཁྲོད།  ཉེ་སྔོན་དོན་འགྲུབ་ལགས་བཙོན་དུས་རྫོགས་རྗེས་ཀློད་གྲོལ་ཐོབ་སྟེ་ཁྱིམ་དུ་ལོག་ཡོད་ཀྱང་།  བཙོན་ཁང་ནང་རྒྱུན་རིང་པོར་ལག་ལྕག་བརྒྱབ་པ་དང་མནར་གཅོད་བཏང་བའི་རྐྱེན་གྱིས་ཁོང་གི་ལག་པ་སྐྱོན་ཅན་ཆགས་ཡོད་འདུག

Read More »

བློ་བཟང་བསྟན་འཛིན་ལགས་སོ་སོའི་ཁྱིམ་དུ་མུ་མཐུད་བཟང་བཙོན་བཀག་ཉར་འོག་གནས་འདུག

མི་ལོ་ ༢༥ རིང་བཙོན་འཇུག་མནར་གཅོད་མྱངས་པའི་ཆབ་སྲིད་བཙོན་པ་བློ་བཟང་བསྟན་འཛིན་ལགས་ཉེ་སྔོན་བཙོན་དུས་རྫོགས་ཏེ་ཀློད་གྲོལ་གྱིས་ཟླ་གཅིག་ཙམ་ཕྱིན་ཡོད་ཀྱང་།  རྒྱ་གཞུང་གིས་ཁོང་ལ་འགྲོ་འདུག་རང་དབང་གི་ཐོབ་ཐང་ཙམ་ཡང་མ་སྤྲད་པར་མུ་མཐུད་སོ་སོའི་ཁྱིམ་ཚང་ནང་བཟང་བཙོན་བཀག་ཉར་འོག་གནས་ཡོད་འདུག ཆབ་སྲིད་བཙོན་པ་བློ་བཟང་བསྟན་འཛིན་ལགས་ཀྱིས་མི་ལོ་ ༢༥ རིང་བཙོན་འཇུག་མནར་གཅོད་མྱངས་མཐར།  འདི་ལོའི་ཕྱི་ཟླ་ ༤ ཚེས་ ༢༤ ཉིན་བཙོན་འཇུག་དུས་ཡུན་ཡོངས་སུ་རྫོགས་ཏེ་ཀློད་གྲོལ་ཐོབ་རྗེས།  རྒྱ་གཞུང་གིས་ཁོང་ཚང་གི་ཉེ་འཁོར་དུ་ཉེན་རྟོག་དམག་མི་མང་པོ་འགྲེམས་འཇོག་གིས་ཤ་ཉེ་སྤུན་མཆེད་རྣམས་ལའང་ཐུག་འཕྲད་བྱེད་མ་བཅུགས་པར་དམ་དྲག་ཤུགས་ཆེན་པོ་བྱས་ཡོད་པ་ལྟར།  འདི་ག་ལྟེ་གནས་ཁང་ལ་གནས་ཚུལ་འབྱོར་གསལ།  ད་ལྟའི་ཆར་ཁོང་བཙོན་གྲོལ་ཐོབ་སྟེ་ཁྱིམ་དུ་ལོག་ནས་དུས་ཡུན་ཟླ་གཅིག་ཙམ་འགོར་གྱི་ཡོད་ཀྱང་།  ཉེ་སྔོན་ཁོང་གི་སྤུན་མཆེད་རྣམས་ཁོང་ལ་ཐུག་འཕྲད་བྱེད་བཅུག་ཡོད་པ་ཙམ་ལས།  སྔར་བཞིན་གྲོང་པ་གཡས་གཡོན་གྱི་མི་རྣམས་ཁོང་ལ་ཐུག་འཕྲད་བྱེད་མ་བཅུག་པར་བཀག་སྡོམ་ནན་མོ་བྱས་ཡོད་པ་མ་ཟད།  གཟུགས་པོ་བདེ་མིན་གྱི་ན་ཚ་བྱུང་སྟེ་སྨན་ཁང་དུ་འགྲོ་དགོས་བྱུང་བ་ཡིན་ནའང་དང་ཐོག་ཉེན་རྟོག་ཁང་ལ་སྙན་ཞུ་བྱ་དགོས་པ་སོགས།  ཁོང་ལ་འགྲོ་འདུག་རང་དབང་གང་ཡང་སྤྲད་མེད་པར་མུ་མཐུད་སོ་སོའི་ཁྱིམ་དུ་བཟང་བཙོན་བཀག་ཉར་འོག་གནས་ཡོད་འདུག

Read More »

ལོ་ ༥ ཁྲིམས་ཆད་ཕོག་པའི་རྩོམ་པ་པོ་དང་ཁོའི་བརྩམས་ཆོས་ཁྲོད་ཀྱི་བོད་མིའི་སྐྱིད་སྡུག

བོད་རིགས་གཞོན་སྐྱེས་རྩོམ་པ་པོ་འགར་རྩེ་འཇིགས་མེད་ལགས་ཀྱིས་རྒྱལ་སྤྱིའི་འགྲོ་བ་མིའི་གཞི་རྩའི་ཐོབ་ཐང་ནང་གསལ་བའི་སྨྲ་བརྗོད་དང་རྩོམ་འབྲིའི་རང་དབང་སྤྱད་ནས་བོད་ནང་གི་དངོས་ཡོད་དཀའ་སྡུག་གནས་སྟངས་བརྗོད་པ་དེར།  རྒྱ་གཞུང་གིས་རྒྱལ་ཁབ་ཁ་བྲལ་གྱི་བྱ་སྤྱོད་སྤེལ་བའི་ཉེས་འཛུགས་འོག་ཁོང་ལ་ལོ་ ༥ བཙོན་འཇུག་ཁྲིམས་ཐག་བཅད་ཡོད་པ་རེད། གནས་སྟངས་དེས་རྒྱ་གཞུང་གིས་བོད་མིར་འགྲོ་བ་མིའི་གཞི་རྩའི་ཐོབ་ཐང་ཙམ་ཡང་སྤྲོད་ཀྱིན་མེད་པ་གསལ་བོར་བསྟན་ཡོད། ཕྱི་ལོ་ ༢༠༡༣ ཕྱི་ཟླ་ ༡ ཚེས་ ༡ ཉིན་ཕྱི་དྲོའི་ཆུ་ཚོད་ ༤ ཡས་མས་སུ་རྒྱ་གཞུང་གིས་གཞོན་སྐྱེས་རྩོམ་པ་པོ་འགར་རྩེ་འཇིགས་མེད་ལགས་ཀྱིས་བརྩམས་པའི་ ༼བཙན་པོའི་སྙིང་སྟོབས༽དེབ་ཕྲེང་གཉིས་པའི་ནང་ཁ་བྲལ་གྱི་བརྗོད་བྱ་ཡོད་པའི་ཉེས་འཛུགས་འོག་འཇུ་བཟུང་བཙན་ཁྲིད་བྱས་ཡོད་པ་དང་། སྔ་ཕྱིར་ཟི་ལིང་གྲོང་ཁྱེར་དང་རྨ་ལྷོ་ཁུལ་ཐོག་བཅས་སུ་བཀག་ཉར་འདྲི་གནོད་རིམ་པར་བྱས་མཐར།   ཕྱི་ཟླ་ ༥ ཚེས་ ༡༤ ཉིན་རྨ་ལྷོ་ཁུལ་རྩེ་ཁོག་རྫོང་མི་དམངས་ཁྲིམས་ཁང་གིས་རྒྱལ་ཁབ་ཁ་བྲལ་གྱི་བྱ་སྤྱོད་སྤེལ་བའི་ཉེས་མིང་འོག་འགར་རྩེ་འཇིགས་མེད་ལགས་ལ་ལོ་ ༥ བཙོན་འཇུག་ཁྲིམས་ཐག་བཅད་ཡོད་པ་རེད།

Read More »

གདུང་གཞས་གཅིག་གིས་གྱེར་བའི་ཚེ་སྲོག་གསུམ།

——༸པཎ་ཆེན་རིན་པོ་ཆེ་གར་སོང་ཆ་མེད་དུ་གྱུར་ཏེ་མི་ལོ་ ༡༨ འཁོར་བའི་གདུང་འབོད་རྗེས་དྲན། དེ་རིང་སྟེ་ཕྱི་ལོ་ ༢༠༡༣ ཟླ་ ༥ ཚེས་ ༡༧ ཉིན་ནི།  ༸པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་རྒྱ་གཞུང་གིས་འཇུ་བཟུང་བཙན་ཁྲིད་འོག་གར་སོང་ཆ་མེད་གྱུར་ནས་མི་ལོ་ ༡༨ འཁོར་བའི་ཉིན་མོ་ཡིན་ལ།  ༸པཎ་ཆེན་རིན་པོ་ཆེ་མཆོག་ནི་བོད་མི་ས་ཡ་དྲུག་གི་སེམས་ཁོང་ན་ནམ་ཡང་ལ་བ་མེད་པའི་བོད་ཆོས་ཀྱི་དབུ་ཁྲིད་གལ་ཆེ་ཆོས་ཤིག་ཆགས་ཡོད་སྟབས། “གནམ་ལ་ཉི་ཟླ་ཟུང་གཅིག ། ས་ལ་རྒྱལ་བ་པཎ་ཆེན།། ” ཞེས་བོད་ཁམས་ཡོངས་སུ་གྲགས་ཡོད། ཕྱི་ལོ་ ༡༩༩༥ ཟླ་ ༥ ཚེས་ ༡༧ ཉིན།  དགུང་ལོ་ ༦ ལ་སོན་མ་ཐག་པའི་༸པཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག་དང་། ཁོང་གི་ཕ་མ་ནང་མི་དང་བཅས་པ་རྒྱ་གཞུང་གི་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་ཡོད་ལ། ༸པཎ་ཆེན་ཆུང་སྲིད་མཆོག་གར་སོང་ཆ་མེད་དུ་གྱུར་བའི་ཉིན་མོ་དེ་ནི།  ༸བོད་མིའི་བླ་ན་མེད་པའི་དབུ་ཁྲིད་༸གོང་ས་མཆོག་གིས་༸པཎ་ཆེན་སྐུ་ཕྲེང་བཅུ་བའི་ཡང་སྲིད་དུ་ངོས་འཛིན་ཡོངས་བསྒྲགས་གནང་བའི་རྗེས་ཀྱི་ཉིན་གསུམ་པ་དེ་ཆགས་ཡོད།

Read More »

བོད་སྡོད་དྲག་ཆས་དམག་མིའི་ལག་དེབ་ལས་མངོན་པའི་བོད་ནང་གི་ཛ་དྲག་གནས་སྟངས།

རྒྱ་གཞུང་གིས་དུས་རྒྱལ་སྤྱིའི་སྒང་བོད་ཞི་བའི་བཅིངས་འགྲོ་བཏང་ལུགས་དང་། བོད་མི་མང་ལ་བདེ་སྐྱིད་བསྐྲུན་བཞིན་ཡོད་སྐོར་དྲིལ་སྒྲོག་བྱེད་བཞིན་ཡོད་མོད། ༢༠༠༨ ཕྱི་ཟླ་ ༡༠ པའི་ནང་༼བོད་ཁུལ་བརྟན་ལྷིང་སྲུང་སྐྱོང་བྱེད་སྐབས་ཀྱི་སེམས་ཁམས་སློབ་སྟོན་དང་འགོག་སྲུང་ལབ་དེབ(དམག་སྤྱོད་དེབ)༽པར་སྐྲུན་གྱིས།  རྒྱ་གཞུང་དྲག་ཆས་ཉེན་རྟོག་ཟི་ཁྲོན་སྤྱི་ཁྱབ་རུ་ཁག་གིས་དམག་མི་ནང་ཁུལ་དུ་འགྲེམས་བསྒྲགས་བྱས་ཡོད་པ་དང་།  ལག་དེབ་དེའི་ནང་བོད་ནང་གི་གནས་སྟངས་ཧ་ཅང་ཛ་དྲག་ཏུ་འགྱུར་བཞིན་པ་གསལ་ཡོད། རྒྱ་ནག་དམར་གཞུང་གིས་བོད་ས་ཡོངས་ལ་བཙན་འཛུལ་དབང་སྒྱུར་བྱས་པ་ནས་བཟུང་། ད་ལྟའི་བར་བོད་ཀྱི་ས་ཁུལ་ཁག་ནང་དམག་གི་རྟེན་གཞི་འདྲ་མིན་བཙུགས་ཡོད་ལ།  ལྷག་པར་དུ་ ༢༠༠༨ ལོར་བོད་ས་སྟོད་སྨད་བར་དུ་རྒྱ་གཞུང་གི་མི་སེར་སྤེལ་བའི་དྲག་གནོན་དབང་སྒྱུར་སྲིད་ཇུས་ལ་ཞི་བའི་ངོ་རྒོལ་གཞི་རྒྱ་ཆེན་པོ་བྱུང་རྗེས། རྒྱ་གཞུང་གིས་སྔར་ལས་ལྷག་པར་བོད་ཁུལ་གྱི་གཞི་རིམ་གྲོང་སྡེ་ཚུན་ཆད་ནང་དམག་མི་འབོར་ཆེན་འགྲེམས་འཇོག་བྱས་ཏེ།  བོད་ཁུལ་བརྟན་ལྷིང་སྲུང་སྐྱོབ་ཅེས་པར་ཁ་གཡར་ཏེ་བོད་པའི་དགོན་སྡེ་ཁག་གཙོས་ས་གནས་སེར་སྐྱ་མང་ཚོགས་ལ་དྲག་གནོན་སུན་གཙེར་སྣ་ཚོགས་བཟོ་བཞིན་པར་བརྟེན།  བོད་ནང་རང་ལུས་མེར་བསྲེགས་ཀྱིས་མཚོན་པས་ཞི་བའི་སྐད་འབོད་ཁྲོམ་སྐོར་རིམ་པར་བྱུང་བཞིན་ཡོད།  ཡིན་ནའང་། རྒྱ་གཞུང་གིས་བོད་ནང་གི་དངོས་ཡོད་གནས་སྟངས་དང་མི་མང་གི་མངོན་འདོད།  རྒྱལ་སྤྱིའི་ཚོགས་སྡེ་ཁག་གི་འབོད་སྐུལ་ལ་ཉན་འཇོག་རྩ་བ་ནས་མ་བྱས་པར་དྲག་གནོན་ཁོ་ན་སྤྱད་དེ་ཞི་འཇགས་བཟོ་ཐབས་བྱས་པར་བརྟེན།  ད་ལྟའི་ཆར་བོད་ནང་གི་གནས་སྟངས་སྔར་བས་ཛ་དྲག་ཏུ་འགྱུར་བཞིན་ཡོད།

Read More »

མི་ལོ་ ༢༥ བཙོན་དུས་རྫོགས་ཏེ་བློ་བཟང་བསྟན་འཛིན་ལགས་བཙོན་ཀློད་གྲོལ་ཐོབ་འདུག

མི་ལོ་ ༢༥ རིང་བཙོན་འཇུག་བྱས་པའི་ཆབ་སྲིད་བཙོན་པ་བློ་བཟང་བསྟན་འཛིན་ལགས་བཙོན་དུས་རྫོགས་ཏེ་ཀློད་གྲོལ་ཐོབ་ཡོད་ཀྱང་། ཁོང་གི་སྡོད་ཁང་གཡས་གཡོན་དུ་ཉེན་རྟོག་པས་མུ་མཐུད་བཀག་སྡོམ་བྱས་ཏེ་མི་གཞན་པར་ཐུག་འཕྲད་བྱེད་འཇུག་གི་མེད་པ་རེད། དེ་བཞིན། དུས་ཡུན་རིང་པོར་བཙོན་ཁང་ནང་སྡུག་སྦྱོང་མནར་གཅོད་སྣ་ཚོགས་མྱངས་དགོས་བྱུང་བའི་རྐྱེན་གྱིས། ད་ལྟའི་ཆར་ཁོང་གི་ལུས་ཟུངས་ཉམས་པ་དང་མཚམས་རེར་མིག་གིས་མ་མཐོང་བའི་དཀའ་ངལ་བྱུང་བཞིན་ཡོད་འདུག

Read More »

དགེ་འདུན་པ་གཉིས་ཀྱིས་མཉམ་དུ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་འདུག

ཟླ་འདིའི་ཕྱི་ཚེས་ ༢༤ ཉིན་བོད་མདོ་སྨད་རྔ་པ་བོད་རིགས་རང་སྐྱོང་ཁུལ་མཛོད་དགེ་རྫོང་སྟག་ཚང་ལྷ་མོ་ཀིརྟི་དགོན་གྱི་དགེ་འདུན་པ་གཉིས་ཀྱིས་མཉམ་དུ་རང་ལུས་མེར་བཏང་སྟེ།  རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་སྒྱུར་གྱི་དམ་དྲག་སྲིད་ཇུས་ལ་ངོ་རྒོལ་གྱིས་འདས་གྲོངས་ཕྱིན་འདུག  ད་ལྟའི་ཆར་བོད་ནང་སྔ་ཕྱིར་རང་ལུས་མེར་བསྲེགས་གནང་མཁན་ ༡༡༧  པ་ཆགས་ཡོད་པ་རེད།

Read More »

༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་འཕྲལ་དུ་ཀློད་གྲོལ་དགོས་པའི་འབོད་སྐུལ་གསལ་བསྒྲགས།

ད་ལྟ་རང་ལོ་ ༢༤  ལ་ཕེབས་པའི་༸པཎ་ཆེན་རིན་པོ་ཆེ་དགེ་འདུན་ཆོས་ཀྱི་ཉི་མ་མཆོག་བཙན་ཁྲིད་ཀྱིས་མུ་མཐུད་གར་སོང་ཆ་མེད་གྱུར་ཡོད་པའི་གནས་སྟངས་དེ་རྒྱ་གཞུང་གིས་མཚམས་འཇོག་བྱས་ཏེ།  བོད་མིའི་ཆོས་ཀྱི་དབུ་ཁྲིད་ཁོང་འཕྲལ་དུ་ཀློད་གྲོལ་གཏོང་དགོས། དེ་རིང་ནི་༸པཎ་ཆེན་རིན་པོ་ཆེ་སྐུ་ཕྲེང་བཅུ་པ་མཆོག་གི་ཡང་སྲིད་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་རང་ལོ་ ༢༤ ཕེབས་པའི་སྐུའི་འཁྲུངས་སྐར་ཉིན་མོ་ཡིན་ལ།  ༸པཎ་ཆེན་རིན་པོ་ཆེ་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དང་།  ཁོང་གི་ཡབ་ཡུམ་ནང་མི་དང་བཅས་པ་གར་སོང་ཆ་མེད་དུ་གྱུར་ནས་མི་ལོ་ ༡༨ འགྲོ་བཞིན་ཡོད།

Read More »

མཚོ་ལྷོ་ལས་རིགས་ལག་རྩལ་སློབ་གྲྭའི་སློབ་ཕྲུག་ ༨ ལ་བཙོན་འཇུག་ཁྲིམས་ཐག་བཅད་འདུག

ལོ་སྔོན་མའི་ཕྱི་ཟླ་ ༡༡ ཚེས་ ༢༦ ཉིན་བོད་མདོ་སྨད་མཚོ་ལྷོ་ཁུལ་གྱི་སྲིད་འཛིན་ལྟེ་གནས་ས་ཁུལ་ཆབ་ཆ་གྲོང་རྡལ་དུ།  ཁུལ་ལས་རིགས་ལག་རྩལ་སློབ་གྲྭའི་སློབ་ཕྲུག་སྟོང་ཕྲག་བརྒལ་བས་འཕྲེད་དར་འཕྱར་ཏེ་སྐད་འབོད་ཁྲོམ་སྐོར་བྱས་ཏེ་རྒྱ་གཞུང་གི་སྲིད་བྱུས་ལ་ངོ་རྒོལ་གནང་བའི་རྗེས།  རྒྱ་གཞུང་ཉེན་རྟོག་པས་སྔ་ཕྱིར་སློབ་ཕྲུག་མང་པོ་བཙན་ཁྲིད་ཀྱིས་གཅར་རྡུང་འདྲི་གཅོད་དང་འཇུ་བཟུང་བཀག་བསྐྱིལ་བྱས་ཡོད་པ་ལྟར།  ཟླ་འདིའི་ཕྱི་ཚེས་ ༡༠ ཉིན་སློབ་ཕྲུག་བརྒྱད་ལ་དུས་བཀག་བཙོན་འཇུག་གི་ཁྲིམས་ཆད་བཅད་ཡོད་འདུག ཕྱི་ཟླ་ ༤ ཚེས་ ༡༧ ཉིན་ཀྲུང་གོའི་བོད་ཀྱི་དྲ་བ་ཟེར་བས་གནས་ཚུལ་སྤེལ་ཏེ།   ཕྱི་ཟླ་ ༤ ཚེས་ ༡༠ ཉིན་གྱི་སྔ་དྲོའི་ཆུ་ཚོད་ ༡༠ སྟེང་། མཚོ་སྔོན་ཞིང་ཆེན་མཚོ་ལྷོ་བོད་རིགས་རང་སྐྱོང་ཁུལ་གུང་ཧོ་རྫོང་མི་དམངས་ཁྲིམས་ཁང་གིས། “༡༡་༢༦”མཚོ་ལྷོ་ཁུལ་ལས་རིགས་ལག་རྩལ་སློབ་གྲྭའི་སློབ་ཕྲུག་གི་ངོ་རྒོལ་ཁྲོམ་སྐོར་གྱི་གྱོད་དོན་ལ་འདྲི་གཅོད་བྱས་ཏེ།  མཚོ་ལྷོ་ཁུལ་ལས་རིགས་ལག་རྩལ་སློབ་གྲྭའི་སློབ་ཕྲུག་སངས་རྒྱས་འབུལ་ལ་ལོ་ ༤ དུས་བཀག་བཙོན་འཇུག་དང་། ཀུན་བཟང་འབུམ་དང་ལྷ་བརྟན། བྱམས་པ་ཚེ་རིང་གསུམ་ལ་ལོ་ ༢ དང་ཟླ་ ༦ རེའི་དུས་བཀག་བཙོན་འཇུག  དབང་རྒྱལ་ཚེ་རིང་དང་ཆོས་སྐྱོང་སྐྱབས་གཉིས་ལ་ལོ་ ༣ དང་ཟླ་ ༣ རེའི་དུས་བཀག་བཙོན་འཇུག་བཅས་ཀྱི་ཁྲིམས་ཆད་བཅད་ཡོད་པ་བསྒྲགས་འདུག

Read More »

མདོ་སྨད་འཛམ་ཐང་དུ་བུད་མེད་ཅིག་གིས་རང་ལུས་མེར་བསྲེགས་ཀྱིས་སྐུ་གྲོངས་འདུག

༢༠༡༣ ལོའི་ཕྱི་ཟླ་ ༤ ཚེས་ ༡༦ ཉིན་མདོ་སྨད་འཛམ་ཐང་ཇོ་ནང་དགོན་པའི་ཉེ་འཁྲིས་ནས། རང་ལོ་ ༢༠ ཡིན་པའི་བོད་རིགས་བུད་མེད་ཕྱུག་མཚོ་ཞུ་བ་ཞིག་གིས་རང་ལུས་མེར་བསྲེགས་བཏང་སྟེ།  རྒྱ་གཞུང་གིས་བོད་ཐོག་འཛིན་པའི་དྲག་གནོན་དབང་སྒྱུར་གྱི་མི་སེར་སྤེལ་བའི་སྲིད་ཇུས་ལ་ངོ་རྒོལ་གྱིས་འདས་གྲོངས་སུ་ཕྱིན་ཡོད་པ་དང་། རྒྱ་གཞུང་གིས་འཕྲལ་དུ་སྐུ་ཕུང་མེར་བསྲེག་གཏོང་དགོས་པའི་འཇིགས་སྐུལ་བཙན་དྲག་བྱས་པར་བརྟེན།  ཉིན་དེའི་མཚན་མོ་དེ་རང་ལ་སྐུ་ཕུང་ཞུགས་འབུལ་བྱེད་དགོས་བྱུང་ཡོད་འདུག

Read More »