Monday , August 26 2019
Home / གསར་འགྱུར། (page 2)

གསར་འགྱུར།

རྒྱལ་སྤྱིའི་ཕ་སྐད་ཉིན་མོར་སྐད་ཡིག་གི་ཆ་ནས་གྲངས་ཉུང་དུ་གྱུར་རིགས་ཀྱི་སྐད་ཡིག་གི་ཐོབ་ཐང་ཞེས་པའི་བོད་འགྱུར་སྙན་ཐོ་འགྲེམ་སྤེལ་བྱས།

ཕྱི་ལོ་༢༠༡༩ ལོར་འཛམ་གླིང་ཡུལ་ལུང་གང་སར་ཕྱི་ཟླ་༢ ཚེས་༢༡ ཉིན་ཏེ། རྒྱལ་སྤྱིའི་ཕ་སྐད་ཉིན་མོ་ཐེངས་༡༩ བ་སྲུང་བརྩི་ཞུས་ནས་སྤྱི་ཚོགས་ཡུན་གནས་དང་སྐད་ཡིག་རིག་གཞུང་སྣ་ཚོགས་ཀྱི་གལ་ཆེན་རིང་བཞིན་གསལ་སྟོན་གནང་གི་ཡོད་པ་རེད། ཕྱི་ལོ་༡༩༩༩ ལོར་མཉམ་འབྲེལ་རྒྱལ་ཚོགས་ཀྱི་སློབ་གསོ་ཚན་རྩལ་རིག་གཞུང་ལས་འཛིན་ཚན་པས། བྷང་ལ་དྷེ་ཤཱིའི་ནང་ཕ་སྐད་སྲུང་སྐྱོབ་ཀྱི་ཞི་རྒོལ་ཁྲོད་དུ་སློབ་ཕྲུག་མང་པོ་དམར་གསོད་བཏང་བའི་ཉིན་མོ་དེ་ཐེངས་དང་པོར་རྒྱལ་སྤྱིའི་ཕ་སྐད་ཉིན་མོར་གཏན་འབེབས་གནང་བ་རེད། རྒྱལ་ཚོགས་ཀྱི་ཚོད་དཔག་ལྟར་ན། འཛམ་གླིང་སྒང་འདིར་སྐད་རིགས་མི་འདྲ་བ་༧༠༠༠ ཙམ་ཡོད་ཅིང་། སྐད་རིགས་དེ་དག་བཤད་མཁན་མི་གྲངས་ཉུང་ངུ་ཙམ་ལས་མེད་ཅིང་། སྐད་རིགས་རེ་གཉིས་སྤྱོད་མཁན་འཛམ་གླིང་གི་མི་གྲངས་མང་ཤོས་ཆགས་ཡོད་པ་དང་། སྐད་རིགས་མང་ཤོས་བཤད་མཁན་ནི་སྤྱི་ཚོགས་ཁྲོད་ནས་ཟུར་ཕུད་དང་ཆག་འཇིག་གི་ཉེན་ཁར་འཕྲད་པའི་གྲངས་ཉུང་མི་རིགས་དང་གདོད་མའི་མི་རིགས་ཡིན་པ་དང་། མ་འོངས་མི་ལོ་༡༠༠ ནང་ད་ལྟ་ང་ཚོས་སྤྱོད་བཞིན་པའི་སྐད་རིགས་ཀྱི་བརྒྱ་ཆ་༩༧  རྩ་མེད་འགྲོ་བའི་ཉེན་ཁར་འཕྲད་ཡོད་འདུག ཆག་འཇིག་གི་ཉེན་ཁར་འཕྲད་པའི་སྐད་རིགས་གཅིག་ནི་བོད་ཡུལ་མཐོ་སྒང་དང་ཧི་མ་ལ་ཡ་རི་རྒྱུད་དུ་མི་གྲངས་ས་ཡ་༨ ཙམ་གྱིས་བཀོད་སྤྱོད་གཏོང་བཞིན་པའི་བོད་ཡིག་བོད་སྐད་ཆགས་ཡོད། བོད་སྐད་ཡིག་ནི་འཛམ་གླིང་སྟེང་གི་སྐད་ཡིག་རྙིང་ཤོས་དང་ཁྱབ་ཆེ་ཤོས་ཨང་༤ བ་དང་། ལེགས་སྦྱར་སྐད་དང་རྒྱ་སྐད། ཉི་ཧོང་སྐད་ཡིག་གི་རྩོམ་རིགས་ཚུད་པའི་གླིང་ཆེན་ཨེ་ཤ་ཡའི་རྩོམ་རིགས་ཀྱི་ཁུངས་གཙོ་བོ་ཞིག་ཡིན་པར་ངོས་འཛིན་བྱེད་ཅིང་། བོད་ཡིག་ནི་སྤྱི་ལོའི་དུས་རབས་༧ པའི་ནང་ལེགས་སྦྱར་སྐད་ནས་གསར་བཟོ་གནང་བ་དང་། ཕྱིས་སུ་ཞིབ་འཇུག་པ་ཚོས་ད་ལྟ་འབྲི་བཞིན་པའི་བོད་ཡིག་གི་འབྱུང་ཁུངས་ནི་བོད་མངའ་རིས་ས་ཁུལ་གྱི་གནའ་བོའི་ཞང་ཞུང་རྒྱལ་རབས་སྐབས་ཀྱི་སྨར་ཡིག་ཡིན་པར་བཞེད་ཅིང་། དེ་ཡང་སྤྱི་ལོའི་དུས་རབས་སྔོན་གྱི་ལོ་༡༠༠༠ ལྷག་གི་སྔོན་བྱུང་བྲག་རྐོས་ཡི་གེ་མང་པོ་གསར་རྙེད་བྱུང་བ་ལས་གསལ་ཡོད། ཕྱི་ལོ་༡༩༤༩ ལོར་བོད་ལ་དབང་བསྒྱུར་བ་ནས་བཟུང་། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་སྲིད་ཇུས་སྣ་ཚོགས་གཏན་འབེབས་ལག་བསྟར་བྱས་ཏེ་བོད་ཡིག་འབྲི་ཀློག་དང་དར་སྤེལ་གཏོང་བའི་སྲིད་ཇུས་མང་པོ་ཡིག་ཐོག་ནས་གཏན་འབེབས་བྱས་ཀྱང་། སྐད་ཡིག་གི་སྲིད་ཇུས་དེ་དག་ལག་བསྟར་ཚགས་ཚུལ་བྱས་མེད། ཕྱི་ལོ་༡༩༩༠ ཙམ་ནས་བཟུང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱིས་བོད་དང་གྲངས་ཉུང་མི་རིགས་ཁག་གི་གནད་དོན་སེལ་ཐབས་ལ་ཁ་གཡར་ཏེ། མི་རིགས་སྐད་ཡིག་དང་བཅས་པ་རྩ་མེད་བཟོ་ཐབས་ཀྱི་སྲིད་ཇུས་མང་པོ་ལག་ལེན་བསྟར་བ་མ་གཏོགས་བོད་མིའི་སྐད་ཡིག་བཀོལ་སྤྱོད་དང་དར་སྤེལ་བཏང་མེད། འདི་ལོའི་རྒྱལ་སྤྱིའི་ཕ་སྐད་ཉིན་མོ་དང་སྟབས་བསྟུན། འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་<<སྐད་ཡིག་གི་ཆ་ནས་གྲངས་ཉུང་དུ་གྱུར་རིགས་ཀྱི་སྐད་ཡིག་གི་ཐོབ་ཐང་སྟེ། ལག་ལེན་བསྟར་ཕྱོགས་ཀྱི་ལམ་སྟོན་ཡིག་ཆ་>>ཞེས་པའི་སྙན་ཐོ་ཞིག་བོད་བསྒྱུར་འགྲེམ་སྤེལ་བྱས་ཡོད་ལ། སྙན་ཐོ་ནི་ལོ་༢༠༡༧ ཟླ་༣ ནང་གྲངས་མི་རིགས་ཀྱི་གནད་དོན་ཐད་ཀྱི་མཉམ་འབྲེལ་རྒྱལ་ཚོགས་ཀྱི་དམིགས་བསལ་སྙན་སྒྲོན་པས་བཏོན་པ་ཞིག་ཡིན་པ་རེད། ཕྱི་ལོ་༢༠༡༣ ལོར་མཉམ་འབྲེལ་རྒྱལ་ཚོགས་ཀྱི་གྲངས་ཉུང་མི་རིགས་ཀྱི་གནད་དོན་སྐོར་གྱི་དམིགས་བསལ་སྙན་སྒྲོན་པས་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ལ་སྐད་ཡིག་གི་ཆ་ནས་གྲངས་ཉུང་དུ་གྱུར་རིགས་ཀྱི་ཐོབ་ཐང་དང་དཀའ་ངལ་སྐོར་སྙན་སྒྲོན་ཞུས་པའི་ལམ་སྟོན་ཡིག་ཆ་འདིའི་ནང་དུ། འཛམ་གླིང་ནང་གྲངས་ཉུང་མི་རིགས་ཀྱི་སྐད་ཡིག་མང་པོ་ཞིག་རྒྱལ་ཁབ་དང་རྒྱལ་སྤྱིའི་རིམ་པར་ངོས་འཛིན་བྱེད་པའི་སྐད་ཡིག་ཆེ་ཁག་གི་དབང་སྒྱུར་དང་། ཤུགས་རྐྱེན། གྲངས་ཉུང་མི་རིགས་ཀྱི་སྐད་ཡིག་སྤྱོད་མཁན་ཉུང་དུ་འགྲོ་བ་བཅས་ཀྱི་གནས་སྟངས་འོག་ཏུ་ཉམས་རྒུད་དང་རྩ་མེད་དུ་འགྲོ་ཉེན་ཆེ་བའི་ཉེན་བརྡ་བཏང་ཡོད། ལམ་སྟོན་ཡིག་ཆ་འདི་ནི་གྲངས་ཉུང་མི་རིགས་ཁག་གིས་སྐད་ཡིག་གི་ཆ་ནས་གྲངས་ཉུང་དུ་གྱུར་རིགས་ཀྱི་སྐད་ཡིག་གི་ཐོབ་ཐང་ལག་ལེན་བསྟར་ཕྱོགས་དང་། སྲིད་གཞུང་ཁག་གིས་གྲངས་ཉུང་མི་རིགས་ཀྱི་སྐད་ཡིག་ལ་བརྩི་བཀུར་དང་བཀོལ་སྤྱོད་གཏོང་བའི་འོས་འགན་སོགས་ཤེས་རྟོགས་ཡོང་ཐབས་ཀྱི་ཡིག་ཆ་གལ་ཆེན་ཞིག་རེད། འདི་ག་ལྟེ་གནས་ཁང་གིས་ལམ་སྟོན་ཡིག་ཆ་འདི་བརྒྱུད་ནས་བོད་སྐད་བོད་ཡིག་སྤྱོད་པའི་གཞིས་བྱེས་བོད་མི་ཚོས་ཆག་འཇིག་གི་ཉེན་ཁར་འཕྲད་པའི་བོད་སྐད་ཡིག་མྱུར་སྐྱོབ་དང་དར་སྤེལ་གཏོང་ཐབས་ལ་ཕན་པའི་རེ་བ་བྱེད་ཀྱིན་ཡོད། …

Read More »

རྒྱ་གཞུང་གིས་ཉེས་འཛུགས་བཙོན་འཇུག་བྱས་པའི་བོད་སྐད་ཡིག་སློབ་གསོའི་ཐོབ་ཐང་དོན་གཉེར་བ་བཀྲ་ཤིས་དབང་ཕྱུག་ལ་དག་འབུལ་ཞུ་གཏུག་གི་ཐོབ་ཐང་སྤྲད་མི་འདུག

འདས་པའི་མི་ལོ་གསུམ་ལྷག་རིང་གང་བྱུང་བཀག་ཉར་བྱས་པའི་བོད་སྐད་ཡིག་སློབ་གསོའི་ཐོབ་ཐང་དོན་གཉེར་བ་བཀྲི་དབང་ཕྱུག་ནས་རྒྱ་གཞུང་གིས་ཁོང་ལ་རྒྱལ་ཁབ་ཁ་བྲལ་གྱི་ནག་ཉེས་བཙུགས་ཏེ་མི་ལོ་ལྔ་ཡི་ཁྲིམས་འགལ་ཉེས་ཆད་པར་ངོས་ལེན་མ་གནང་བར་མུ་མཐུད་རང་ཉིད་ལ་ཉེས་པ་ཅི་ཡང་མེད་པར་ཞུ་གཏུག་གནང་མུས་ཡིན་པ་རེད། ཕྱི་སྡོད་རྒྱ་རིགས་འགྲོ་བ་མིའི་ཐོབ་ཐང་སྲུང་སྐྱོབ་ཚན་པས་གནས་ཚུལ་བཏོན་པའི་ནང་དུ། ཕྱི་ཟླ་༡ ཚེས་༡༥ ཉིན་བོད་སྐད་ཡིག་སློབ་གསོའི་ཐོབ་ཐང་དོན་གཉེར་བ་བཀྲ་ཤིས་དབང་ཕྱུག་གི་ཁྲིམས་རྩོད་པ་ལིན་ཆི་ལེ་མཚོ་སྔོན་ཞིང་ཆེན་ཟི་ལིང་གྲོང་ཁྱེར་ཏིང་ཁྲན་བཙོན་ཁང་དུ་སོང་ཡང་བཀྲ་ཤིས་དབང་ཕྱུག་ལ་ཐུག་འཕྲད་བྱེད་དུ་བཅུག་མེད་ཅིང་། དེ་གར་ཁྲིམས་རྩོད་པ་ལིན་ཆི་ལེ་ཡིས་བཀྲ་ཤིས་དབང་ཕྱུག་གི་གྱོད་དོན་བསྐྱར་དུ་ཞུ་གཏུག་བྱེད་དགོས་པ་བརྗོད་འདུག བཙོན་ཁང་གི་འགོ་ཁྲིད་ཀྱིས་ཁོང་ལ་གནས་ཚུལ་དེ་གོང་རིམ་འགོ་ཁྲིད་ལ་ཡར་ཞུ་བྱེད་དགོས་ལུགས་བཤད་པ་དང་། དུས་ཡུན་ཆུ་ཚོད་གཅིག་རིང་སྒུག་རྗེས། བཙོན་ཁང་གི་འགོ་ཁྲིད་དེ་ཕྱིར་ཡོང་ནས་ཁྲིམས་རྩོད་པར་བཀྲ་ཤིས་དབང་ཕྱུག་གི་གྱོད་དོན་དེ་ཚོར་ཤུགས་ཆེན་པོ་ལྡན་པ་ཞིག་ཡིན་པས། ཞིང་ཆེན་སྲིད་ཁྲིམས་ཨུ་ཡོན་༼ཞིང་ཆེན་ཏང་ཨུའི་སྲིད་ཁྲིམས་ཨུ་ཡོན།༽གྱི་ཆོག་མཆན་གནང་དགོས་ལུགས་བཤད་འདུག རྒྱ་ནག་གི་རྩ་ཁྲིམས་ནང་དུ་ཉེས་ཕོག་མི་སྣ་ཚང་མར་ཞུ་གཏུག་གི་ཐོབ་ཐང་ཡོད་རབས་འཁོད་ཅིང་། རྒྱ་གཞུང་གི་ཉེས་དོན་གཏུག་བཤེར་བཅའ་ཁྲིམས་ཀྱི་དོན་ཚན་༡༨༠ ནང་དུ། གལ་ཏེ་ཉེས་ཕོག་མི་སྣའི་ཁྲིམས་རྩོད་པས་ས་གནས་རིམ་པའི་ཁྲིམས་ཁང་གི་ཁྲིམས་བཤེར་ལ་ངོས་ལེན་མ་བྱས་པ་ཡིན་ན། ཁྲིམས་རྩོད་པས་རིམ་པ་མཐོ་བའི་ཁྲིམས་ཁང་དུ་གོང་གཏུག་བྱེད་པའི་ཐོབ་ཐང་ཡོད། ཅེས་འཁོད་པར་མ་ཟད། ད་དུང་ཉེས་འཛུགས་གང་རུང་ལ་ཁ་གཡར་ཏེ་ཉེས་ཕོག་མི་སྣའི་དག་འབུལ་ཞུ་གཏུག་ཐོབ་ཐང་འཕྲོག་མི་ཆོག ཅེས་ཀྱང་གསལ་ཡོད་པ་རེད། དེ་ལྟར་ཡང་རྒྱ་ནག་ནང་དུ་ཏང་དང་རྒྱལ་ཁབ་ཀྱི་སྲིད་དབང་གཅིག་སྡུད་གཅིག་གྱུར་ཀྱི་འགོ་ཁྲིད་འོག་ཏུ། གྱོད་དོན་ཞུ་གཏུག་གི་སྒྲིག་སྲོལ་དང་ཁྲིམས་བཤེར་གྱི་བརྒྱུད་རིམ་ཁྲོད་དུ་དག་འབུལ་ཞུ་གཏུག་གི་ཐོབ་ཐང་ནི་དུས་ཡུན་རིང་བོར་གསལ་ཁ་ཅི་ཡང་མེད་པའི་སྨིག་རྒྱུ་ལྟ་བུར་གྱུར་ཡོད། རྒྱ་ནག་དམར་ཤོག་གཞུང་གི་ཉེས་དོན་གཏུག་བཤེར་བཅའ་ཁྲིམས་ལག་བསྟར་ཁྲོད་དུ། དག་འབུལ་ཞུ་གཏུག་གི་ཐོབ་ཐང་ནི་ལས་ཤོག་མང་པོ་སྐོང་རྒྱུ་ཙམ་མ་གཏོགས་དྲང་བདེན་ཐག་གཅོད་ཀྱི་གྲུས་འབྲས་ཅི་ཡང་འཐོན་རྒྱུ་མེད་པ་རེད། ནམ་ཞར་གཞི་རིམ་ཁྲིམས་ཁང་ཁག་གིས་གྱོད་དོན་ཐག་གཅོད་སྐབས་ཐོག་མར་མཐོ་རིམ་ཁྲིམས་ཁང་ཁག་གི་བཀའ་བཀོད་འབའ་ཞིག་ལ་ཉན་དགོས་པ་དང་། དེས་དག་འབུལ་ཞུ་གཏུག་གི་ཐོབ་ཐང་ལ་རྦད་དེ་སྣང་མེད་རྡོག་རོལ་གཏོང་གི་ཡོད། རྒྱ་གཞུང་གི་ད་ཡོད་སྲིད་ཁྲིམས་ཨུ་ལྷན་ཁག་ནང་དག་འབུལ་ཞུ་གཏུག་གི་ཐོབ་ཐང་མེད་ཁར། རྒྱལ་ཡོངས་ཞིང་ལྗོངས་ཁུལ་རྫོང་རིམ་པར་སྲིད་ཁྲིམས་ཨུ་ལྷན་གྱི་ཡན་ལག་ལས་ཁུངས་མང་པོ་བཙུགས་ཏེ། དག་འབུལ་ཞུ་གཏུག་གི་ཐོབ་ཐང་ནི་དེ་བས་ཀྱང་མིང་གི་ལྷག་མར་བཟོས་ཡོད། ས་གནས་སྲིད་གཞུང་རིམ་པའི་སྲིད་ཁྲིམས་ཨུ་ལྷན་ཁག་ནི་རྒྱ་ནག་དམར་ཤོག་དབུས་གཞུང་གི་སྟངས་འཛིན་ལྟ་རྟོག་འོག་ཏུ་ཡོད་པ་རེད། སྲིད་ཁྲིམས་ཨུ་ལྷན་ཁག་གིས་ཉེན་རྟོག་ཁང་དང་ཞིབ་དཔྱོད་ཁང་། ཁྲིམས་ཁང་། དེ་བཞིན་དུ་ཞིང་ལྗོངས་ཁུལ་རྫོང་རིམ་པའི་དམར་ཤོག་ཚོགས་ཆུང་ཁག་བཅས་ཚུད་པའི་ཁྲིམས་འཛིན་ལག་བསྟར་ལས་དོན་ལ་ལྟ་རྟོག་བྱེད་ཀྱི་ཡོད་པ་དང་། ཁོ་ཚོས་ད་དུང་དབུས་དང་རིམ་ཁག་ཁྲིམས་འཛིན་ལས་ཁུངས་ཁག་དང་དེའི་འགོ་ཁྲིད་དང་ལས་བྱེད་ཚང་མ་བསྐོ་འཇོག་བྱེད་ཅིང་། ཁོ་ཚོར་གྱོད་དོན་ཐག་གཅོད་ཀྱི་དབང་ཤུགས་ཆེན་པོ་ཡོད་པ་དང་། ལྷག་པར་དུ་ཚོར་ཤུགས་སྐྱེན་པའི་གྱོད་དོན་གལ་ཆེན་རིགས་ཐག་གཅོད་པའི་དབང་ཤུགས་ཆེན་པོ་སྤྲད་འདུག དེར་མ་ཟད། ཁྲིམས་ཁང་ཁག་ནང་ལོགས་ཀྱི་ཏང་ཁག་གིས་དམར་ཤོག་ཚོགས་པའི་ཁྲིམས་སྒྲིག་ལག་བསྟར་དང་དམར་ཤོག་ཚོགས་པའི་ཁྲིམས་བཤེར་བཅད་ཁྲ་དང་མི་སྒེར་གྱི་ཐག་གཅོད་བཅས་ལ་ཆོག་མཆན་སྤྲོད་ཀྱི་ཡོད་ཅིང་། ས་གནས་སྲིད་གཞུང་ཁག་ལའང་ཁྲིམས་ཁང་གི་དབང་ཤུགས་ཆེན་པོ་ཡོད་པ་རེད། དེའི་རྒྱུ་མཚན་ནི། ཁོ་ཚོས་ས་གནས་རིམ་པའི་ཁྲིམས་དོན་ལས་རིགས་ཀྱི་གླ་ཕོག་དང་། ཁྲིམས་ཁང་གི་དངུལ་རྩིས། ཁྲིམས་བཤེར་བཅད་ཁྲ་བཅས་ལ་སྟངས་འཛིན་བྱེད་ཀྱི་ཡོད་པ་རེད། མི་དམངས་ཞིབ་དཔྱོད་ཁང་དང་མི་དམངས་འཐུས་མི་ཚོགས་ཆེན་གཉིས་ལ་ཁྲིམས་ཁང་དང་ཁྲིམས་དཔོན་གྱི་ལས་དོན་ལ་ཐད་ཀར་ལྟ་རྟོག་སྟངས་འཛིན་དང་། གྱོད་དོན་ལ་ཞིབ་བཤེར་སྐུལ་འདེད་གཏོང་བའི་དབང་ཆ་ཡོད། དེའི་རྒྱུ་མཚན་ཡང་མི་དམངས་ཞིབ་དཔྱོད་ཁང་ལ་ཁྲིམས་ཀྱི་བརྒྱུད་རིམ་ཁྲོད་དུ་ལྟ་རྟོག་དང་ཞིབ་དཔྱོད་གཉིས་ཀྱི་འགན་ཡོད་པ་རེད། འགྲོ་ལུགས་དེ་ནི་ཞུ་སྦྱོར་བའི་འགན་ཁུར་ཐད་ཀྱི་མཉམ་འབྲེལ་རྒྱལ་ཚོགས་ཀྱི་གཞི་རྩའི་ལམ་སྟོན་དང་། ཁྲིམས་རྩོད་པའི་འགན་ཁུར་ཐད་ཀྱི་མཉམ་འབྲེལ་རྒྱལ་ཚོགས་ཀྱི་གཞི་རྩའི་རྩ་འཛིན་ཁག་དང་ཡོངས་སུ་འགལ་ཡོད། ཁྲིམས་རྩོད་པའི་ཁྲིམས་དོན་ཞུ་འབུལ་དང་ལག་འཁྱེར་ཐོ་འགོད་སྐབས་སུ། རྒྱ་ནག་དམར་ཤོག་གཞུང་གིས་ཚོར་ཤུགས་སྐྱེན་པའི་གྱོད་དོན་དང་འབྲེལ་བའི་འགྲོ་བ་མིའི་ཐོབ་ཐང་གི་ཁྲིམས་རྩོད་པ་ཚོར་༼སྤྱིར་འདི་ནི་ཁྲིམས་རྩོད་པའི་ཆེད་ལས་དང་འབྲེལ་བའི་འོས་འགན་དང་གཞི་རྩའི་ལམ་སྟོན་དང་མཐུན།༽དམ་དྲག་དང་བཤོལ་འདེབས་ཀྱི་སྦྱོར་བ་ལག་ལེན་བསྟར་བཞིན་ཡོད། ཁྲིམས་ཀྱི་གོ་རིམ་མ་བརྒྱུད་སྔོན་ནས་བཀྲ་ཤིས་དབང་ཕྱུག་དུས་ཡུན་རིང་བོར་བཀག་ཉར་དང་ཁྲིམས་བཤེར་ནར་འགྱང་བཏང་བའི་ད་ལྟའི་གནས་སྟངས་དེས། བོད་ནང་གི་ཆབ་སྲིད་བཙོན་པ་རྣམས་ཀྱི་དངོས་ཡོད་གནས་སྟངས་གསལ་བོར་མཚོན་པར་མ་ཟད། …

Read More »

རུལ་སུངས་ཐེར་འདོན་པ་གྲགས་ཅན་ཁོང་ལ་ཁྲིམས་བཤེར་མ་བརྒྱུད་པར་མུ་མཐུད་བཀག་ཉར་བྱས་རྐྱེན་ས་གནས་བོད་མིས་ཁོང་གློད་གྲོལ་གཏོང་དགོས་བའི་འབོད་སྐུལ་ཞུས།

འདས་ལོའི་ཕྱི་ཟླ་༩ བ་ནས་བཟུང་མགོ་ལོག་དགའ་བདེ་རྫོང་སྤྱི་བདེ་མི་སྣས་ས་གནས་སྲིད་གཞུང་གི་རུལ་སུངས་ཐེར་འདོན་པ་གང་བྱུང་བཀག་ཉར་བྱས་སྟབས། བོད་མི་བརྒྱ་ཕྲག་མང་པོས་ལག་སོན་ཞུ་ཡིག་གསུམ་ཕུལ་ནས་ཁོང་མྱུར་དུ་གློད་གྲོལ་གཏོང་དགོས་པའི་ཞུ་འབོད་གནང་ཡོད། ན་ནིང་ཕྱི་ཟླ་༩ ཚེས་༤ ཉིན་གྱི་ཕྱི་དྲོར་དགའ་བདེ་རྫོང་སྤྱི་བདེ་མི་སྣས་མཚོ་སྔོན་མགོ་ལོག་གི་མགྱོགས་བགྲོད་གཞུང་ལམ་ཁར་རང་ལོ་༤༧ ཡིན་པའི་ཨ་ཉ་སེང་སྒྲ་གང་བྱུང་འཛིན་བཟུང་གིས་གཅར་རྡུང་དང་བཀག་ཉར་བྱས་ཡོད་པ་རེད། གོང་ཞུས་ཞུ་ཡིག་དེ་དག་ལ་མགོ་ལོག་དགའ་བདེ་རྫོང་རྐྱང་ཆད་ཡུལ་ཚོ་དང་གོང་སྨད་ཡུལ་ཚོ། གངས་ལུང་ཡུལ་ཚོ་བཅས་ཀྱི་ས་གནས་མི་མང་གིས་མིང་རྟགས་བཀོད་ནས་ཞུ་འབོད་གནང་འདུག ཞུ་ཡིག་དེ་དག་གིས་རང་མིན་ཉེ་ཆར་འདི་ག་ལྟེ་གནས་ཁང་ནས་རྒྱ་གཞུང་གིས་རུལ་སུངས་ཐེར་འདོན་པ་ཨ་ཉ་སེང་སྒྲར་ཁྲིམས་བཤེར་མ་བརྒྱུད་པར་ཉེས་འཛུགས་བཀག་ཉེར་བྱས་པ་དེ་ནི་སྤྱི་ཚོགས་ནང་དཀྲུག་རྐྱེན་བཟོས་པ་ཞེས་པའི་ནག་མེད་ཉེས་འཛུགས་དང་འབྲེལ་བ་ཅི་ཡང་མེད་པའི་གནས་ཚུལ་སྤེལ་བ་དེ་བདེན་དཔུང་ར་སྤྲོད་བྱས་ཡོད། ཨ་ཉ་སེང་སྒྲའི་འཐབ་རྩོད་དེ་ནི། མང་ཚོགས་ཀྱི་སྤྱི་དངུལ་ཧམ་ཟ་བྱེད་མཁན་ས་གནས་སྲིད་གཞུང་གི་དཔོན་རིགས་ཚོར་མཚོན་ན་ཉེན་ཁ་ཆེན་པོ་ཞིག་ཆགས་ཡོད་པ་རེད། ཨ་ཉ་སེང་སྒྲས་གོང་རིམ་དཔོན་རིགས་ཚོར་ཞུ་གཏུག་གནང་བ་བརྒྱུད་ནས་ལྐོག་ཟ་རུལ་སུངས་ཀྱི་གནད་དོན་མང་པོ་ཞིག་ཐག་གཅོད་ཐུབ་ཡོད་ནའང་། ཁོང་ལ་ཁྲིམས་བཤེར་མ་བརྒྱུད་པར་མུ་མཐུད་བཀག་ཉར་བྱས་པ་དེ་ནི་ཁྲིམས་མཐུན་ཡིན་མིན་ས་གནས་བོད་མིས་དོགས་གཞི་གནང་མུས་ཡིན་པ་རེད། དཔེར་ན། གོང་སྨད་ཡུལ་ཚོའི་མི་མང་གི་ཞུ་ཡིག་ནང་དུ། ཨ་ཉ་སེང་སྒྲ་འཛིན་བཟུང་བྱས་རྗེས། ས་གནས་སྲིད་གཞུང་གིས་མང་ཚོགས་ཀྱི་ཁང་པ་ཞིག་གསོའི་མ་དངུལ་དང་མ་མཐའི་འཚོ་བའི་ཁ་གསབ་སོགས་བྲེལ་འཚུབ་ཀྱི་སྒོ་ནས་སྤྲད་སོང་སྐོར་བརྗོད་ཡོད། ཨ་ཉ་སེང་སྒྲས་ས་གནས་སྲིད་གཞུང་གི་ལྐོག་ཟ་རུལ་སུངས་ཐེར་འདོན་ལས་འགུལ་སྤེལ་རྗེས། ན་ནིང་གངས་ལུང་ཡུལ་ཚོའི་མིང་ཚོགས་ལ་ནགས་དང་རྩྭ་སའི་ཁ་གསབ་མ་དངུལ་སྤྲད་ཡོད་འདུག ས་གནས་མི་མང་གི་ཞུ་ཡིག་ཁག་ནང་ས་གནས་སྲིད་གཞུང་གིས་ཨ་ཉ་སེང་སྒྲར་ནག་མེད་ཉེས་འཛུགས་དང་ཡུན་རིང་བཀག་ཉར་བྱེད་བཞིན་པར་སྐྱོན་བརྗོད་གནང་ཡོད་ལ། ཞུ་ཡིག་ཁག་གི་ནང་དུ། ཨ་ཉ་སེང་སྒྲས་སྲིད་འཛིནན་ཞི་ཅིན་ཕིན་གྱི་སྤྱི་དམངས་འབྱོར་འབྲིང་ལ་བསྐྱོད་ཐུབ་དགོས་པའི་དམ་བཅའ་དེར་རྒྱབ་སྐྱོར་གྱི་ཚུལ་དུ་རུལ་སུངས་ལ་རྒོད་གཏམ་བཏང་བ་ལས་ཁྲིམས་མེད་ལུགས་མེད་ཀྱི་བྱ་བ་གཅིག་ཀྱང་ལས་མེད་པས། ཁོང་མྱུར་དུ་གློད་གྲོལ་གཏོང་དགོས་པའི་ཞུ་འབོད་གནང་འདུག རེ་འབོད་ཞུ་ཡིག་འདི་དག་མ་ཟད། རྒྱ་གཞུང་གིས་ཨ་ཉ་སེང་སྒྲ་གང་བྱུང་འཛིན་བཟུང་གིས་མུ་མཐུད་བཀག་ཉར་བྱེད་ཀྱིན་པ་དེས། རྒྱ་ནག་ནང་ཁྲིམས་ཀྱི་དབང་སྒྱུར་མེད་པར་རྒྱ་ནག་དམར་ཤོག་སྲིད་གཞུང་གིས་ཁྲིམས་མེད་ལུགས་མེད་ཀྱིས་དབང་སྒྱུར་བྱེད་བཞིན་པ་ཁུངས་སྐྱེལ་ར་སྤྲོད་གནང་ཡོད། ཨ་ཉ་སེང་སྒྲ་གང་བྱུང་འཛིན་བཟུང་དང་བཀག་ཉར་བྱེད་བཞིན་པར་དམིགས་བསལ་དོ་སྣང་དང་ཁོང་མྱུར་དུ་གློད་གྲོལ་གཏོང་དགོས་པར་རྒྱབ་སྐྱོར་ཞུ་དགོས་པ་ཞིག་ཆགས་ཡོད། རྒྱུ་མཚན་ནི། བོད་ནང་གི་འབྲོག་པ་མང་ཚོགས་ལ་དྲང་བདེན་མིན་པ་དང་། རྒྱ་ནག་དམར་ཤོག་སྲིད་གཞུང་གི་འཕེལ་རྒྱས་ལོག་སྤྱོད་སྲིད་ཇུས་འོག་ཏུ། བོད་ཀྱི་འབྲོག་སྡེ་མང་པོ་མེད་པ་ཆགས་བཞིན་ཡོད་དེ། གཅིག་ནས། རྒྱ་ནག་དམར་ཤོག་གཞུང་གིས་ས་གནས་མང་ཚོགས་ཀྱི་ཆོག་མཆན་མེད་པར་བཙན་གྱིས་འབྲོག་རུ་གནས་སྤོར་དང་རྩྭ་ས་བཙན་འཕྲོག་བྱེད་བཞིན་ཡོད། གཉིས་ནས། དམར་ཤོག་སྲིད་གཞུང་གིས་འབྲོག་རུ་གནས་སྤོར་བཏང་ནས་མང་ཚོགས་བདག་དབང་ཡོད་པའི་རྩྭ་སའི་ཁ་གསབ་སྤྲོད་ཀྱིན་མེད་པ། གསུམ་ནས། ས་གནས་མི་མང་གིས་ས་གནས་སྲིད་གཞུང་ལ་ཁྲལ་འབོར་ཆེན་འཇལ་དགོས་པ། བཞི་ནས། འབྲོག་མི་སེང་སྒྲས་ཞི་བའི་སྒོ་ནས་ས་གནས་སྲིད་གཞུང་གི་དྲང་བདེན་མིན་པའི་རུལ་སུངས་ཀྱི་གནད་དོན་ཐེར་འདོན་གནང་བར་བརྟེན་ནས། ཁོང་ལ་ཁྲིམས་བཤེར་མ་བརྒྱུད་པར་བཙོན་འཇུག་བྱས་ཡོད་པ་རེད། འདི་ག་ལྟེ་གནས་ཁང་གི་ངོས་ནས། ས་གནས་བོད་མི་ཚོས་ས་གནས་སྲིད་གཞུང་གི་དྲང་བདེན་མིན་པའི་གནད་དོན་གླེང་སློང་དང་ཞུ་འབོད། བློ་སྤོབས་ཆེན་པོས་མང་ཚོགས་ལ་སྐུལ་ལྕག་དང་རྒྱ་ནག་དམར་ཤོག་སྲིད་གཞུང་གི་ཡ་ལན་ལ་ཁ་གཏད་གཅོག་མཁན་ཨ་ཉ་སེང་སྒྲའི་རྒྱབ་རྩར་འགྲེང་བ་དེ་ལ་རྗེས་སུ་ཡི་རངས་ཞུ་ཡི་ཡོད། རྐྱང་ཆད་ཡུལ་ཚོའི་མི་མང་གི་ཞུ་འབོད་ལྟར། འདི་ག་ལྟེ་གནས་ཁང་གིས། མགོ་ལོག་དགའ་བདེ་རྫོང་སྤྱི་བདེ་མི་སྣས་ཉེས་མེད་ཨ་ཉ་སེང་སྒྲར་མི་སྤྱོད་ལས་འདས་པའི་གདུག་རྩུབ་དང་མནར་གཅོད་མི་གཏོང་བའི་ཛ་དྲག་གི་འབོད་སྐུལ་ཞུ་ཡི་ཡོད། རྒྱ་ནག་དམར་ཤོག་གཞུང་གི་སྤྱི་བདེ་ཉེན་རྟོག་པ་ཚོས་ཁྲིམས་བཤེར་མ་བྱས་སྔོན་ནས་ཉེས་འཛུགས་མནར་གཅོད་ལག་ལེན་བསྟར་བཞིན་ཡོད་པ་ལྟར། འདི་ག་ལྟེ་གནས་ཁང་གི་བློ་འཚབ་ཆེ་ཤོས་དེ་འབྲོག་མི་སེང་སྒྲའི་འཕྲོད་བསྟེན་བདེ་ཐང་ཆགས་ཡོད། རྒྱ་ནག་དམར་ཤོག་སྲིད་གཞུང་གི་རྩ་ཁྲིམས་འོག་ཏུ་རྒྱལ་ཁབ་བདེ་འཇགས་དང་འབྲེལ་བའི་ཉེས་དོན་ཁྲོད་དུ་ཁྲིམས་བཤེར་མ་བྱས་སྔོན་གྱི་བཀག་ཉར་དུས་ཡུན་ཟླ་༦ …

Read More »

རྒྱ་གཞུང་གིས་ལྐོག་ཟ་རུལ་སུངས་ཐེར་འདོན་གནང་མཁན་བོད་མི་ཞིག་ལ་སྤྱི་ཚོགས་ནང་དཀྲུག་རྐྱེན་བཟོས་པའི་ཉེས་འཛུགས་འོག་བཀག་ཉར་བྱས་འདུག

རྒྱ་གཞུང་གིས་མཚོ་སྔོན་ཞིང་ཆེན་མགོ་ལོག་དགའ་བདེ་རྫོང་རྐྱང་ཆད་ཡུལ་ཚོའི་འབྲོག་པ་མང་ཚོགས་ཀྱིས་དགའ་མགུ་ཡི་རངས་ཐོབ་པའི་དམངས་དོན་བརྩོན་ལེན་པ་ཞིག་གང་བྱུང་བཀག་ཉར་བྱས་ཡོད་པ་དང་། བོད་མི་དེས་རང་ཡུལ་ས་གནས་སྲིད་གཞུང་གི་ལྐོག་ཟ་གསུག་ལེན་ཐེར་འདོན་དང་ལེགས་བཅོས། སྤྱི་ཚོགས་འགན་སྲུང་བཅས་ཀྱི་ལས་འགུལ་བསྟུད་མར་སྤེལ་ཡོད་པ་རེད། འདི་ལོའི་ཕྱི་ཟླ་༩ ཚེས་༤ ཉིན་གྱི་ཕྱི་དྲོར་དགའ་བདེ་རྫོང་སྤྱི་བདེ་མི་སྣས་མགོ་ལོག་མགྱོགས་བགྲོད་གཞུང་ལམ་ཁར་ས་གནས་སྲིད་གཞུང་གི་ལྐོག་ཟ་རུལ་སུངས་ཐེར་འདོན་དང་འབྲོག་མིའི་ཐོབ་ཐང་རྩོད་ལེན་པ་རང་ལོ་༤༧ ཡིན་པའི་ཨ་ཉ་སེང་སྒྲ་གང་བྱུང་འཛིན་བཟུང་གིས་ཟི་ལིང་བརྒྱུད་གྲོ་ཚང་(乐都)ཁུལ་གྱི་ལྟ་སྲུང་ཁང་དུ་ཁྲིད་ནས་བཀག་ཉར་བྱས་འདུག བཀག་ཉར་བྱས་རིང་། རྒྱ་གཞུང་གིས་ཨ་ཉ་སེང་སྒྲའི་བཟའ་ཟླ་གཡང་སྐྱིད་གཙོས་པའི་ནང་མི་ཁག་ཅིག་དང་ཁྲིམས་རྩོད་པ་ལིན་ཆི་ལེ་(LIN QI LEI)བཅས་ཕྱི་ཟླ་༩ ཚེས་༡༨ ཉིན་གྲོ་ཚང་ལྟ་སྲུང་ཁང་དང་། ཕྱི་ཟླ་༡༠ ཚེས་༢༡ ཉིན་དགའ་བདེ་རྫོང་སྤྱི་བདེ་ལས་ཁུངས་སུ་བཅར་ནས་རེ་འདུན་ཞུས་ཀྱང་ཐུག་འཕྲད་བྱེད་དུ་བཅུག་མེད་པ་རེད། ཕྱི་ཚེས་༢༢ ཉིན་དགའ་བདེ་རྫོང་སྤྱི་བདེ་ལས་ཁུངས་ཀྱི་ཆོག་མཆན་བརྒྱུད་ཁྲིམས་རྩོད་པ་ཨ་ཉ་སེང་སྒྲར་ཐུག་སྐབས། ཨ་ཉ་སེང་སྒྲའི་གཟུགས་པོའི་གནས་སྟངས་ཧ་ཅང་སྐྱོ་བོ་ཆགས་ཡོད་འདུག དེ་ཡང་སྤྱི་བདེ་མི་སྣས་ཁོང་གློ་བུར་དུ་ས་བབ་མཐོ་ས་ནས་འཛིན་བཟུང་གིས་ས་བབ་དམའ་སར་བཀག་ཉར་བྱས་རྐྱེན། ས་ཆུ་མ་འཕྲོད་པར་གྲོད་ཁོག་བཤལ་ཏེ། དུས་ཡུན་ཆུ་ཚོད་༡༣༧ རིང་བཟའ་འཐུང་བྱེད་ཐུབ་མེད་པ་དང་། ས་ཆུ་མ་འཕྲོད་པའི་ཚབས་ཆེའི་དཀའ་ངལ་མུ་མཐུད་འབྱུང་མུས་ཡིན་སྐོར་ཁྲིམས་རྩོད་པ་ལེན་ཆི་ལེ་ཡིས་བརྗོད་ཡོད། ཁྲིམས་རྩོད་པར་ཐུག་འཕྲད་སྐབས་སུ། ཨ་ཉ་སེང་སྒྲས་ཁྲིམས་རྩོད་པར། སྤྱི་བདེ་མི་སྣས་ཁོང་དགའ་བདེ་རྫོང་ལྟ་སྲུང་ཁང་དུ་བཀག་ཉར་མ་བྱས་པར་བསམ་བཞིན་གྲོ་ཚང་ཁུལ་ལྟ་སྲུང་ཁང་དུ་བཀག་ཉར་བྱས་པ་དེ་ནི་ས་གནས་སྲིད་གཞུང་གིས་ཁོང་ལ་མནར་གཅོད་གཏོང་སྟངས་ཤིག་ཡིན་པ་དང་། ཁོང་གིས་གོང་རིམ་ལ་མང་ཚོགས་ཀྱི་བདེ་སྡུག་ཞུས་པ་མ་གཏོགས་ཁྲིམས་འགལ་གྱི་ཀུན་སྤྱོད་རྩ་བ་མེད་ཀྱང་། སྤྱི་བདེ་མི་སྣས་ཁོང་འཛིན་བཟུང་བཙན་ཁྲིད་ཀྱིས་བཀག་ཉར་བྱས་པ་ཡིན་སྐོར་བརྗོད་འདུག ད་ཆར་ཨ་ཉ་སེང་སྒྲར་སྤྱི་ཚོགས་ནང་དཀྲུག་རྐྱེན་བཟོས་པའི་ནག་ཉེས་བཙུགས་ཡོད་ཅིང་། དགའ་བདེ་རྫོང་སྤྱི་བདེ་ལས་ཁུངས་ཀྱི་གསལ་བསྒྲགས་ནང་དུ། ཁོང་གི་བཀག་ཉར་དུས་ཡུན་ལོ་རྗེས་མའི་ཕྱི་ཟླ་༡ ཚེས་༡༢ བར་ཕར་འགྱང་བྱས་ཡོད་པར་གཞིགས་ན།  ཉེས་དོན་ཞིབ་བཤེར་མི་སྣས་ཁོང་ལ་ནག་ཉེས་འཕར་མ་བཙན་འགེལ་བྱ་རྩིས་ཡོད་པ་གཏན་འཁེལ་རེད། འདི་ལོའི་ཕྱི་ཟླ་༡༡ པའི་ཚེས་༡༢ ཉིན་སྤེལ་བའི་སྤྱི་བདེ་ལས་ཁུངས་ཀྱི་གསལ་བསྒྲགས་དེའི་ནང་དུ།  ཨ་ཉ་སེང་སྒྲས་སྤྱི་ཚོགས་ནང་དཀྲུག་རྐྱེན་བསླངས་པའི་གྱོད་དོན་ཐག་གཅོད་བཞིན་ཡོད་ལུགས་དང་། དོགས་ཡོད་ཉེས་ཅན་ལ་ད་དུང་ཉེས་པ་ཆེན་པོ་གཞན་ཡོད་སྲིད་པས། ༼ཀྲང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཉེས་དོན་ཞུ་གཏུག་བཅའ་ཁྲིམས་༽ཀྱི་དོན་ཚན་༡༦༠ ཡིས་གཏན་འབེབས་ལྟར། དགའ་བདེ་སྤྱི་བདེ་ཅུས་ཀྱིས་ཆོག་མཆན་གནང་པ་བརྒྱུད། བསྐྱར་དུ་ཁོ་རང་གི་བཀག་ཉར་དུས་ཡུན་༢༠༡༨ ཟླ་༡༡ ཚེས་༡༢ ནས་༢༠༡༩ ཟླ་༠༡ ཚེས་༡༢ བར་ཡིན་རབས་འཁོད་འདུག ཉེ་བའི་ལོ་ངོ་འདི་དག་རིང་རྒྱ་གཞུང་གིས་ཁ་གསལ་ཅི་ཡང་མེད་པའི་ཉེས་དོན་བཅའ་ཁྲིམས་ཟེར་བ་དེའི་དོན་ཚན་༢༩༣ …

Read More »

༢༠༡༨ ལོའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་འདི་ག་ལྟེ་གནས་ཁང་གིས་སྤེལ་བའི་བསྒྲགས་གཏམ།

“འགན་སྲུང་མེད་པར་ངས་ཚོས་ཡར་རྒྱས་ལོངས་སུ་སྤྱོད་མི་ཐུབ་ལ། ཡར་རྒྱས་མེད་པར་ང་ཚོས་འགན་སྲུང་ལོངས་སུ་སྤྱོད་མི་ཐུབ། འགྲོ་བ་མིའི་ཐོབ་ཐང་ལ་བརྩི་བཀུར་མེད་པར་ང་ཚོས་འགན་སྲུང་དང་ཡར་རྒྱས་གང་ཡང་ལོངས་སུ་སྤྱོད་མི་ཐུབ།” _________མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་དྲུང་ཆེ་ཟུར་བ་ཁོ་ཧྥེ་ཨ་ནན། དེ་རིང་ནི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་མི་ལོ་༧༠ འཁོར་བའི་རྗེས་དྲན་ཉིན་མོ་ཡིན་ཞིང་། ལོ་རྒྱུས་རང་བཞིན་གྱི་འགྲོ་བ་མིའི་ཐོབ་ཐང་གི་རྩ་འཛིན་ཡིག་ཆ་འདིའི་ནང་དུ། འགྲོ་བ་མི་ཚང་མར་སྤྱི་དམངས་དང་། དཔལ་འབྱོར། ཆབ་སྲིད། རིག་གཞུང་བཅས་ཀྱི་ཐོབ་ཐང་ཁག་འགན་ལེན་ཁག་ཐེག་བྱས་ཡོད། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ནི་འཛམ་གླིང་ཡོངས་ཁྱབ་རང་བཞིན་དང་། དབྱེ་འབྱེད་དང་ཟུར་ཕུད་གང་ཡང་མེད་པར་ཕན་ཚུན་གཅིག་ལ་གཅིག་བརྟེན་དང་ནམ་ཡང་ཁ་འབྲལ་ཐབས་མེད་པ་ཞིག་ཆགས་ཡིན། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་མི་ལོ་༧༠ ཕྱིན་ཡང་འཛམ་གླིང་སྒང་འདིར་ཐོབ་ཐང་ལ་སྲུང་སྐྱོབ་དང་ཡར་རྒྱས། མངོན་འགྱུར་བཅས་བྱེད་པར་ད་དུང་ཡང་འཇིག་ཉེན་ལ་འཕྲད་ཡོད། འཛམ་གླིང་ཡུལ་གྲུ་མང་པོ་ཞིག་གི་ནང་དུ་འགྲོ་བ་མིའི་ཐོབ་ཐང་གི་ཚོགས་པ་སྐྱིད་སྡུག་ཁག་ལ་དམ་དྲག་དང་འགྲོ་བ་མིའི་ཐོབ་ཐང་དོན་གཉེར་བ་ཚོ་དགྲར་འཛིན། འགྲོ་བ་མིའི་ཐོབ་ཐང་ལ་རྡོག་རོལ་དང་བརྡལ་བཤིག་གཏོང་བཞིན་པ་ང་ཚོ་ཚང་མའི་མིག་མཐོང་ལག་ཟིན་ཆགས་ཡོད། དེ་ཡང་རྒྱ་གཞུང་ལྟ་བུའི་སྟོབས་ཆེན་རྒྱལ་ཁབ་ཁག་གིས་འགྲོ་བ་ཐོབ་ཐང་ལ་ལོག་འགྲེལ་བྱེད་ཀྱི་ཡོད་དེ། རིང་མིན་ཉེ་ཆར་སྲིད་དབང་སྒེར་གཅོད་པ་རྒྱ་ནག་དམར་ཤོག་གཞུང་གིས་མཉམ་འབྲེལ་རྒྱལ་ཚོགས་ནང་ཡར་རྒྱས་འཛུགས་སྐྲུན་གྱི་ཐོབ་ཐང་ནི་འགྲོ་བ་མིའི་ཐོབ་ཐང་ཁག་གཞན་དག་ལས་གལ་འགངས་ཆེ་ཤོས་དང་འགྲོ་བ་མིའི་ཐོབ་ཐང་ཁག་གཞན་དག་ལོངས་སུ་སྤྱོད་ཐབས་ཀྱི་ཆ་རྐྱེན་དུ་འཛིན་པའི་གྲོས་ཆོད་བཞག་པ་རེད། བོད་ནང་དུ་རྒྱ་གཞུང་གིས་མུ་མཐུད་རྒྱལ་སྤྱིའི་ཁྲིམས་ཀྱི་སྲུང་སྐྱོབ་འོག་གི་འགྲོ་བ་མིའི་ཐོབ་ཐང་ཁག་རྩིས་མེད་རྡོག་རོལ་གཏོང་གི་ཡོད་ལ། བོད་མི་ཚོས་ད་དུང་ཡང་རྒྱ་གཞུང་གི་དམིགས་ཡུལ་དང་འཆར་གཞི་ལྡན་པའི་དྲག་གནོན་སྲིད་ཇུས་དང་། ཁྲིམས་འགལ་ལུགས་འགལ་གྱི་ཉེས་ཆད། འགྲོ་བ་མིའི་ཐོབ་ཐང་ལ་རྡོག་རོལ་ཚབས་ཆེར་བཏང་བའི་དཀའ་སྡུག་མང་པོ་མྱོང་བཞིན་ཡོད། རྒྱ་གཞུང་གིས་བོད་ནང་དུ་རྒྱལ་ཁབ་ཀྱི་བདེ་འཇགས་གཙིགས་ཆེར་བཟུང་ནས་གཞི་རྩའི་འགྲོ་བ་མིའི་ཐོབ་ཐང་ཁག་ལ་རྡོག་རོལ་གཏོང་བ་དང་། འགྲོ་བ་མིའི་ཐོབ་ཐང་ལ་བརྡལ་བཤིག་གཏོང་མཁན་དམར་ཤོག་གཞུང་གི་སྒྲིག་གྲས་ལས་བྱེད་ཚོས་བོད་མིའི་ཆོས་དང་རིག་གཞུང་ལ་ཧམ་འཛུལ་བྱེད་པའི་ཉེས་ཆད་མེད་པར་བཟོས་ཡོད། རྒྱ་གཞུང་གི་རྩ་ཁྲིམས་དང་མི་རིགས་གནས་རང་སྐྱོང་གི་བཅའ་ཁྲིམས་ཀྱི་བརྡལ་བཤིག་འོག་ཏུ་རྒྱ་ནག་དམར་ཤོག་གཞུང་གིས་བོད་ནང་དུ་དྲག་གནོན་སྲིད་ཇུས་མང་པོ་ལག་བསྟར་བྱས་ཏེ་བོད་མི་རིགས་ཀྱི་ངོ་བོ་རྩ་མེད་བཟོ་བཞིན་ཡོད། རྒྱ་གཞུང་གིས་ཡར་རྒྱས་འཛུགས་སྐྲུན་གྱི་ཐོབ་ཐང་ནི་འགྲོ་བ་མིའི་ཐོབ་ཐང་ཁག་གཞན་དག་ལས་གཙིགས་ཆེར་བཟུང་ཡང་། རྒྱ་ནག་དམར་ཤོག་གཞུང་གིས་བོད་མིའི་དཔལ་འབྱོར་ཡར་རྒྱས་དང་བོད་མིར་འཚོ་ཐབས་འདུ་འགོད་ཀྱི་གོ་སྐབས། ཡང་ན་བོད་མིའི་ཁེ་ཕན་སོགས་ཡར་རྒྱས་ཅི་གང་ཡང་བཏང་མེད། རྒྱ་གཞུང་གིས་བོད་ནང་དུ་རང་བྱུང་ཐོན་ཁུངས་སྔོག་འདོན་དང་དབོར་འདྲེན་བྱས་པ་མ་གཏོགས་བོད་མིའི་འཚོ་གནས་ཡར་རྒྱས་ཀྱི་ཐོབ་ཐང་ལག་བསྟར་བྱས་མེད། ཉེ་བའི་ལོ་ངོ་འདི་དག་རིང་ལ་རྒྱ་ནག་གི་སྲིད་འཛིན་ཞི་ཅིན་ཕིན་གྱི་སྲིད་དབང་གཅིག་སྡུད་ཀྱི་འགོ་ཁྲིད་འོག་ཏུ་བོད་མིའི་འཚོ་གནས་ཁྲོད་དུ་དམར་ཤོག་སྲིད་གཞུང་གི་དོགས་ཟོན་མྱུལ་ཞིབ་ལས་གཞི་མང་པོ་ཁྱབ་སྤེལ་ཤུགས་ཆེར་བཏང་སྟེ་བོད་མི་ཚོས་རང་དབང་གི་སྒོ་ནས་སོ་སོའི་མངོན་འདོད་སྟོན་རྒྱུ་ནི་ཧ་ལམ་མི་སྲིད་པའི་གནས་སྟངས་ཤིག་ཆགས་ཡོད། རྒྱ་གཞུང་གིས་ཁྲིམས་སྒྲིག་གསར་བ་མང་པོ་གཏན་འབེབས་ལག་བསྟར་བྱེད་པ་དེས། བོད་མིའི་ཆོས་དད་རང་དབང་དང་། སྨྲ་བརྗོད་རང་དབང་། འདུ་འཛོམ་རང་དབང་། ཚོགས་འབྲེལ་རང་དབང། འགྲོ་འདུག་རང་དབང་། ཪིག་གཞུང་གི་ཐོབ་ཐང་དང་སྒེར་དབང་ཐོབ་ཐང་བཅས་ལ་བརྡལ་བཤིག་ཤུགས་ཆེར་གཏོང་བཞིན་པ་བདེན་དཔང་ར་སྤྲོད་བྱས་ཡོད། རྒྱལ་ཁབ་ཀྱི་བདེ་འཇགས་ཉེན་སྲུང་དང་སྲུང་སྐྱོབ་ཀྱི་མིང་ཐོག་ནས་རྒྱ་གཞུང་གི་དབང་འཛིན་དཔོན་རིགས་ཚོས་མུ་མཐུད་དུ་སོ་སོའི་ཐོབ་ཐང་ཁག་ལོངས་སུ་སྤྱོད་མཁན་དང་། ཞི་རྒོལ་གནང་མཁན་བོད་མི་སྟོང་ཕྲག་མང་པོ་འཛིན་བཟུང་བཙོན་འཇུག་དང་སྡུག་སྦྱོང་མནར་གཅོད་གཏོང་མུས་ཡིན་པ་རེད། འདི་ག་ལྟེ་གནས་ཁང་གི་བོད་ཀྱི་ཆབ་སྲིད་བཙོན་པའི་ཐོ་གཞུང་ནང་དུ། རྒྱ་གཞུང་གིས་རྒྱལ་ཁབ་ཀྱི་བདེ་འཇུགས་ལ་ཉེན་ཁ་བཟོས་རབས་ཀྱི་ཁྲིམས་འགལ་ཉེས་འཛུགས་འོག་ཏུ་བོད་མི་ཆབ་སྲིད་བཙོན་པ་༥༡༠༧ གནས་ཚུལ་འཁོད་ཡོད། སྲིད་དབང་སྒེར་གཅོད་པ་རྒྱ་ནག་དམར་ཤོག་སྲིད་གཞུང་ལྟ་བུའི་རྒྱལ་ཁབ་ཁག་ནང་གཞི་རྩའི་འགྲོ་བ་མིའི་ཐོབ་ཐང་བརྩོན་ལེན་བྱེད་པར། འཛམ་གླིང་སྒང་གི་མང་གཙོའི་རྒྱལ་ཁབ་ཁག་དང་། སྤྱི་མང་གི་ཚོགས་པ་སྐྱིད་སྡུག་ཁག རྒྱལ་སྤྱིའི་སྤྱི་ཚོགས་ཀྱི་འགྲོ་བ་མིའི་ཐོབ་ཐང་དོན་གཉེར་བ་ཚང་མར་མཉམ་ཞུགས་ཡོང་ཐབས་ཀྱི་གནོན་ཤུགས་སྤྲད་དེ། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་སྲོལ་དང་གུ་ཡངས་སྲིད་ཇུས་ཁག་ལ་རྩིས་མེད་རྡོག་རོལ་གཏོང་བར་མཐའ་གཅིག་ཏུ་ཡ་ལན་སློག་དགོས། མང་གཙོའི་རྒྱལ་ཁབ་ཁག་གིས་ཕྱི་འབྲེལ་སྲིད་ཇུས་འཛིན་སྐབས་གནས་སྐབས་ཀྱི་ཉོ་འཚོང་ཁེ་ལས་གཅིག་པུ་མིན་པར་རང་དབང་དང་འགྲོ་བ་མིའི་ཐོབ་ཐང་གི་རྩ་འཛིན་ཁག་གཙིགས་ཆེར་འཛིན་དགོས་པར་མ་ཟད། …

Read More »

ཡོངས་ཁྱབ་གསལ་བསྒྲགས་དེ་བོད་ཡིག་ཐོག་སྤེལ་ནས་མི་ལོ་༣༠ འཁོར་བ་དང་འབྲེལ་ཏེ་བོད་ཡིག་རྐྱང་བའི་དྲ་ཚིགས་ཤར་གཏོང་བྱས་ཡོད།

འདི་ག་ལྟེ་གནས་ཁང་གི་ངོས་ནས་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་མི་ལོ་༧༠ དང་། བོད་ནང་དུ་ཡོངས་ཁྱབ་གསལ་བསྒྲགས་དེ་བོད་ཡིག་ནང་ཤིང་དཔར་གནང་ནས་མི་ལོ་༣༠ ལོན་པའི་དུས་དྲན་སྲུང་བརྩི་དང་འབྲེལ་ཏེ་བོད་ཡིག་རྐྱང་བའི་དྲ་ཚིགས་ཤར་གཏོང་བྱས་ཡོད། ཁ་སང་ཕྱི་ཚེས་༣༠ ཉིན་གྱི་ཞོགས་པའི་ཆུ་ཚོད་༡༠ ཐོག་བཞུགས་སྒར་དྷ་རམ་ས་ལའི་བོད་ཀྱི་གསོལ་མགྲོན་ཁང་དུ། འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ངོས་ནས། འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་བསྐྱངས་ནས་ལོ་ངོ་༧༠ དང་། ཕྱི་ལོ་༡༩༨༨ ལོར་འབྲས་སྤུངས་དགོན་གྱི་དགེ་འདུན་པ་བཅུས་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་དེ་བོད་ཡིག་ནང་ཤིང་དཔར་འགྲེམ་སྤེལ་གནང་ནས་མི་ལོ་ཧྲིལ་པོ་༣༠ འཁོར་བའི་རྗེས་དྲན་མཛད་སྒོ་སྲུང་བརྩི་དང་འབྲེལ་ཏེ། བོད་མིའི་སྤྱི་ཚོགས་ནང་འགྲོ་བ་མིའི་ཐོབ་ཐང་གི་གོ་རྟོགས་སྤེལ་ཐབས་དང་། བོད་མི་མཉམ་ཞུགས་ཡོང་ཐབས། དེ་བཞིན་རྒྱ་ཆེའི་མི་མང་ནས་སོ་སོའི་ཐོབ་ཐང་ཁག་ལ་འགན་སྲུང་དང་ཕན་ཚུན་ཕྱར་བ་གྲུ་འདེགས་གནང་བའི་རེ་སྐུལ་ཞུ་ཆེད། བོད་ཡིག་རྐྱང་བའི་དྲ་ཚིགས་ཤིག་དབུ་འབྱེད་ཀྱིས་ད་ལྟ་དངོས་སུ་ཤར་གཏོང་བྱས་ཡོད། ཐེངས་འདིའི་མཛད་སྒོའི་སྐུ་མགྲོན་གཙོ་བོར། ཕྱི་ལོ་༡༩༨༧ ལོར་རྒྱལ་ས་ལྷ་སར་བོད་རང་བཙན་རྔམ་སྟོན་ཁྲོམ་སྐོར་ཐོག་མར་གནང་མཁན་གྲས་གྱི་འབྲས་སྤུངས་དགོན་པའི་དགེ་འདུན་པ་ངག་དབང་བདེ་ལེགས་དང་ངག་དབང་འོད་འབར། དེ་བཞིན་ཕྱི་ལོ་༡༩༨༨ ལོར་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་དེ་བོད་ཡིག་ནང་ཤིང་དཔར་འགྲེམ་སྤེལ་གནང་མཁན་དགེ་འདུན་པ་བཅུ་ཡི་གྲས་ཀྱི་འཇམ་དཔལ་སྨོན་ལམ་གྱི་སྐུ་ཟླ་ལྷག་པ་སྒྲོལ་མ་གཙོས། བཞུགས་སྒར་ཁུལ་གྱི་ཚོགས་པ་སྐྱིད་སྡུག་གི་ཁག་གི་སྐུ་ཚབ་དང་མཐོ་སློབ་ཁག་གི་སློབ་ཕྲུག་སོགས་ཁྱོན་མི་གྲངས་༥༠ ལྷག་མཉམ་ཞུགས་གནང་ཡོད། འདི་ག་ལྟེ་གནས་ཁང་གི་ལས་བྱེད་བསྟན་འཛིན་ཟླ་བས་ཐེངས་འདིའི་རྗེས་དྲན་མཛད་སྒོའི་ལས་རིམ་རྒྱབ་ལྗོངས་དང་བཅས་པ་ངོ་སྤྲོད་དང་ལས་བྱེད་ཁྲི་སྲོང་རྡོ་རྗེས། འབྲས་སྤོང་དགོན་གྱི་དགེ་འདུན་བཅུའི་དཀའ་སྡུག་གི་མི་ཚེ་ལོ་རྒྱུས། སྔ་རྗེས་ཀྱི་བོད་ནང་གི་འགྲོ་བ་མིའི་ཐོབ་ཐང་གི་དངོས་ཡོད་སྟངས་མདོར་བསྡུས་སུ་ངོ་སྤྲོད་གནང་རྗེས། སྐུ་མགྲོན་གཙོ་བོ་བོད་ཀྱི་ཆབ་སྲིད་བཙོན་ཟུར་ངག་དབང་བདེ་ལེགས་ནས། ང་ཚོ་འབྲས་སྤུངས་དགོན་གྱི་གྲྭ་པ་ཉི་ཤུ་རྩ་གྲངས་ཤིག་གིས་ཉིན་གཉིས་གསུམ་སྔོན་ནས་གསང་བའི་ཐོག་ནས་མཚན་གུང་དུ་བོད་རང་བཙན་ཡིན། བོད་ཀྱི་བདག་པོ་བོད་མི་ཡིན། ༧རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག ཞེས་ངོ་རྒོལ་ལས་འགུལ་གྱི་ཡིག་ཆག་ཁག་ལག་བྲིས་བྱས་ཤིང་། ཕྱི་ལོ་༡༩༨༧ ཟླ་༩ པའི་ཚེས་༢༧ ལོར་སྐད་འབོད་དང་རྔམ་སྟོན་ཁྲོམ་སྐོར་བྱས་རྐྱེན། རྒྱ་གཞུང་གིས་ང་ཚོ་བཙོན་འཇུག་བྱས་པ་རེད། ཡིན་ནའང་སྐབས་དེར་༧ཀུན་གཟིགས་པཎ་ཆེན་རིན་པོ་ཆེ་མཆོག་ཞལ་བཞུགས་ཡོད་པས། རིན་པོ་ཆེ་ཁོང་ཆེད་མངགས་ལྷ་སར་ཕེབས་ནས། རྒྱ་གཞུང་ལ་ཞི་རྒོལ་ནང་ཞུགས་མཁན་བོད་མི་གྲྭ་པ་རྣམས་ངེས་པར་དུ་གློད་གྲོལ་གཏོང་དགོས་པའི་གནོན་ཤུགས་སྤྲད་སྟབས། ང་ཚོ་ཡུན་རིང་བཙོན་ཁང་དུ་སྡོད་མི་དགོས་པར་བོད་མི་བཙོན་པ་༨༠ ཙམ་དང་མཉམ་དུ་གློད་གྲོལ་བཏང་སོང་། འོན་ཀྱང་ཕྱི་ལོ་༡༩༨༩ ལོར་༧ཀུན་གཟིགས་པཎ་ཆེན་རིན་པོ་ཆེ་དགོངས་པ་རྫོགས་པའི་ལོ་དེར། ང་ཚོ་འབྲས་སྤུངས་དགོན་པའི་གྲྭ་པ་༤༠ ལྷག་དགོན་པ་ནས་ཕྱིར་འཕུད་བཏང་བ་རེད། ངའི་སྤུན་མཆེད་ཆུང་བ་འཇམ་དཔལ་རིན་ཆེན་ལྟ་བུར་མཚོན་ན། འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ཤིང་དཔར་འགྲེམ་སྤེལ་བྱེད་མཁན་གྲྭ་པ་༡༠ གྲས་སུ་ཡོད་པ་རེད། ཕྱིས་སུའང་ངོ་རྒོལ་ལས་འགུལ་གཞན་ནང་དུ་ཞུགས་པས། …

Read More »

བོད་མི་ཞིག་གིས་རྒྱ་གཞུང་གི་དྲག་གནོན་སྲིད་ཇུས་ལ་རང་སྲེག་ཞི་འབོད་གནང་ནས་འདས་གྲོངས་སུ་གྱུར།

  རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་ཇུས་ཤུགས་ཆེར་བཏང་བའི་རྐྱེན་གྱིས། ཟི་ཁྲོན་ཞིང་ཆེན་རྔ་བ་བོད་རིགས་རང་སྐྱོང་ཁུལ་ནང་བོད་མི་ཞིག་གིས་རང་སྲེག་ཞི་འབོད་གནང་ནས་འདས་གྲོངས་སུ་ཕྱིན་ཡོད་པ་རེད། འདི་ག་ལྟེ་གནས་ཁང་ལ་གནས་ཚུལ་འབྱོར་གསལ་ལྟར་ན། ཟླ་འདིའི་ཕྱི་ཚེ་༤ ཉིན་རང་ལོ་༢༣ ཡིན་པའི་རྡོ་པོ་ཞུ་བ་ཞིག་གིས། རྒྱ་གཞུང་གིས་བོད་ཐོག་འཛིན་པའི་དྲག་གནོན་སྲིད་ཇུས་ལ་རང་སྲེག་ཞི་འབོད་གནང་ནས་འདས་གྲོངས་སུ་གྱུར་ཡོད་པ་དང་། རང་སྲེག་སྐབས་སུ་ཁོང་གིས། རྒྱལ་བ་བསྟན་འཛིན་རྒྱ་མཚོ་སྐུ་ཚེ་བརྟན་དགོས། གསེར་ཞལ་མྱུར་ཏུ་མཇལ་བར་ཤོག ཅེས་ཞི་འབོད་གནང་བཞིན་འདས་གྲོངས་ཕྱིན་ཡོད་འདུག རྡོ་པོ་ནི་རྒྱ་གཞུང་གིས་བོད་ས་བཅད་བགོས་ལྟར་བྱས་ན། མདོ་སྨད་རྔ་བ་རྫོང་ཆོ་རྗེ་མ་ཡུལ་ཚོའི་རུ་ཆེན་གཉིས་པ་བྱ་སྐོར་སྡེ་བ་ནས་ཡིན་པ་དང་། ཁོང་གི་ཕ་མིང་ལ་གཅོད་པ་དང་མ་མིང་ལ་འཕྲིན་ལས་སྐྱིད་ཞུ་བ་དང་། ཁོང་གི་ཨ་མ་ལོ་ཤས་གོང་ནས་གྲོངས་ཤིང་། དེང་སྐབས་ཁོང་ཨ་ཞང་འཇམ་དཔལ་གྲགས་པ་ཚང་དུ་སྡོད་ཡོད་ཅིང་། ཆོ་རྗེ་མ་ཡུལ་ཚོའི་བྱ་སྐོར་སྡེ་བ་ནི་ཕྱུགས་ཟོག་འཚོ་སྐྱོང་ལ་བརྟེན་པའི་འབྲོག་སྡེ་ཞིག་ཡིན་འདུག རང་སྲེག་ཞི་འབོད་གནང་མཁན་རྡོ་པོ་ཡི་སྐུ་ཕུང་བཙན་འཕྲོག་བྱས་མིན་དང་། རང་སྲེག་གནང་ཡུལ། དེ་བཞིན་ཁོང་གི་ཤུལ་ལུས་ནང་མིའི་དངོས་ཡོད་གནས་སྟངས་སོགས་ཞིབ་ཕྲའི་གནས་ཚུལ་ཤེས་རྟོགས་མ་ཐུབ་པར་ལྷག་ཡོད། འདི་ནི་ད་བར་ལག་སོན་བྱུང་བའི་མདོ་སྨད་རྔ་བ་ཁུལ་དུ་རང་སྲེག་ཞི་འབོད་གནང་མཁན་གྲངས་༤༡ པ་དང་བོད་ནང་དུ་རང་སྲེག་ཞི་འབོད་གནང་མཁན་གྲངས་༡༥༤ བ་དེ་ཆགས་ཡོད། བོད་ནང་གི་རང་སྲེག་ཞི་འབོད་ཐོག་པ་དེ་ཕྱི་ལོ་༢༠༠༩ ལོར་དགེ་འདུན་པ་བློ་བཟང་བཀྲ་ཤིས་ཀྱིས་རྔ་བ་ཁུལ་དུ་རང་སྲེག་ཞི་འབོད་གནང་བ་དེ་ཡིན་པ་རེད། འདི་ག་ལྟེ་གནས་ཁང་གི་ངོས་ནས་བོད་མི་གཞོན་སྐྱེས་ཤིག་གིས་འདས་པའི་མི་ལོ་བཅུ་ཕྲག་མང་པོར་རྒྱ་གཞུང་གིས་ཐོག་འཛིན་པའི་དྲག་གནོན་སྲིད་ཇུས་ལ་རང་སྲེག་ཞི་འབོད་ཀྱིས་འདས་གྲོངས་ཕྱིན་པར་བློ་འཚབ་ཆེན་པོ་བྱེད་ཀྱིན་ཡོད། རྡོ་པོས་མཚོན་པའི་བོད་མི་ཚོས་རང་སྲེག་ཞི་འབོད་གནང་སྟེ། བོད་ནང་གི་བོད་མི་ཚོར་འདུ་འཛོམ་རང་དབང་དང་སྨྲ་བརྗོད་རང་དབང་གང་ཡང་མེད་པའི་དཀའ་སྡུག་དང་མངོན་འདོད་བརྗོད་ཡོད། རྒྱ་ནག་དམར་ཤོག་གཞུང་གི་དྲག་གནོན་སྲིད་ཇུས་འོག་ཏུ་བོད་མི་ཚོས་རང་སྲེག་ཞི་འབོད་གནང་ནས་འདས་གྲོངས་ཕྱིན་པ་ལྟར། རྒྱ་གཞུང་གིས་སྤྱི་དམངས་ཀྱི་ཐོབ་ཐང་ལ་འགན་སྲུང་བྱེད་དགོས། རྒྱ་གཞུང་གི་ནོར་ཁྲུལ་ཅན་གྱི་སྲིད་ཇུས་འོག་ཏུ་བོད་ནང་དུ་བོད་མི་༡༥༤ ཡིས་རང་སྲེག་ཞི་འབོད་གནང་བ་དང་། དེའི་གྲས་ནས་བོད་མི་༡༣༣ འདས་གྲོངས་ཕྱིན་ཡོད། རང་སྲེག་ཞི་འབོད་ཁྲོད་དུ་འདས་གྲོངས་ཕྱིན་པ་དང་རྨས་སྐྱོན་ཕོགས་པའི་གནད་དོན་དེས། རྒྱལ་སྤྱིའི་སྤྱི་ཚོགས་ཀྱི་ངོས་ནས་རྒྱ་ནག་དམར་ཤོག་གཞུང་ལ་སྐྱོན་བརྗོད་དང་ཉེས་ཆད་འགེལ་དགོས་པ་གསལ་བོར་བསྟན་ཡོད། རྒྱ་ནག་དམར་ཤོག་གཞུང་གིས་མྱུར་བ་མྱུར་ཏུ་བོད་མིའི་རང་སྲེག་ཞི་འབོད་ཀྱི་མངོན་འདོད་དང་དཀའ་སྡུག་སེལ་ཐབས་བྱེད་དགོས་པ་ཧ་ཅང་གལ་ཆེན་པོ་ཆགས་ཡོད།

Read More »

གཞུང་འབྲེལ་མིན་པའི་ཚོགས་པའི་ངོས་ནས་རྒྱལ་ཚོགས་ཀྱི་རྒྱ་གཞུང་དུས་བཀག་བསྐྱར་ཞིབ་ཐོག་ཞུ་གཏུག་སྙན་ཐོ་ཕུལ་ཡོད།

ཕྱི་ལོ་༢༠༡༨ ཟླ་༡༡ ནང་འཛམ་གླིང་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་དུས་བཀག་བསྐྱར་ཞིབ་འཚོགས་འཆར་ཡོད་པ་ལྟར། འདི་ག་བོད་ཀྱི་འགྲོ་བ་མིའི་ཐོབ་ཐོང་དང་མང་གཙོ་འཕེལ་རྒྱས་ལྟེ་གནས་ཁང་གི་ངོས་ནས། རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ལ་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་དུས་བཀག་བསྐྱར་ཞིབ་ཐེངས་གསུམ་པའི་ཐོག་ཞུ་གཏུག་སྙན་ཐོ་ཕུལ་ཡོད། ཞུ་གཏུག་སྙན་ཐོ་དེ་ཕྱི་ལོ་༢༠༡༨ ཟླ་༣ ཚེས་༢༩ ཉིན་ཕུལ་ཡོད་ལ། སྙན་ཐོའི་ནང་དུ་དམིགས་བསལ་བོད་ནང་གི་འགྲོ་བ་མིའི་ཐོབ་ཐང་དང་གང་བྱུང་བཀག་ཉར། སྡུག་སྦྱོང་མནར་གཅོད། སྨྲ་བརྗོད་རང་དབང་། ཆོས་ལུགས་དད་མོས་རང་དབང་། སྒེར་དབང་ཐོབ་ཐང་སོགས་ཀྱི་དངོས་ཡོད་གནས་སྟངས་ཞུས་ཡོད། རྒྱ་གཞུང་གི་དུས་བཀག་སྐྱར་ཞིབ་ཐེངས་གསུམ་པའི་ཉན་ཞིབ་དོགས་འདྲིའི་སྐབས་སུ། རྒྱལ་ཚོགས་ཀྱི་ཚོགས་ཞུགས་རྒྱལ་ཁབ་ཁག་ནས་རྒྱ་གཞུང་ལ་དེ་སྔོན་འགྲོ་བ་མིའི་ཐོབ་ཐང་ལ་ཁས་ལེན་མིང་རྟགས་བཀོད་པ་ལྟར་འགན་འཁུར་དུ་འཇུག་རྒྱུ་གལ་ཆེན་པོ་རེད། འདི་ག་ལྟེ་གནས་ཁང་གི་ངོས་ནས་རྒྱལ་ཚོགས་ཀྱི་ཚོགས་ཞུགས་རྒྱལ་ཁབ་ཡོངས་ནས་སྙན་ཐོ་འདིའི་ནང་གསལ་གྱི་དཀའ་རྙོག་ཁག་གླེང་སློང་བྱེད་དགོས་པའི་ཛ་དྲག་གི་འབོད་སྐུལ་ཞུ་བཞིན་ཡོད། གོང་ཞུས་ཞུ་གཏུག་སྙན་ཐོ་དང་འབྲེལ་བའི་འབོད་སྐུལ། ༡)རྒྱ་གཞུང་གིས་མྱུར་དུ་རྒྱལ་ཚོགས་ཀྱི་སྤྱི་དམངས་དང་ཆབ་སྲིད་ཐོབ་ཐང་ཐད་ཀྱི་རྒྱལ་སྤྱིའི་སྤྱི་ཆིངས་དང་། བཙན་དབང་འོག་གར་སོང་ཆ་མེད་དུ་འགྱུར་རིགས་འགོག་པའི་རྒྱལ་སྤྱིའི་སྤྱི་ཆིངས་ཁག་ཁྲིམས་མཐུན་གཏན་འབེབས་བྱེད་དགོས། ༢) རྒྱ་གཞུང་གིས་གང་བྱང་བཀག་ཉར་འོག་གི་ལས་འགུལ་བ་དང་སྒྱུ་རྩལ་པ། རྩམ་པ་པོ། གསར་འགོད་པ། ཆབ་སྲིད་ཕྱོགས་འགལ་བ། གྲྭ་བཙུན་དང་ཞི་རྒལ་བ་སོགས་ཚང་མ་མྱུར་དུ་གློད་གྲོལ་གཏོང་དགོས། ༣)རྒྱ་གཞུང་གིས་ཁྲིམས་ཀྱི་ནུས་པ་ཤུགས་ཆེར་བཏང་ནས་སྡུག་སྦྱོར་མནར་གཅོད་འགོག་སྡོམ་དང་། སྡུག་སྦྱོང་མནར་གཅོད་རིགས་ཁྲིམས་འགལ་བཟོས་དགོས་པར་མ་ཟད། རང་དབང་ཅན་གྱི་རྟོགས་ཞིབ་བརྒྱུད་ནས་ཁྲིམས་འགལ་གྱི་སྡུག་སྦྱོང་མནར་གཅོད་གཏོང་མཁན་ལ་ཉེས་ཆད་གཅོད་དགོས། ༤)རྒྱ་ནག་དམར་ཤོག་གཞུང་གིས་ད་ལྟ་ལག་བསྟར་བྱེད་ཀྱིན་པའི་དོགས་ཟོན་མྱུལ་ཞིབ་ལས་གཞི་མཚམས་བཞག་སྟེ་སྲིད་གཞུང་གི་ཐེ་ཇུས་མེད་པའི་ཐོག་ནས་བོད་མི་ཚང་མར་སོ་སོའི་ཆོད་དད་རང་དབང་ལོངས་སུ་སྤྱོད་འཇུག་དགོས། ཁྲིམས་འགལ་ཉེས་འཛུགས་མེད་པའི་ཐོག་ནས་བོད་མི་ཚོར་དངོས་ཡོད་གནས་ཚུལ་ལ་ལྟ་ཀློག་གི་ཐོབ་ཐང་ལོངས་སུ་སྤྱོད་འཇུག་དགོས། ༥)བོད་མིའི་ཞི་རྒོལ་ལས་འགུལ་ལ་དམ་དྲག་བྱེད་པའི་རྒྱ་གཞུང་གི་ཁྲིམས་སྒྲིག་ཁག་ལ་བསྐྱར་ཞིབ་དང་རྩིས་མེད་གཏོང་དགོས། ༦)དུས་འགྱངས་མི་བྱེད་པར་བོད་མི་ཚང་མར་ཕྱི་སྐྱོད་ལམ་ཡིག་སྤྲོད་དགོས། ༧)རྒྱལ་ཚོགས་ཀྱི་ལས་བྱེད་དང་རང་དབང་ཆེད་མཁས་པར་བོད་ནང་ལ་རྟོགས་ཞིབ་བྱེད་དུ་བསྐྱོད་པར་ཆོག་མཆན་སྤྲོད་དགོས། རྒྱལ་ཚོགས་ཀྱི་ཚོགས་ཞུགས་རྒྱལ་ཁབ་༡༠༩ ཡིས་རྒྱལ་ཁབ་སོ་སོའི་ནང་རྒྱལ་ཚོགས་ཀྱི་དམིགས་བསལ་སྐུ་ཚབ་རྣམས་ལ་འགྲུལ་སྐྱོད་ཆོག་མཆན་སྤྲད་ཡོད་པ་ལྟར། རྒྱ་གཞུང་ཡང་དེའི་ནང་འཛུལ་ཞུགས་བྱས་ན་ལེགས། འབྲེལ་ཐག་འདི་བརྒྱུད་ནས་ཞུ་གཏུག་སྙན་ཐོ་ཆ་ཚང་ལ་གཟིགས་ཐུབ། 

Read More »

བཙན་བྱོལ་བོད་མིའི་མང་གཙོ། ༢༠༡༨ ལོའི་དམིགས་བསལ་སྙན་ཐོ།

སྐབས་༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་༦ པའི་སྟེང་དུ་བཙན་བྱོལ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་ཟིན་བྲིས་ཚོགས་ཆུང་ནས་མང་ཚོགས་ཀྱི་བསམ་འཆར་ཕྱོགས་བསྡུས་ཁྲིམས་འཆར་ལ་གོ་བསྡུར་རིམ་པར་བྱུང་བ་དང་། ལྷག་པར་དུ་རྒྱ་ཆེའི་མི་མང་གི་མངོན་འདོད་དང་བསམ་འཆར་གཞིར་བཟུང་ནས་འོས་བསྡུའི་སྔོན་འགྲོ་དང་དངོས་གཞི་གཉི་ག་རང་འཇགས་དགོས་པའི་ཐད་ལ་འོས་ཤོག་གི་ལམ་ནས་མང་མོས་ཀྱི་རྒྱབ་སྐྱོར་ཐོབ་པར་འདི་ག་ལྟེ་གནས་ཁང་གི་ངོས་ནས་རྗེས་སུ་ཡི་རངས་ཞུ་བཞིན་ཡོད་ལ། དེ་ནི་རྒྱ་ཆེའི་མི་མང་གི་མངོན་འདོད་ལ་རྒྱལ་ཁ་ཆེན་པོ་ཐོབ་པ་ཞིག་ཡིན་པར་ངོས་འཛིན་བྱེད་ཀྱི་ཡོད། དེ་ཡང་ཕྱི་ལོ་༢༠༡༦ ལོར་རྒྱ་ཆེའི་མི་མང་ནས་བཙན་བྱོལ་བོད་མིའི་སྲིད་སྤྱིའི་འོས་གཞི་འོས་འདེམ་སྐབས་སུ་སྔོན་འགྲོ་དང་དངོས་གཞི་གཉི་ག་དགོས་མིན་ཐད་ལ་རྙོག་གླེང་ཤུགས་ཆེན་བྱུང་བ་དང་སྦྲགས་ཏེ། འདི་ག་ལྟེ་གནས་ཁང་གི་ངོས་ནས་གཞུང་དང་གཞུང་འབྲེལ་མིན་པའི་ཚོགས་པ་སྐྱིད་སྡུག་ཁག་གི་གནད་ཡོད་མི་སྣ་དང་ཆེད་མཁས་པ། ལྷག་པར་དུ་ལས་ཐོག་སྤྱི་འཐུས་ཁག་བསྡུ་བསྐོང་གིས་འོས་བསྡུའི་སྔོན་འགྲོ་དང་དངོས་གཞི་གཉི་ག་དགོས་མིན་གཙོས་པའི་བོད་མིའི་མང་གཙོའི་འོས་བསྡུ་དང་འབྲེལ་བའི་སྒྲིག་གཞི་ལེགས་བཅོས་གནང་དགོས་ཅི་ཡོད་སྐོར་ལ་བགྲོ་གླེང་དང་བསམ་འཆར་ཕྱོགས་བསྡུས་ཀྱིས་ཆེད་བཙུགས་འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཆུང་ལ་ཕུལ་བ་དང་། ཕྱི་ལོ་༢༠༡༧ ལོར་འདི་ག་ལྟེ་གནས་ཁང་གི་ངོས་ནས“བོད་མིའི་སྤྱི་ཚོགས་ཁྲོད་དུ་མང་གཙོའི་གོ་རྟོགས་གོང་འཕེལ་སྐོར་སྐྱོད”ལས་གཞི་སྤེལ་ནས། ས་གནས་བོད་མིའི་གཞིས་ཆགས་ཁག་དང་མཐོ་སློབ་ཁག དགོན་སྡེ་ཁག་བཅས་ལ་སྐོར་སྐྱོད་ཀྱིས་བོད་མིའི་མང་གཙོའི་འོས་བསྡུའི་སྒྲིག་གཞི་དང་འབྲེལ་བའི་རྒྱ་ཆེའི་མི་མང་གི་བསམ་འཆར་ཕྱོགས་བསྡུས་ཀྱིས་ཡིག་བརྙན་གཉིས་ཀྱི་ཐོག་ནས་སྐབས་༡༦ པའི་གྲོས་ཚོགས་ཚོགས་དུས་༤ སྟེང་ཞུ་འབུལ་བྱས་ཡོད། འདི་ག་ལྟེ་གནས་ཁང་ནས་བོད་ནང་གི་འགྲོ་བ་མིའི་ཐོབ་ཐང་གཙོས་པའི་བཙན་བྱོལ་བོད་མིའི་མང་གཙོའི་ལམ་ལུགས་ཀྱི་བྱུང་རིམ་དང་འཕོ་འགྱུར་སྐོར་ལ་ཞིབ་འཇུག་དང་བགྲོ་གླེང་། སྙན་ཐོ་འདོན་སྤེལ་བཅས་ཀྱི་བྱ་འགུལ་སྤེལ་མུས་ཡིན་པ་ལྟར། ད་ལན་བོད་ཡིག་གི་ཐོག་ནས་<<བཙན་བྱོལ་བོད་མིའི་མང་གཙོ། ༢༠༡༨ ལོའི་དམིགས་བསལ་སྙན་ཐོ་>>འགྲེམ་སྤེལ་བྱས་ཡོད་ལ། ས་བཅད་༦ དང་ དོན་ཚན་༡༡ བཅས་ཁྱོན་ཤོག་གྲངས་༢༤༥ ཡིས་གྲུབ་པའི་དམིགས་བསལ་སྙན་ཐོ་འདིའི་ནང་དུ། མང་གཙོའི་ཀ་བ་གསུམ་གྱིས་གྲུབ་པའི་བཙན་བྱོལ་བོད་མིའི་མང་གཙོའི་ལམ་ལུགས་ཀྱི་བྱུང་རིམ་དང་འཕོ་འགྱུར། བོད་མིའི་སྒྲིག་འཛུགས་ཀྱི་སྲིད་སྤྱི་གཉིས་དང་ཆེས་མཐོའི་ཁྲིམས་ཞིབ་ཁང་། བོད་མིའི་འོས་བསྡུ་ལས་ཁང་དང་ལས་བྱེད་འདེམ་བསྐོ་ལྷན་ཁང་། རྩིས་ཞིབ་ལས་ཁང་སོགས་རང་དབང་ཅན་གྱི་སྡེ་ཚན་ཁགབཙན་བྱོལ་བོད་མིའི་བཅའ་ཁྲིམས་གཏན་འབེབས་དང་བསྐྱར་བཅོས། མ་འོངས་བོད་ཀྱི་མང་གཙོའི་ལམ་ལུགས་ཀྱི་ཁ་ཕྱོགས་དང་བཅའ་ཁྲིམས། དམིགས་བསལ་ཕྱི་ལོ་༢༠༡༡ ལོར་སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་བོད་ཀྱི་ཆབ་སྲིད་འཛིན་སྐྱོང་གི་སྐུ་དབང་རྩིས་སྤྲོད་གནང་བའི་སྐོར། ཕྱི་ལོ་༢༠༡༦ ལོར་སྲིད་སྤྱི་གཉིས་ཀྱི་འོས་བསྡུ་དང་སྐབས་༡༦ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དང་པོའི་གྲོས་ཆོད་དེ་བོད་མིའི་འོས་བསྡུའི་སྒྲིག་གཞི་བསྐྱར་བཅོས་དང་། ཕྱི་ལོ་༢༠༡༧ ལོའི་སྲིད་སྤྱི་གཉིས་ཀྱི་འོས་བསྡུ་དང་འབྲེལ་བའི་བོད་མིའི་མང་གཙོའི་ལམ་ལུགས་ཐད་ལ་རྒྱ་ཆེའི་མི་མང་ནས་བསམ་འཆར་དང་མངོན་འདོན་ཅི་བྱུང་སྐོར་འཁོད་ཡོད། དེར་མ་ཟད། བོད་རྒྱ་ཆེའི་མི་མང་ལ་མང་གཙོའི་ལམ་ལུགས་ཀྱི་བྱུང་རིམ་དང་སྔ་རྗེས་སུ་འགྱུར་བ་ཇི་དང་གང་བྱུང་གི་གོ་རྟོགས་ཡོང་ཐབས་སུ། འདི་ག་ལྟེ་གནས་ཁང་གིས་ཕྱི་ལོ་༢༠༡༢ ལོར་དབྱིན་ཡིག་གི་ཐོག་ནས་<<བཙན་བྱོལ་བོད་མིའི་མང་གཙོ། ༢༠༡༢ ལོའི་དམིགས་བསལ་སྙན་ཐོ་>>འདོན་སྤེལ་བྱས་ཤིང་། སྙན་ཐོ་དེའི་ནང་དུ་བཙན་བྱོལ་བོད་མིའི་མང་གཙོའི་ཀ་བ་གསུམ་གྱི་བྱུང་རིམ་དང་བཅའ་ཁྲིམས་བསྐྱར་བཅོས། ལྷག་པར་དུ་སྐུ་དབང་རྩིས་སྤྲོད་གནང་རྗེས་ཀྱི་མ་འོངས་བོད་མིའི་མང་གཙོའི་འཕོ་འགྱུར་དང་ཁ་ཕྱོགས། དམིགས་བསལ་གཞས་ཆགས་ཁག་གི་གཞས་འགོ་འོས་འདེམ་དང་འབྲེལ་བའི་གཞི་རིམ་མང་གཙོའི་འཕེལ་རིམ་དང་གནས་སྟངས་ལ་ཞིབ་འཇུག་རྒྱུས་ལོན་བྱས་ཡོད། གཞན་ཡང་འདི་ག་ལྟེ་གནས་ཁང་ནས་བོད་ནང་གི་འགྲོ་བ་མིའི་ཐོབ་ཐང་གཙོས་པའི་བཙན་བྱོལ་བོད་མིའི་མང་གཙོའི་ལམ་ལུགས་ཀྱི་བྱུང་རིམ་དང་འགྱུར་བ་བཅས་ཀྱི་སྐོར་ལ་བགྲོ་གླེང་དང་ཞིབ་འཇུག བསམ་འཆར་བསྡུ་ལེན། སྙན་ཐོ་འདོན་སྤེལ་བྱས་དང་བྱེད་བཞིན་པའི་དགོས་དམིགས་གཙོ་བོ་ནི། རང་ཅག་ཁ་བ་གངས་ཅན་པའི་བོད་མི་རྒན་དར་གཞོན་གསུམ་སྐྱ་སེར་དབྱེར་མེད་ཐོག་འཛམ་གླིང་སྒང་གི་དེང་རབས་མང་གཙོའི་རྒྱལ་ཁབ་དང་སྔོན་ཐོན་ཅན་གྱི་མི་རིགས་གཞན་དག་ནང་བཞིན། …

Read More »

རྒྱ་གཞུང་གིས་བོད་ཀྱི་ཆབ་སྲིད་བཙོན་ཟུར་གཞོན་ནུ་དཔལ་ལྡན་ལ་འདྲི་གཅོད་དང་མནར་གཅོད་བཏང་བའི་རྐྱེན་གྱིས་འདས་གྲོངས་ཕྱིན་པ་རེད།

བོད་ཀྱི་ཆབ་སྲིད་བཙོན་ཟུར་གཞོན་ནུ་དཔལ་ལྡན་རྐྱེན་འདས་སུ་གྱུར་བར་འདི་ག་ལྟེ་གནས་ཁང་གི་ངོས་ནས་བློ་ཕམ་དང་། ཁོང་གི་ནང་མི་ཉེ་འབྲེལ་ཡོངས་ལ་གདུང་སེམས་མཉམ་སྐྱེད་བྱེད་ཀྱི་ཡོད་ལ། རྒྱ་གཞུང་གིས་གཞོན་ནུ་དཔལ་ལྡན་ལ་མནར་གཅོད་བཏང་ནས་ནད་པ་བཟོས་རྗེས། ཁོང་གི་བཟའ་ཟླ་དང་རང་ལོ་༨ ལ་སོན་པའི་བུ་བསྟན་འཛིན་ཀུན་སྐྱབས། རང་ལོ་༡༠ ཡིན་པའི་བུ་མོ་རྣམ་རྒྱལ་སྒྲོལ་མ་དང་ལོ་ན་༥ ཡིན་པའི་བཀྲ་ཤིས་སྒྲོལ་མ་བཅས་ཀྱིས་གཉོར་སྐྱོང་བྱེད་དགོས་བྱུང་ཡོད། འདི་ག་ལྟེ་གནས་ཁང་གི་ངོས་ནས་རྒྱ་ནག་དམར་ཤོག་གཞུང་ལ་གཞོན་ནུ་དཔལ་ལྡན་ལ་མནར་གཅོད་ཚད་མེད་བཏང་རྗེས་སྨན་བཅོས་ལྟ་སྐྱོང་མ་བྱས་པའི་རྐྱེན་གྱིས་ཁོང་རྐྱེན་འདས་སུ་གྱུར་ཡོད་པས། ཁོང་གྲོངས་རྐྱེན་གྱི་དངོས་ཡོད་གནས་ཚུལ་ལ་འཕྲལ་དུ་ཉེ་རིང་ཕྱོགས་ལྷུང་མེད་པར་ཕྱི་གསལ་ནང་གསལ་གྱིས་ཞིབ་འཇུག་བྱེད་དགོས་པའི་འབོད་སྐུལ་ཞུ་བཞིན་ཡོད་ལ། ཁོང་གི་ནང་མིར་དངོས་ཡོད་གནས་ཚུལ་ཤེས་རྟོགས་ཡོང་བའི་ཐོབ་ཐང་ཡོད་པས། རྒྱ་གཞུང་གིས་ཁོང་གྲོངས་རྐྱེན་དེ་རྐང་བཙུགས་ནས་བཟོ་བའམ་སྣང་མེད་དུ་བཏང་རྐྱེན་ཡིན་མིན་ལ་ཞིབ་འཇུག་བྱེད་དགོས་པའི་འགན་ཡོད། དེར་མ་ཟད། དངོས་ཡོད་གནས་ཚུལ་ལ་ཞིབ་འཇུག་བྱས་ནས་ཁོང་གྲོངས་རྐྱེན་དང་འབྲེལ་ཡོད་མི་སྣར་ཁྲིམས་ལྟར་ཐག་གཅོད་དང་མ་འོངས་པར་འདས་རྐྱེན་དེ་འདྲ་མི་འབྱུང་བར་སྔོན་འགོག་བྱེད་དགོས། རྒྱ་གཞུང་གིས་གཞོན་ནུ་དཔལ་ལྡན་གྲོངས་རྐྱེན་ལ་དྲང་བདེན་དང་ཕྱི་གསལ་ནང་གསལ་གྱིས་ཞིབ་འཇུག་བྱས་ནས་འབྲེལ་ཡོད་མི་སྣར་ཁྲིམས་ལྟར་ཐག་གཅོད་བྱས་པ་ཡིན་ན། དེས་རྒྱ་གཞུང་གིས་ཁྲིམས་ཀྱི་དབང་སྒྱུར་ལག་བསྟར་དང་། རྒྱ་གཞུང་གི་ལས་བྱེད་ཚོས་ཁྲིམས་འགལ་གྱིས་བོད་མི་ཚོར་གང་བྱུང་ཉེས་རྡུང་དང་ཉེས་འགེལ་བྱེད་པ་མཚམས་འཇོག་པའི་བརྡ་ལན་གསལ་བོ་ཞིག་སྤྲོད་ཐུབ། རྒྱ་ནག་དམར་ཤོག་གཞུང་གིས་འབྲེལ་ཡོད་ལས་བྱེད་ཚོའི་ཁྲིམས་འགལ་ཉེས་དོན་ཆག་ཡང་བཏང་བའི་རྐྱེན་གྱིས། བོད་ནང་གི་འགྲོ་བ་མིའི་ཐོབ་ཐང་ལ་ཟམ་མི་ཆད་པར་རྡོག་རོལ་ཚབས་ཆེན་གཏོང་གི་ཡོད། བོད་ཀྱི་ཆབ་སྲིད་བཙོན་ཟུར་གཞོན་ནུ་དཔལ་ལྡན་ད་ལྟ་རང་ལོ་༤༡ ཡིན་ཞིང་། ཁོང་དེ་སྔོན་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་ཉེན་རྟོག་པ་དང་རྒྱལ་ཁབ་བདེ་འཇགས་མི་སྣས་འཛིན་བཟུང་གིས་མནར་གཅོད་ཚད་མེད་བཏང་རྗེས། དུས་ཐོག་སྨན་བཅོས་མ་བྱས་པའི་རྐྱེན་གྱིས་ཕྱི་ཟླ་༩ ཚེས་༣༠ ཉིན་ནད་གཞི་ཇེ་སྡུག་ཏུ་ཕྱིན་ནས་སྨན་ཁང་ལ་འགྲོ་བའི་ལམ་བར་ནས་འདས་གྲོངས་ཕྱིན་ཡོད། འདི་ག་ལྟེ་གནས་ཁང་ལ་འབྱོར་བའི་བརྙན་ཐུང་ཞིག་གི་ནང་དུ་ཁོང་གི་ཕ་ཡུལ་དབལ་བཎ་ཚང་ཡུལ་ཚོ་རོང་སྐོར་སྡེ་བའི་རྩྭ་ཐང་དུ་བོད་མི་ཁག་ཅིག་གིས་གཞོན་ནུ་དཔལ་ལྡན་ཉལ་ཁྲི་ཞིག་གི་སྟེང་དུ་འཁྱེར་ནས་འགྲོ་བཞིན་པ་གསལ་ཞིང་། འདྲ་པར་དེ་ནི་ཁོང་འདས་གྲོངས་ཕྱིན་རྗེས་བླངས་པ་ཞིག་རེད། རྒྱ་གཞུང་གིས་ཁོང་ལ་མནར་གཅོད་བཏང་ནས་ནད་པ་ཆགས་རྗེས་བཙོན་འཇུག་གི་དུས་ཡུན་མ་ཚང་བའི་སྔོན་སྟེ་ཕྱི་ལོ་༢༠༡༣ ཟླ་༧ ཚེས་༢༤ ཉིན་གློད་གྲོལ་བཏང་ཡང་། བཙོན་ཁང་དུ་མནར་གཅོད་བཏང་ནས་ཁོང་གི་མིག་གིས་མི་མཐོང་བ་དང་རྣ་བས་མི་གོ་བ། སྙིང་རྩ་འགག་པ་སོགས་ཀྱི་ནད་པ་ཆགས་ཤིང་། ཁོང་གློད་གྲོལ་བཏང་རྗེས་ནང་མིའི་འགྲོ་གྲོན་ལ་བརྟེན་ནས་སྔ་རྗེས་སུ་བཤགས་བཅོས་ཐེངས་གཉིས་ལ་གཏོང་དགོས་བྱུང་ཡོད། ན་ནིང་ཕྱི་ཟླ་༡༢ ནང་ཁོང་གི་བུ་མོ་གཅིག་སློབ་གྲྭར་འགྲོ་བཅུག་མེད་པ་དང་། དེ་ནི་རྒྱ་གཞུང་གིས་ཁོང་ལ་ཉེས་འཛུགས་འགེལ་ཐབས་ཤིག་རེད། གཞོན་ནུ་དཔལ་ལྡན་གྱི་འཕྲོད་བསྟེན་གནང་སྟངས་དང་ཁོང་གི་བུ་མོ་སློབ་གྲྭར་འགྲོ་མ་བཅུགས་པའི་དངོས་ཡོད་གནས་ཚུལ་དེ་ཕྱི་ཕྱོགས་ཀྱི་འགྲོ་བ་མིའི་ཐོབ་ཐང་ཚོགས་པར་བརྒྱུད་གཏོང་བྱས་པར་བརྟེན་ནས། རྒྱ་ནག་ས་གནས་སྲིད་གཞུང་གིས་གཞོན་ནུ་དཔལ་ལྡན་ལ་འཇིགས་སྐུལ་དང་སུན་གཙེར་བཏང་ཡོད། ཕྱི་ལོ་༢༠༠༨ ལོའི་ཞི་རྒོལ་ལས་འགུལ་སྐབས་སུ་གཞོན་ནུ་དཔལ་ལྡན་གྱིས་ཞི་རྒོལ་གྱི་སྣེ་ཁྲིད་པའི་ཉེས་འཛུགས་འོག་ཏུ། ཕྱི་ལོ་༢༠༡༢ ཟླ་༦ ཚེས་༡༨ ཉིན་ཁོང་འཛིན་བཟུང་བཙན་ཁྲིད་བྱས་རྗེས། རྒྱ་གཞུང་གིས་ཁོང་གི་ནང་མི་དང་འབྲེལ་ཡོད་མི་སྣར་བརྡ་ལན་ཙམ་ཡང་མ་སྤྲད་པར་ཟླ་བ་མང་པོར་ཁྲིམས་འགལ་བཀག་ཉར་གྱིས་འདྲི་གཅོད་དང་མནར་གཅོད་བཏང་བ་དང་། ཁོང་ལ་ལོ་༢ དང་ཟླ་༩ དུས་བཙོན་ཁྲིམས་ཐག་བཅད་རྗེས། དེ་སྔོན་འདྲི་གཅོད་སྐབས་སུ་ཁོང་ལ་མནར་གཅོད་བཏང་ནས་རྨས་སྐྱོན་བཟོས་པར་སྨན་བཅོས་ལྟ་སྐྱོང་མ་བྱས་རྐྱེན་གྱིས། …

Read More »