Monday , June 17 2019
Home / གསར་འགྱུར། (page 30)

གསར་འགྱུར།

ཡོན་ཏན་བཟང་པོར་ཉེས་འཛུགས་ཁྲིམས་གཅོད་ཀྱི་བརྒྱུད་རིམ་དང་ད་ལྟའི་ཁོང་གི་གནས་སྟངས།

ལོ་སྔོན་མའི་རྒྱའི་ལོ་སར་ཉིན་ཁམས་བྲག་མགོ་རུ་མང་གི་ཞི་རྒོལ་གནས་ཚུལ་བྱུང་རྗེས། རྒྱ་གཞུང་ཉེན་རྟོག་པ་འབྲོག་སར་ཡོང་སྟེ་མེ་མདའ་བརྒྱབ་ནས་ཡེ་ཤེས་བསམ་འགྲུབ་དང་གྲྭ་ཡེ་ཤེས་རིག་གསལ་གཉིས་དམར་གསོད། ཁོང་གཉིས་ཀྱི་སྤུན་མཆེད་ཡོན་ཏན་བཟང་པོ་འཇུ་བཟུང་བཙན་འཁྲིད་བྱས་མཐར། ས་གནས་མང་ཚོགས་ཀྱི་ཞུ་གཏུགས་རིམ་ཞུས་བརྒྱུད་རང་ཁྱིམ་དུ་བཟང་བཙོན་འོག་གློད་ཡོད་ཀྱང་། ད་ལྟའི་ཆར་ཁོང་གི་གཟུགས་པོ་གཅུང་ཅན་དུ་གྱུར་ཡོད་རྐྱེན། ཤུལ་ལུས་ནང་མི་རྣམས་ཀྱི་འཚོ་བར་དཀའ་ངལ་འཕྲད་ཉེན་ཡོད་འདུག ཕྱི་ལོ་༢༠༡༢ ཟླ་ ༡ ཚེས་ ༡༣ སྟེ་རྒྱའི་ལོ་སར་ཉིན། བོད་མདོ་ཁམས་བྲག་མགོ་རྫོང་ཐོག་ཏུ་བོད་མིའི་ཞི་རྒོལ་ལ་རྒྱ་གཞུང་གིས་ཡ་ང་བའི་དམར་གསོད་དྲག་གནོན་བྱས་པ་མ་ཟད། ལོ་དེའི་ཕྱི་ཟླ་ ༢ ཚེས་ ༩ ཉིན་རྒྱ་གཞུང་དྲག་ཆས་ཉེན་རྟོག་པ་རྣམས་ནོར་བ་འབྲོག་སར་ཕྱིན་ཏེ། ཡེ་ཤེས་བསམ་འགྲུབ་ཀྱི་ཁང་ཁྱིམ་གྱི་མཐའ་སྐོར་རྗེས་ནང་མིའི་ཐོག་གང་བྱུང་མེ་མདའ་བརྒྱབ་ནས། དེ་སྔོན་བྲག་མགོའི་ཞི་རྒོལ་ཁྲོད་རྨས་སྐྱོན་ཕོག་མཁན་གྲྭ་ཡེ་ཤེས་རིག་གསལ་དང་། ཁོང་གི་སྤུན་མཆེད་ཡེ་ཤེས་བསམ་འགྲུབ་གཉིས་དམར་གསོད་བྱས་ཡོད་ལ། སྐབས་དེར་སྤུན་མཆེད་ཡོན་ཏན་བཟང་པོར་མེ་མདས་བརྒྱབ་སྟེ་རྨས་རྗེས་འཇུ་བཟུང་བཙན་ཁྲིད་ཀྱིས་བཀག་ཉར་དང་། རང་ལོ་ ༧༠ ཙམ་ཡིན་པའི་ཁོ་ཚོའི་ཨ་མ་སངས་ལྷ་དང་བྱིས་པ་ལྔ་ལའང་མེ་མདས་བརྒྱབ་སྟེ་རྨས་བཟོས་པ་མ་ཟད། རྗེས་སུ་ཡོན་ཏན་བཟང་པོར་མི་བསད་ཀྱི་ཉེས་པ་བཙུགས་ཏེ་སྲོག་ཁྲིམས་གཅོད་རྩིས་བྱས་ཡོད་ཀྱང་། ས་གནས་མང་ཚོགས་ཀྱིས་དྲང་བདེན་མིན་པའི་ཁྲིམས་གཅོད་དེར་ཞུ་གཏུགས་རིམ་པར་བྱས་པར་བརྟེན། ཕྱི་ལོ་ ༢༠༡༣ ཟླ་ ༤ ཚེས་ ༢༡ ཁོང་ཕྱིར་གློད་དེ་རང་ཁྱིམ་དུ་ལོ་གསུམ་རིང་བཟང་བཙོན་གྱི་ཚུལ་དུ་བཀག་ཉར་འོག་སྡོད་དགོས་བྱུང་ཡོད་པ་རེད། ཡིན་ནའང་། རྒྱ་གཞུང་གིས་ཁ་པར་དང་དྲ་རྒྱའི་བརྒྱུད་ལམ་ཁག་ལ་དམ་དྲག་ཤུགས་ཆེན་བྱེད་བཞིན་པའི་རྐྱེན་གྱིས། སྐབས་དེའི་ཞིབ་ཕྲའི་གནས་ཚུལ་རིགས་ཤེས་རྟོགས་ཐུབ་ཁག་པོ་ཆགས་ཡོད། ཉེ་སྔོན་བོད་ནས་རྒྱ་གར་ལ་བཙན་བྱོལ་དུ་འབྱོར་མཁན་ཞིག་གིས། འདི་ག་ལྟེ་གནས་ཁང་ལ་སྐབས་དེའི་གནས་ཚུལ་སྐོར་བརྗོད་དོན། རྒྱ་གཞུང་དྲག་ཆས་ཉེན་རྟོག་པ་བྲག་མགོ་ནོར་བའི་འབྲོག་སར་འོངས་སྟེ། གྲྭ་ཡེ་ཤེས་རིག་གསལ་དང་ཁོའི་སྤུན་མཆེད་ཡེ་ཤེས་བསམ་འགྲུབ་གཉིས་དམར་གསོད་དང་། ཡོན་ཏན་བཟང་པོར་མེ་མདས་བརྒྱབ་སྟེ་རྨས་སྐྱོན་བཟོས་རྗེས་བཙན་འཁྲིད་ཀྱིས་གར་སོང་ཆ་མེད་དུ་གནས་ཚུལ་དེ་བྱུང་རྗེས། ཉིན་ ༡༥ ཙམ་གྱི་རྗེས་སུ་ཡོན་ཏན་བཟང་པོ་མ་ཤི་བར་དར་རྩེ་མདོའི་སྨན་ཁང་ཞིག་ཏུ་ཡོད་རབས་གོ་ཐོས་བྱུང་ཡང་། ཁོང་གི་གཟུགས་པོའི་གནས་སྟངས་ངོ་མ་ཅི་ཡིན་ཤེས་རྟོགས་བྱུང་མེད། དེ་ནས་ཉིན་ ༢༠ ཙམ་གྱི་རྗེས་སུ་ཁོང་དར་རྩེ་མདོ་ཡི་བཙོན་ཁང་ཞིག་ཏུ་བཙོན་འཇུག་བྱས་ཡོད་པ་ཤེས་ཡོད། ཡིན་ན་ཡང་། …

Read More »

རྒྱ་གཞུང་གིས་དམུ་དགེ་དགོན་པའི་ནང་བརྙན་མིག་བཙུགས་ཏེ་དམ་དྲག་བྱེད་བཞིན་འདུག

ཉེ་སྔོན་ནས་བཟུང་བོད་མདོ་སྨད་རྔ་བ་ཁུལ་ཟུང་ཆུ་རྫོང་དམུ་དགེ་ས་ཁུལ་དུ་རྒྱ་གཞུང་གིས་ས་གནས་བོད་རིགས་ཞང་འབྲོག་མང་ཚོགས་ཀྱི་ས་ཆ་བཙན་འཕྲོག་བྱས་པར་བརྟེན། ས་གནས་བོད་རིགས་མང་ཚོགས་ཀྱི་འཚོ་བར་དཀའ་ངལ་སྣ་ཚོགས་འཕྲལ་བཞིན་པ་མ་ཟད། དམུ་དགེ་དགོན་པ་གཙོས་ས་གནས་ཞང་གྲོང་ཁག་ནང་ཉེན་རྟོག་ཁང་མང་པོ་གསར་རྒྱག་བྱས་ཏེ་ལྟ་རྟོགས་བཀག་སྡོམ་ཤུགས་ཆེ་རུ་གཏོང་བཞིན་ཡོད་པ་ལྟར།   འདི་ག་ལྟེ་གནས་ཁང་ལ་གསར་དུ་དེའི་སྐོར་གྱི་གནས་ཚུལ་དང་པར་རིས་འབྱོར་དོན། དམུ་དགེ་དགོན་པའི་ནང་དུ་རྒྱ་གཞུང་ཉེན་རྟོག་པས་དུས་རྒྱུན་སྐོར་གཡེང་བྱེད་བཞིན་པ་མ་ཟད། ལྟ་རྟོགས་བཀག་སྡོམ་ཆེད་དགོན་པའི་ནང་བརྙན་མིག་གསུམ་བཙུགས་ཡོད་པ་དང་། བརྙན་མིག་དེ་གསུམ་ནི་གྲྭ་མང་ཆོས་ར་འཚོགས་སའི་དགོན་པའི་ཚོགས་ཆེན་འདུ་ཁང་གི་སྒོ་དང་། དགོན་པའི་ཁྲི་བ་དང་ལས་སྣེ་རྣམས་སྡོད་སའི་འཇམ་དབྱངས་བཞད་པའི་གཟུམ་ཁང་གི་སྒོ། བོད་མི་དད་ལྡན་མཇལ་བ་རྣམས་ཀྱིས་ཕྱག་སྐོར་དང་འདུ་འཛོམས་བྱེད་སའི་གནས་བཀྲ་ཤིས་འཁོར་ལོའི་དགོན་གྱི་རི་སྒང་བཅས་སུ་བཙུགས་ཡོད་འདུག བརྙན་མིག་དེ་གསུམ་གྱིས་དགོན་པའི་ནང་གནས་ཚུལ་ག་རེ་བྱུང་གི་ཡོད་ཆ་ཚང་གསལ་བོ་མཐོང་ཐུབ་ཀྱི་ཡོད་འདུག  

Read More »

མེར་བསྲེགས་དང་འབྲེལ་བའི་ཉེས་མིང་འོག་བོད་མི་གསུམ་ལ་ཁྲིམས་ཐག་བཅད་འདུག

རྒྱ་གཞུང་གིས་བོད་ནང་རང་ལུས་མེར་བསྲེགས་གཏོང་མཁན་རྣམས་ཀྱི་ནང་མི་དང་། གྲོགས་པོ་སོགས་ལ་ཉེས་མིང་སྣ་ཚོགས་བཀལ་ཏེ་འཇུ་བཟུང་ཁྲིམས་གཅོད་བྱེད་བཞིན་ཡོད་པ་ལྟར། རྒྱལ་གཅེས་དཔའ་བོ་གྲུབ་མཆོག་ལགས་ཀྱི་རང་བསྲེགས་ངོ་རྒོལ་དང་འབྲེལ་བའི་ཐོག་ནས། བོད་མི་གསུམ་ལ་ཉེན་རྟོག་པས་མེ་གསོད་པར་བཀག་འགོག་བྱས་པའི་ཉེས་མིང་འོག་བཙོན་འཇུག་ཁྲིམས་ཐག་བཅད་འདུག ཕྱི་ལོ་ ༢༠༡༣ ཟླ་ ༡ ཚེས་ ༡༨ ཉིན། བོད་མདོ་སྨད་རྔ་བ་ཁུལ་ཁྱུང་མཆུ་རྫོང་སྦྲ་ཆེན་ཡུལ་ཚོ་རུ་ཁག་གཉིས་པའི་གཙོས་རུ་མའི་ཕ་ཀྱོག་པོ་དང་མ་གཡང་མཚོ་གཉིས་ཀྱི་བུ། རང་ལོ་ ༢༨ ཡིན་པའི་གྲུབ་མཆོག་ལགས་ཀྱིས་སྦྲ་ཆེན་མཐུན་སྒྲིལ་ཐང་དུ་རང་ལུས་མེར་བསྲེཊ་གནང་སྟེ།  རྒྱ་གཞུང་གི་དྲག་གནོན་དབང་སྒྱུར་གྱི་མི་སེར་སྤེལ་བའི་སྲིད་ཇུས་ལ་ངོ་རྒོལ་གྱིས་འདས་གྲོངས་ཕྱིན་ཡོད་ལ།  སྐབས་དེར་ས་གནས་མང་ཚོགས་ཀྱིས་ཁོང་གི་སྐུ་ཕུང་འགེབས་སྲུང་གིས།  རྒྱ་གཞུང་ཉེན་རྟོག་པ་དང་མང་ཚོགས་བར་རྩོད་རྙོག་བྱུང་ཡོད་པ་ལྟར། འདི་ག་ལྟེ་གནས་ཁང་ལ་གནས་ཚུལ་འབྱོར་དོན།  རྒྱལ་གཅེས་དཔའ་བོ་གྲུབ་མཆོག་ལགས་ཀྱིས་རང་ལུས་མེར་བསྲེགས་རྗེས། རྒྱ་གཞུང་གིས་ཉེན་རྟོག་པ་དང་ལས་བྱེད་མི་སྣས་མེ་གསོད་རྒྱུར་བཀག་འགོག་བྱས་པའི་ཉེས་འོག   ཕྱི་ལོ་ ༢༠༡༣ ཟླ་ ༡ ཚེས་ ༢༢ ཉིན། བོད་མི་གུར་མགོན་དང་ནོར་བུ་རྡོ་རྗེ། བསོད་ནམ་ཡར་འཕེལ་གསུམ་འཛིང་བཟུང་བཀའ་རྒྱ་བསྒྲགས་ཏེ། གལ་སྲིད་ཁོང་གསུམ་གྱིས་མགོ་འདོགས་ཞུས་པ་ཡིན་ན་ཁྲིམས་ཆད་ཡང་མོ་གཅོད་རྒྱུ་ཡིན་སྐོར་བརྗོད་ནས།  ཁོང་གསུམ་འཇུ་བཟུང་གིས་ཁྱུང་ཆུ་རྫོང་དུ་བཀག་ཉར་འདྲི་བརྩད་བྱས་ཡོད་འདུག འདི་ལོའི་ཕྱི་ཟླ་ ༧ པའི་ཟླ་དཀྱིལ་ཙམ་ལ་ཁྱུང་མཆུ་རྫོང་མི་མང་ཁྲིམས་ཁང་གིས། ས་གནས་རྫོང་ཁོངས་ཀྱི་ཞང་ཁག་གི་མགོ་ཁྲིད་དང་ལས་བྱེད། ཁོང་གསུམ་གྱི་ནང་མི་གཉིས་རེ་བཅས་འབོད་འགུག་ཐོག   གུར་མགོན་དང་བསོད་ནམས་ཡར་འཕེལ་གཉིས་ལ་ལོ་ ༤ རེ་དུས་བཀག་བཙོན་འཇུག་དང་།  ནོར་བུ་རྡོ་རྗེ་ལ་ལོ་ ༥ དུས་བཀག་བཙོན་འཇུག་བཅས་ཀྱི་ཁྲིམས་ཐག་བཅད་ཡོད་པ་དང་། ད་ལྟའི་ཆར་ཁོང་གསུམ་སི་ཁྲོན་མཱེན་ཡང་བཙོན་ཁང་དུ་བཙོན་འཇུག་བཀག་ཉར་བྱས་ཡོད་འདུག དེ་བཞིན། ཉེ་ཆར་རྒྱ་གཞུང་གིས་ཞང་དང་རྫོང་བཅས་རིམ་པ་ཁག་བརྒྱུད་དེ་ཡིག་ཆ་འདྲ་མིན་བཟོ་དགོས་པའི་སྒྲིག་གཞི་གཏན་འབེབས་ཀྱིས་སྟངས་འཛིན་ནན་མོ་བྱེད་བཞིན་ཡོད་སྟབས།  ཁོང་ཚོའི་ནང་མི་ཉེ་འབྲེལ་རྣམས་ཐུག་འཕྲད་དུ་བསྐྱོད་རྒྱུར་དཀའ་ངལ་འཕྲད་བཞིན་ཡོད་འདུག  

Read More »

རྒྱ་གཞུང་གི་འཇུ་བཟུང་འོག་ཡོད་པའི་རྩོམ་པ་པོ་ཞོགས་དྲིལ་གྱི་སྙན་རྩོམ་ཁག་གཉིས།

ན་གཞོན་རྩོམ་པ་པོ་ཞོགས་དྲིལ་ནི། ཁམས་འབྲི་རུ་རྫོང་ཤག་ཆུ་ཞང་ནས་ཡིན་ལ། ཕྱི་ལོ་ ༢༠༡༣ ཟླ་ ༡༠ ཚེས་ ༡༡ ཉིན་གྱི་མཚན་མོའི་ཆུ་ཚོད་ ༡ ཙམ་རྒྱ་གཞུང་ཉེན་རྟོག་པས་གསང་བའི་ཐོག་འཇུ་བཟུང་བཙན་ཁྲིད་བྱས་ཏེ།  ད་ལྟའི་ཆར་གར་སོང་ཆ་མེད་དུ་གནས་སྟངས་ཆགས་འོག་ལྷག་ཡོད། ཁོང་གིས་སྔ་ཕྱིར་ <<ཁ་བ་ལ་འཁྲེར་བའི་དུང་སེམས་ཀྱི་ཅོང་སྒྲ།>>  དང་   <<གངས་རིའི་ལས་དབང་།>>  ཞེས་པའི་དེབ་གཉིས་བརྩམས་ཏེ་འགྲེམས་དང་། <<གངས་རིའི་ལས་དབང་།>>  ཞེས་ལོ་དེབ་ཀྱི་རྩོམ་སྒྲིག་པ་བཅས་གནང་ཡོད་ལ།   རྒྱ་ཡིག་དྲ་རྒྱའི་སྒེར་གཉེར་ཟིན་སྟེང་རྒྱ་ཡིག་གི་ལམ་ནས་རྩོམ་ཡིག་སྣ་ཚོགས་སྤེལ་ཡོད་པ་རེད།   གཤམ་དུ་རྩོམ་པ་པོ་ཁོང་གིས་རྒྱ་ཡིག་ཐོག་བརྩམས་པའི་ <<འཆི་འོས་པའི་དཀོན་མཆོག>>  དང་  <<སྐྱུག་བྲོ་བའི་ལྷ།>> སྙན་རྩོམ་གཉིས་བོད་སྒྱུར་བྱས་ཡོད། སྐྱུག་བྲོ་བའི་ལྷ་ཞེས་པ་ནི་རྩོམ་འཕྲོར་ལས་པའི་སྙན་རྩོམ་ཞིག་ཡིན་པས། རྩོམ་པ་པོ་རང་ཉིད་ཀྱིས་རྒྱ་ཡིག་གི་མ་རྩོམ་སྟེང་མུ་འགོད་ཞེས་བྲིས་འདུག  ཡིག་སྒྱུར་སྐབས་མ་རྩོམ་གྱི་བརྗོད་དོན་ཇི་མ་ཇི་བཞིན་གྲ་མ་ཉམས་དྲི་མ་ཡལ་བ་ཞིག་འབྱུང་ཁག་སྟབས། རྒྱ་ཡིག་མ་རྩོམ་གྱི་དྲ་ཐག་འདི་གར་ཕུལ་ཡོད་པས།  ཀློག་པ་པོ་རྣམས་ཀྱིས་རྩོམ་གྱི་བརྗོད་སྙིང་གི་གཞི་འཛིན་ས་མ་རྩོམ་རང་བྱེད་དགོས་པ་ཐུགས་འཇགས་ཡོང་བ་ཞུ།   http://danzhengjia6508.tibetcul.com/home.php?mod=space&uid=17012&do=blog&id=146627 http://amy928.tibetcul.com/home.php?mod=space&uid=17012&do=blog&id=144260

Read More »

འབྲི་རུ་རྫོང་ཤག་ཆུ་གྲོང་རྡལ་དུ་བསྟན་འཛིན་རང་གྲོལ་གཙོས་བོད་མི་ ༡༠ ལྷག་འཇུ་བཟུང་བྱས་འདུག

རྒྱ་གཞུང་གིས་འབྲི་རུ་རྫོང་ཤག་ཆུ་གྲོང་རྡལ་གྱི་བསྟན་འཛིན་རང་གྲོལ་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་གྱུར་ཡོད་པ་མ་ཟད། ཁོང་གློད་ཡོང་བར་རེ་སྐུལ་ཞུ་མཁན་མང་ཚོགས་ཁྲོད་ནས་མི་བཅུ་གྲངས་ཤིག་འཇུ་བཟུང་དང་། གཞན་རྣམས་ཀྱང་འཇུ་བཟུང་བྱ་སྲིད་པའི་འཇིགས་སྐུལ་དང་། མི་རིགས་ལ་གཉའ་གནོན་དང་ཁྱད་གསོད་ཀྱི་སྡིག་ར་སྣ་ཚོགས་སྐུལ་ཡོད་འདུག ཕྱི་ལོ་ ༢༠༡༣ ཟླ་ ༡༠ ཚེས་ ༡༨ ཉིན་གྱི་ཞོགས་པར། འབྲི་རུ་རྫོང་ཤག་ཆུ་གྲོང་བརྡལ་ནས་ཡིན་པའི་བསྟན་འཛིན་རང་གྲོལ་གྱིས་བུ་ཕྲུག་སློབ་གྲྭར་བསྐྱལ་ཏེ་ཕྱིར་ལོག་པའི་ལམ་བར་ནས། རྒྱ་གཞུང་ཉེན་རྟོག་པས་ཁོང་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་འདུག བསྟན་འཛིན་རང་གྲོལ་ནི་རྒྱ་གཞུང་གིས་བོད་ས་བཅད་བགོས་ཀྱི་ས་ཁོངས་ལྟར་ན། བོད་རང་སྐྱོང་ལྗོངས་ནག་ཆུ་ས་ཁུལ་འབྲི་རུ་རྫོང་ཤག་ཆུ་གྲོང་རྡལ་གྱི་གྲོང་ཚོ་བཞི་པའི་ཡིན་པ་དང་། ཁོང་ད་ལྟ་རང་ལོ་ ༣༤ ཡིན་པ་རེད། ཁོང་གི་བཟའ་ཟླ་མིང་ལ་ཚེ་རིང་པད་འཛོམས་དང་རང་ལོ་ ༢༦ ཡིན་འདུག ཁོང་གཉིས་ལ་བུ་ཕྲུག་གསུམ་ཡོད་པ་དང་། ཁྱིམ་ཚང་གི་འཚོ་རྟེན་གཙོ་བོ་ནི་སྒེར་གཉེར་ཚོང་ལས་ལ་བརྟེན་གྱི་ཡོད་འདུག

Read More »

འབྲི་རུ་རྫོང་ཁོངས་སུ་བོད་མི་མང་པོ་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་འགྱུར་བཞིན་འདུག

ཉེ་ཆར་འབྲི་རུ་རྫོང་དུ་རྒྱ་དམག་གིས་བོད་རིགས་མང་ཚོགས་ལ་དྲག་གནོན་གྱིས་ཛ་དྲག་གནས་ཚུལ་བྱུང་བའི་རྗེས།  རྒྱ་གཞུང་ཉེན་རྟོག་པས་སྔ་ཕྱིར་བོད་མི་མང་པོ་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་འགྱུར་བཞིན་ཡོད་པ་མ་ཟད།  ནག་ཆུ་ས་ཁུལ་ཕྱི་ལོགས་ཀྱི་མདོ་སྟོད་སྨད་ཁུལ་གྱི་དགོན་སྡེ་ཁག་ནང་སློབ་གཉེར་བྱེད་བཞིན་པའི།  ཕ་ཡུལ་འབྲི་རུ་རྫོང་ཁོངས་ནས་ཡིན་པའི་གྲྭ་བཙུན་ལ་རྣམས་ལའང་དྲི་གཅོད་བཀག་སྡོམ་བྱེད་མགོ་བརྩམས་ཡོད་འདུག   འདི་ག་ལྟེ་གནས་ཁང་ལ་གནས་ཚུལ་འབྱོར་དོན།  ཕྱི་ལོ་ ༢༠༡༣ ཟླ་ ༡༠ ཚེས་ ༡༥ ཉིན།  རྒྱ་གཞུང་ཉེན་རྟོག་པས་ཁ་པར་དང་བརྒྱུད་ལམ་ཁག་ནས་གསང་བ་ཕྱིར་བསྒྲགས་བྱས་པའི་ཉེས་འཛུགས་འོག   འབྲི་རུ་རྫོང་གཤམ་ཆུ་ཞང་ཡར་ལྡིང་གྲོང་ནས་བོད་མི་ཟླ་བ་ལྷུན་གྲུབ་དང་བཙུན་མ་བྱམས་པ་གཉིས་འཇུ་བཟུང་བཙན་འཁྲིད་བྱས་ཡོད་འདུག  རྒྱ་གཞུང་གིས་བོད་ས་བཅད་བགོས་ཀྱི་ད་ལྟའི་ཁོངས་ལྟར་བྱས་ན།  ཁོང་གཉིས་ནི་བོད་རང་སྐྱོང་ལྗོངས་ནག་ཆུ་ས་ཁུལ་འབྲི་རུ་རྫོང་གཤམ་ཆུ་ཞང་ཡར་ལྡིང་གྲོང་ཚོ་ནས་ཡིན་ལ། ཟླ་བ་ལྷུན་གྲུབ་ད་ལྟ་རང་ལོ་ ༡༩ དང་། བཙུན་པ་བྱམས་པ་རང་ལོ་ ༢༠ ཡིན་འདུག  

Read More »

འབྲི་རུ་རྫོང་དུ་བོད་མི་རྩོམ་པ་པོ་ཞིག་དང་ཉེན་རྟོག་ལས་བྱེད་ཟུར་པ་ཞིག་གཉིས་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་འདུག

རྒྱ་གཞུང་ཉེན་རྟོག་པས་འབྲི་རུ་རྫོང་གི་བོད་རིགས་གཞོན་སྐྱེས་རྩོམ་པ་པོ་ཞིག་དང་། ཉེན་རྟོག་ལས་བྱེད་ཟུར་པ་ཞིག་བཅས་བོད་མི་གཉིས་ལ། འབྲི་རུ་རྫོང་དུ་མང་ཚོགས་ཀྱི་ཞི་བའི་ངོ་རྒོལ་སྐབས་ཁྲིམས་འགལ་གྱི་གཏམ་བཤད་སྤེལ་ཡོད་པའི་ཉེས་འཛུགས་འོག་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་གྱུར་ཡོད་པ་རེད། འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༣ ཟླ་ ༡༠ པའི་ཚེས ༡༡ ཉིན་འབྲི་རུ་རྫོང་གི་ཉེན་རྟོག་མི་སྣ་གཤམ་ཆུ་ཤང་སྟེང་མཁར་གྲོང་དུ་ཕྱིན་ཏེ། བོད་ནང་གི་མཚན་མོ་ཆུ་ཚོད་ ༡ ཙམ་ལ་གློ་བུར་དུ་གཞོན་སྐྱེས་རྩོམ་པ་པོ་ཚུལ་ཁྲིམས་རྒྱལ་མཚན་གྱི་ཁྱིམ་དུ་འཛུལ་ཏེ་ཁོང་འཇུ་བཟུང་བཙན་ཁྲིད་བྱས་ཡོད་པ་མ་ཟད། རྩོམ་པ་པོ་ཁོང་གི་སྡོད་ཁང་ཕྱི་ནང་ཚང་མར་སྔོག་བཤེར་ནན་མོ་བྱས་ཏེ། ཁོང་གི་གློག་ཀླད་དང་ཁ་པར། དཔེ་དེབ་སོགས་ཀྱང་བཙན་འཁྱེར་བྱས་ཡོད་པ་དང་། ཕྱི་ཚེས་ ༡༡ ཉིན་གྱི་སྔ་དྲོ་ཁོང་གི་གྲོགས་པོ་གཞོན་སྐྱེས་རྩོ་པོ་པོ་གཡུལ་རྒྱལ་ལགས་ཀྱང་འབྲི་རུ་རྫོང་གཤམ་ཆུ་ཤང་སྟེང་མཁར་གྲོང་ནས་གློ་བུར་འཇུ་བཟུང་བཙན་ཁྲིད་བྱས་ཡོད་འདུག

Read More »

རྒྱ་གཞུང་གིས་ས་ཁུལ་དང་མི་རིགས་དབྱེ་འབྱེད་ཀྱིས་བོད་མིར་དམིགས་བསལ་དམ་དྲག་བྱེད་བཞིན་འདུག

རྒྱ་གཞུང་གིས་བོད་རང་སྐྱོང་ལྗོངས་སུ་འབོད་པའི་ས་གནས་རྒྱ་གཞུང་གིས་ནག་ཆུ་ས་ཁུལ་འབྲི་རུ་རྫོང་ནི། བོད་རང་སྐྱོང་ལྗོངས་ཡོངས་སུ་དམར་ཤོག་པའི་མང་ཚོགས་ལམ་ཕྱོགས་སློབ་གསོ་ཞེས་པའི་དམ་དྲག་དབང་སྒྱུར་གྱི་ཆབ་སྲིད་ལས་འགུལ་དྲིལ་སྒྲོག་དང་ལག་བསྟར་བྱེད་ཡུལ་གྱི་ཐོག་མའི་ཚོད་ལྟའི་ས་ཁུལ་དུ་བདམས་ནས། གཞི་རིམ་ཞང་གྲོང་ཁུལ་དུ་ལས་བྱེད་མི་སྣ་ ༡༨༠༠༠ ལྷག་འགྲེམས་གཏོང་བྱས་ཏེ། གྲོང་ཚོ་སོ་སོའི་ནང་དམར་ཤོག་པའི་ཁ་ལ་ཉན་པ་དང་། དམར་ཤོག་པར་དྲིན་གཟོ་བ། རྒྱ་གཞུང་ལ་དགའ་ཞེན་བྱེད་པ། མི་ཚང་རེ་རེའི་ཁང་སྟེང་དུ་རྒྱ་གཞུང་གི་དར་དམར་བསྒྲེགས་འཛུགས་དགོས་པ་སོགས་ཀྱི་བཙན་དྲག་ལས་འགུལ་སྤེལ་བར་བརྟེན་ནས། འབྲི་རུ་རྫོང་གི་ས་གནས་མང་ཚོགས་རྣམས་འུ་ཐུག་ཐབས་ཟད་ཀྱི་གནས་སུ་གྱུར་ཏེ། མང་ཚོགས་རང་བཞིན་གྱི་ཞི་བའི་ངོ་རྒོལ་བྱས་པར་རྒྱ་གཞུང་དྲག་ཆས་ཉེན་རྟོག་པ་དང་དམག་མིས་དྲག་རྡུང་བྱས་ཡོད་པ་མ་ཟད། ཕྱི་ཚེས་ ༦ ཉིན་ལྟ་ཐང་ཞང་དུ་རྒྱ་དམག་གིས་མང་ཚོགས་ཐོག་མེ་མདའ་བརྒྱབ་སྟེ་གནས་སྟངས་སྔར་བས་ཛ་དྲག་ཆགས་ཡོད་པ་རེད། ཕྱི་ཟླ་ ༡༠ ཚེས་ ༨ ཉིན་ལྷ་སའི་མཁར་གྲོང་རྙིང་པའི་ཁུལ་གྱི་ཉེན་རྟོག་བཀོད་འདོམས་སྡེ་ཁག་གིས། ས་གནས་ཁུལ་གྱི་བདེ་འཇགས་ཞིབ་བཤེར་ས་ཚུགས་དང་ཉེན་རྟོགས་ས་ཚུགས་ཁག་ལ་༼ ལྷ་ས་གྲོང་ཉེན་རྟོག་བདེ་འཇགས་ས་ཚུགས་ཁག་གི་ནག་ཆུའི་མི་སྣ་རྩིས་སྤྲོད་བྱེད་སྟངས་སྐོར་གྱི་གསང་བའི་བརྡ་ཐོ ༽ཞེས་པའི་ཡིག་ཆ་བཀྲམས་ཏེ། ནག་ཆུ་ས་ཁུལ་གྱི་ཤར་ཕྱོགས་རྫོང་ཁག་གསུམ་སྟེ་འབྲི་རུ་དང་། སྦྲ་ཆེན། སོག་རྫོང་བཅས་ཀྱི་ཡུལ་མི་རྣམས་ལྷ་ས་གྲོང་ཁྱེར་དུ་བསླེབས་སྐབས། ཉེན་རྟོག་ས་ཚུགས་སོ་སོ་ཕན་ཚུན་ལ་གསང་བརྡའི་ལམ་ནས་གནས་ཚུལ་བརྒྱད་སྤྲོད་ཀྱི་ལྟ་རྟོགས་ནན་མོ་བྱེད་དགོས་པའི་བཀའ་རྒྱ་བཏང་ཡོད་པ་རེད། རྒྱ་གཞུང་ཉེན་རྟོག་སྡེ་ཁག་ནང་ཁུལ་དུ་བཀྲམས་པའི་གསང་བའི་གནས་ཚུལ་བརྒྱུད་སྤྲོད་བྱེད་ཕྱོགས་ཀྱི་ཡིག་ཆ་ཆ་ཚང་གཤམ་དུ་བཀོད་ཡོད། ལྷ་ས་གྲོང་ཉེན་རྟོག་བདེ་འཇགས་ས་ཚུགས་ཁག་གི་ནག་ཆུའི་མི་སྣ་རྩིས་སྤྲོད་བྱེད་སྟངས་སྐོར་གྱི་གསང་བའི་བརྡ་ཐོ། གནའ་མཁར་ཁུལ་གྱི་མི་སེར་དཀྱིས་མའི་ཉེན་རྟོག་ས་ཚུགས་ཁག་ལ་སྒྲོགས་རྒྱུ། ལྷ་ས་གྲོང་ཁྱེར་གྱི་བརྟན་སྲུང་དོ་དམ་ལག་བསྟར་དོན་འཁྱོལ་ཡོང་ཐབས་ཀྱི་ཚོགས་འདུའི་དགོངས་དོན་ལྟར། རུ་ཁག་མགོ་ཁྲིད་ཀྱི་གོ་སྒྲིག་གཞིར་བཟུང་མཁར་གྲོང་རྙིང་པའི་ས་ཁུལ་གྱི་སྤྱི་ཚོགས་བདེ་སྲུང་སྒྲིག་གཞི་བདེ་འཇགས་ཡོང་རྒྱུར་ཁག་ཐེག་ཐུབ་ཆེད། ད་ལྟ་དང་མ་འོངས་པའི་ཆར་ལག་ཐོག་བརྡ་གཏོང་འཕྲིན་ལམ་བརྒྱུད་ནས་ནག་ཆུ་ཤར་ཕྱོགས་རྫོང་ཁག་གསུམ་གྱི་མི་སྣར་གསང་མིང་བཀོལ་སྤྱོད་བྱེད་ཕྱོགས་ཀྱི་བརྡ་སྦྱོར་གཤམ་གསལ། གསང་བརྡའི་ཚིག་བེད་སྤྱོད་བྱེད་སྟངས། ནག་ཆུ་ས་ཁུལ་གྱི་སྐྱེས་པ་ཚོར་གསང་བརྡའི་ཚིག་ “སྐུ་མགྲོན་བུ” དང་། ནག་ཆུ་ས་ཁུལ་གྱི་སྐྱེས་མ་ཚོར་གསང་བརྡའི་ཚིག་ “སྐུ་མགྲོན་བུ་མོ་” ཞེས་འབོད་དགོས། དེ་བཞིན། འབྲི་རུ་རྫོང་གི་གསང་བརྡའི་ཚིག་ “A ས་ཁུལ” དང་། སོག་རྫོང་ལ་ “ B ས་ཁུལ”། སྦྲ་ཆེན་རྫོང་ལ་ “C …

Read More »

ནག་ཆུ་ཁུལ་དུ་མདོ་སྟོད་སྨད་དུ་ཆོས་སློབ་གཉེར་དུ་བསྐྱོད་མཁན་ལ་སྤྱི་ཚོགས་བཙོན་པའི་ཉེས་མིང་འོག་བཀག་སྡོམ་བྱེད་བཞིན་འདུག

ད་ལྟ་ནག་ཆུ་ས་ཁུལ་དུ་རྒྱ་གཞུང་གིས་དམར་ཤོག་མང་ཚོགས་ལམ་ཕྱོགས་སློབ་གསོ་ཞེས་པའི་དྲག་གནོན་དམ་བསྒྲགས་ཀྱི་ཆབ་སྲིད་ལས་འགུལ་སྤེལ་ཏེ། ས་གནས་མང་ཚོགས་ལ་སུན་གཙེར་དང་དཀའ་ངལ་མང་པོ་སྤྲོ་བཞིན་པར་བརྟེན། མང་ཚོགས་རྣམས་ཐབས་ཟད་འུ་ཐུག་གི་གནས་སུ་ལྷུང་སྟེ་ཞི་བའི་རེ་ཞུ་དང་ངོ་རྒོལ་གནང་བར། རྒྱ་གཞུང་ཉེན་རྟོག་པ་དང་དམག་མི་འགྲེམས་འཇོག་གིས་ཡ་ང་བའི་དྲག་གནོན་བྱས་ཏེ་ནག་ཆུ་ས་ཁུལ་གྱི་གནས་སྟངས་ཛ་དྲག་ཆགས་བཞིན་ཡོད་པ་ལྟར། ཉེ་ཆར་གསར་དུ་རྒྱ་གར་ནང་བཙན་བྱོལ་དུ་འབྱོར་བའི་ཕ་ཡུལ་ནག་ཆུ་ནས་ཡིན་པའི་བོད་མི་གཉིས་ལ་བཅར་འདྲི་བྱས་པར། ཁོང་གཉིས་ཀྱིས་རྒྱ་གཞུང་གིས་ནག་ཆུ་ས་ཁུལ་དུ་དམ་བསྒྲགས་སྲིད་ཇུས་སྤེལ་ཏེ་ས་གནས་མང་ཚོགས་ལ་དཀའ་ངལ་སྣ་ཚོགས་འཕྲད་བཞིན་པའི་དངོས་མཐོང་གནས་ཚུལ་ཁག་འགྲེལ་བརྗོད་གནང་སོང་། གྲྭ་བག་གྲོ་ལགས་ནི་ད་ལྟ་རང་ལོ་ ༢༣ ཡིན་ལ། ཁོང་ནག་ཆུ་ས་ཁུལ་ལྷ་རི་རྫོང་དཔལ་ལྡན་གྲོང་ཚོའི་ཡིན་པ་རེད། ཆུང་དུས་སུ་སློབ་གྲྭར་ལོ་གཉིས་ཙམ་ལས་འགྲོ་མྱོང་མེད་པར། འབྲོག་ཁུལ་དུ་ཕ་མ་གཉིས་དང་མཉམ་དུ་འབྲོག་ལས་འཚོ་བ་རོལ་ནས་བསྡད་པ་དང་། ལོ་ ༢༠ སྟེང་རབ་བྱུང་སྒྲུབ་སྟེ་གསེར་རྟ་དགོན་པར་ཆོས་སློབ་གཉེར་ཆེད་བསྐྱོད་ནས། དེ་གར་ལོ་གསུམ་རིང་ནང་ཆོས་སློབ་གཉེར་གནང་རྗེས། ཉེ་ཆར་རོགས་པ་བདེ་རི་དང་མཉམ་དུ་རྒྱ་གར་ནང་བཙན་བྱོལ་དུ་འབྱོར་ཡོད་པ་རེད། ཁོང་གིས་འདི་ག་ལྟེ་གནས་ཁང་ལ་གནས་ཚུལ་བརྗོད་པ་ལྟར་ན། སྤྱིར་བཏང་ནག་ཆུ་ས་ཁུལ་ལྷ་རི་རྫོང་ལ་མཚོན་ན། མང་ཚོགས་ཁྲོད་ཤེས་བྱ་ཡོན་ཏན་ཡོད་མཁན་ཉུང་ཉུང་ཡིན་འདུག ས་གནས་མང་ཚོགས་རྣམས་ཧ་ཅང་ཉམས་ཆུང་ཡིན་སྟབས། ས་གནས་དེར་ནམ་རྒྱུན་ཆབ་སྲིད་ཀྱི་དོན་རྐྱེན་བྱུང་བ་ཧ་ཅང་དཀོན་པོ་ཡིན་ཡང་། ས་གནས་རྒྱ་གཞུང་གིས་དུས་རྒྱུན་བཀག་སྡོམ་ནན་པོ་བྱེད་བཞིན་ཡོད་འདུག

Read More »

རྒྱ་གཞུང་གིས་འབྲི་རུ་རྫོང་དུ་དྲག་རྡུང་གཉའ་གནོན་གྱི་ལས་འགུལ་སྤེལ་ཏེ་མང་ཚོགས་ཀྱི་གནས་སྟངས་ཛ་དྲག་ཆགས་འདུག

རྒྱ་གཞུང་གིས་འབྲི་རུ་རྫོང་ནི་བོད་རང་སྐྱོང་ལྗོངས་ཡོངས་ལ་དམར་ཤོག་མང་ཚོགས་ལམ་ཕྱོགས་སློབ་གསོ་ལག་བསྟར་མགོ་འཛུགས་ཀྱི་ཚོད་ལྟའི་ས་ཁུལ་དུ་བཟུང་སྟེ།  ལས་དོན་རུ་ཁག་དང་ལས་བྱེད་མང་པོ་ཆེད་གཏོང་གིས་དམར་ཤོག་པའི་གཅིག་སྡུད་དབང་སྒྱུར་གྱི་ཆབ་སྲིད་དྲིལ་བསྒྲགས་ལས་འགུལ་སྤེལ་བར་བརྟེན་ནས།  ས་གནས་བོད་རིགས་མང་ཚོགས་རྣམས་ཐབས་ཟས་འུ་ཐུག་གིས་འདུག་བཟོད་མི་ཐུབ་མི་གནས་སུ་གྱར་ཏེ།  ཕྱོགས་ཡོངས་ནས་མང་ཚོགས་རང་བཞིན་གྱི་ཞི་བའི་ངོ་རྒོལ་གྱི་ལས་འགུལ་བྱུང་བར།  རྒྱ་གཞུང་གིས་ཉེན་རྟོག་པ་དང་དམག་མི་འགྲེམས་འཇོག་གི་ཁྲག་དྲི་བྲོ་བའི་དྲག་རྡུང་གཉའ་གནོན་བྱས་ཏེ།  ད་ལྟའི་ཆར་འབྲི་རུ་རྫོང་ཁོངས་སུ་གནས་ཚུལ་ཛ་དྲག་ཆགས་བཞིན་ཡོད་འདུག འདི་གར་གསར་དུ་གནས་ཚུལ་འབྱོར་དོན།   ཉེ་སྔོན་རྒྱ་གཞུང་གིས་ལས་དོན་རུ་ཁག་གིས་ས་གནས་སུ་དམར་ཤོག་པའི་ལམ་ཕྱོགས་སློབ་གསོའི་ལས་འགུལ་རིགས་སྤེལ་སྐབས།  འབྲི་རུ་རྫོང་ཟླ་ཐང་ཤང་གཡང་ཐང་གྲོང་ཚོ་བཞི་པའི་རྡོ་རྗེ་གྲགས་རྩལ་ལགས་ཀྱིས་དང་ལེན་མ་བྱས་པར་མི་འདོད་པའི་རྣམ་འགྱུར་བསྟན་པའི་རྐྱེན་གྱིས།   སྡེ་བའི་ནང་བཅའ་སྡོད་ལས་བྱེད་ཚོས་རྒྱ་གཞུང་འབྲེལ་ཡོད་སྡེ་ཁག་ལ་ལྐོག་ནས་སྙན་ཞུ་ཕུལ་ཡོད་སྟབས།  ཕྱི་ཟླ་ ༡༠ ཚེས་ ༣ ཉིན་རྡོ་རྗེ་གྲགས་རྩལ་ལགས་རོགས་པ་འགའ་དང་མཉམ་དུ་གཡང་ཐང་ནས་ནག་ཆུ་རུ་བསླེབས་རྗེས།  ཉིན་དེའི་དགོང་མོ་རྒྱ་གཞུང་ཉེན་རྟོག་པས་གསང་བའི་ཐོག་ཁོང་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་ཡོད་འདུག རྒྱ་གཞུང་གིས་རྡོ་རྗེ་གྲགས་རྩལ་བཙན་ཁྲིད་ཀྱིས་གར་སོང་ཆ་མེད་གྱུར་བའི་གནས་ཚུལ་དེ་ས་གནས་མང་ཚོགས་ཀྱིས་ཤེས་རྟོགས་བྱུང་རྗེས།  ཕྱི་ཚེས་ ༦ ཉིན་ས་གནས་ཡུལ་མི་རྣམས་ཀྱིས་ཁོང་གློད་བཀྲོལ་གཏོང་དགོས་པའི་འབོད་སྐུལ་བྱས་པར་བརྟེན།  རྒྱ་དམག་གིས་མང་ཚོགས་ཀྱི་ཐོག་ལ་གང་བྱུང་མེ་མདའ་བརྒྱབ་སྟེ་བླ་མ་ལུང་པའི་བསམ་འབས་ཀྱི་བུ་བཀྲ་རྒྱལ་གྱི་བརླ་རུས་བཅག་ཡོད་པ་དང་།  ཁོང་གི་རྨ་ཁ་ནས་ཁྲག་མང་པོ་ཐོན་པར་བརྟེན་སྲོག་ལ་ཉེན་ཁ་འཕྲད་ཡོད་འདུག སྐབས་དེར་གཞུང་གི་དམག་མི་སུམ་བརྒྱ་ཙམ་གྱིས་ཕོ་མོ་རྒན་གཞོན་མེད་པར་དྲག་རྡུང་བྱས་ཏེ་མི་གྲངས་ ༦༠ ཙམ་ལ་རྨས་སྐྱོན་དྲག་པོ་བཟོས་ཡོད་པ་མ་ཟད།  མང་ཚོགས་ཁྲོད་མིག་སྦྲིད་དུག་མདའ་བརྒྱབ་སྟེ་མི་མང་པོ་དྲན་མེད་དུ་བརྒྱལ་བཅུག་ཡོད་པ་རེད།  དེའི་ཁྲོད་ཚེ་དབང་གི་འགྲམ་རུས་གཉིས་ཀ་བཅག་སྟེ་རྨས་སྐྱོན་ཚབས་ཆེན་ཕོག་ཡོད་སྟབས། ཕྱི་ཚེས་ ༧ གྱི་དགོང་མོ་ལྷ་སའི་སྨན་ཁང་ཞིག་ལ་ཁྱེར་ཡོད་པ་དང་།  ད་དུང་བློ་བཟང་དབང་ཆེན་དང་། དཔའ་རྡོད་དགྲ་ལྷའི་བུ་གཉིས་བཅས་མི་ ༡༧ ཙམ་ལ་རྨས་སྐྱོན་ལྕི་མོ་ཕོག་སྟེ་ཡར་ལངས་མི་ཐུབ་པ་ཆགས་ཡོད་འདུག

Read More »