Friday , September 20 2019
Home / གསར་འགྱུར། (page 12)

གསར་འགྱུར།

བོད་དགེ་ཞིག་ཞི་རྒོལ་ལ་བརྟེན་ནས་འཇུ་བཟུང་གིས་ད་ལྟ་གློད་སྐབས་གཟུགས་གཞི་སྐྱོ་བ་ཆགས་འདུག

བོད་ཡིག་དགེ་རྒན་དང་སྒྱུ་རྩལ་བའང་ཡིན་པའི་བོད་མི་ཞིག་ལ།         ཁ་བྲལ་དང་གསང་ཉུལ་བའི་ཉེས་མིང་འོག་ལོ་དགུ་ཁྲིམས་ཆད་ཁུར་ནས་ཟླ་སྔོན་མའི་ནང་།     ཟི་ཁྲོན་ཞིང་ཆེན་གྱི་རྒྱལ་ས་ཁྲེན་ཏོའི་མན་ཡེང་བཙོན་ཁང་ནས་ཁྲིམས་ཐག་དུས་ཡུན་རྫོགས་ནས་གློད་གྲོལ་བཏང་འདུག དགུང་ལོ་༤༣ ཡིན་པའི་འཇམ་དབྱངས་ཀུན་མཁྱེན་ནི། ཕྱི་ལོ་༢༠༠༧ཟླ་༨ཚེས་༢༢ ཉིན། རོང་རྒྱས་ཨ་གྲགས་གཅིག་པུས་རྒྱ་གཞུང་ལ་ངོ་རྒོལ་རྗེས་གང་བྱུང་འཇུ་བཟུང་དང་འབྲེལ་ནས་འཛིན་བཟུང་བྱས་པ་ཞིག་ཆགས་ཡོད། འཛིན་བཟུང་གི་ཁ་ཐུག་ལ་དགུང་ལོ་༣༤ ཡིན་པའི་ཀུན་མཁྱེན་གཟུགས་གཞི་བདེ་ཐང་ཡིན་ཡང་། ལོ་འདིའི་ཟླ་༨ཚེས་༢༡ཉིན་གློད་དུས། ཁོང་གི་མིག་གི་མཐོང་མི་ཐུབ་པ་དང་རྣ་བས་གོ་མི་ཐུབ་པ། དེ་བས་མཆི་ཏོ་ཀྱོག་ཀྱོག་ཆགས་འདུག་པ་མ་ཟད།    སླད་ཕྱིན་ཞ་ར་ཆགས་ཉེན་ཡོད་འདུག ཡང་བཙོན་ནས་ཁོང་ལ་ཀླད་ཁྲག་འགོག་པའི་དཀའ་ངལ་ཞིག་འཕྲད་སྐབས་སྨན་བཅོས་ཀྱི་མཐུན་རྐྱེན་མ་སྤྱར་པར་བརྟེན།  ཁོང་གི་མཆི་ཏོ་ཀྱོག་ཀྱོག་ཆགས་པར་རེད་འདུག་ལ།  ཡང་འདི་ག་ལྟེ་གནས་ཁང་དུ་གནས་ཚུལ་མཁོ་སྤྲོད་པས་བཤད་གསལ་ལྟར་ན།  ཁོང་ལ་བཀག་ཉར་ཁང་གི་འདྲི་གཅོད་ཀྱི་སྔ་ཕྱི་རུ་ཚད་ལས་བརྒལ་པའི་སྡུག་སྦྱོང་མནར་གཅོད་བཏང་འདུག

Read More »

རང་ལུས་མེར་སྲེག་དང་འབྲེལ་ནས་བཙོན་འཇུག་ཁྲིམས་ཐག་ལོ་བདུན་དང་ཕྱེད་བ་ཁུར་ནས་གློད་གྲོལ་བྱུང་འདུག

  འཇམ་དབྱངས་ཕུན་ཚོགས།  ཡོངས་གྲགས་སུ་ཨ་ཁུ་འཇང་ཁོ་ཞེས་དགུང་ལོ་༤༡ ཡིན་པ་ཁོང་ཕྱི་ཟླ་༩་ཚེས་༢ ཉིན་མན་ཡངས་བཙོན་ཁང་ནས་གློད་གྲོལ་བྱས་འདུག  ཁོང་ནི་རང་ལུས་མེར་བསྲེགས་དང་འབྲེལ་ནས་གང་བྱུང་འཛིན་བཟུང་དང་བཙོན་འཇུག་ཁྲིམས་ཆད་ལོ་བདུན་དང་ཕྱེད་ཀ་བཅད་པ་ཁུར་ནས་གློད་གྲོལ་བྱུང་བ་ཐོག་མ་དེ་ཆགས་ཡོད། འཇང་ཁོ་ནི་རྔ་བ་ས་གནས་ཀིརྟི་དགོན་པའི་གྲྭ་བ་ཡིན་ཞིང་། བོད་ཁུལ་དུ་རང་ལུས་མེར་བསྲེགས་གནང་མཁན་ཐོག་མ་དེ་བཀྲ་བྷེ་ཡིས་རང་སྲེག་བྱས་རྗེས་ཀྱི་ཉིན་གཉིས་པའམ།  ཕྱི་ཟླ་༣ ཚེས་ ༣ པར་གང་བྱུང་འཛིན་བཟུང་བྱས་ཡོད། ཕྱི་ལོ་༢༠༠༩ཟླ་༢ཚཞེས་༢༧ཉིན། བཀྲ་བྷེ་ཡིས་རང་ལུས་མེར་སྲེག་གནང་ཞིང་། ཁོང་ནི་རང་སྲེག་རྗེས་མ་ཤི་གསོན་པོར་གནས་མཁན་གཅིག་པུ་དེ་ཆགས་ཤིང་།   ཁོང་གི་གཟུགས་པོའི་ཆ་ཤས་ཕལ་མོ་ཆེ་ཚབས་ཆེ་སྲེག་སྐྱོན་བྱུང་ནས་གཤེགས་བཅོས་ལན་མང་བྱས་དགོས་བྱུང་་ཡོད།   སྐབས་དེར་རྒྱ་གཞུང་གི་རྒྱུད་ལམ་ཁག་ནས་འཇང་ཁོ་ཡིས་བཀྲ་བྷེ་ཡི་རང་སྲེག་བྱས་པའི་གནས་ཚུལ་བཟོས་ནས་ཁྲིམས་འགལ་ཐོག་ཕྱི་རུ་གཏོང་བ་ཡིན་ཚུལ་ཁས་ལེན་བྱས་སྐོར་གྱི་དྲིལ་བསྒྲགས་བྱས།  ད་དུང་རྒྱ་གཞུང་གི་བརྒྱུད་ལམ་ཁག་ནས།  འཇང་ཁོ་ཡིས་རྒྱ་གཞུང་གི་ས་གནས་ཉེན་རྟོག་པས་མེ་འབར་བཞིན་པའི་བཀྲ་བྷེ་ལ་མེ་མདའ་བཞེས་སོང་གནས་ཚུལ་རྫུན་བཟོས་བྱས་པ་རེད་ཅེས་བསྒྲགས། ཡང་འདི་ག་ལྟེ་གནས་ཁང་ལ་གནས་ཚུལ་འབྱོར་པའི་ནང་དུ། བཀྲ་བྷེ་ཡི་བརླ་སྟེང་དུ་མེ་མདའ་རྒྱབ་ཡོད་པ་འདྲ་བར་མཐོང་མོད། རྒྱ་གཞུང་གིས་དེ་ནི་འཇང་ཁོས་རྫུན་བཟོས་བྱས་རབས་ཟེར། དེ་སྔོན་ཞིག་ལ་འཇང་ཁོ་དང་འབྲེལ་བའི་གནས་ཚུལ་ཞིག་ཐོན་པ་དེའི་ནང་དུ།     ཕྱི་ལོ་༢༠༡༠ཟླ་༤ཚེེས་༩ཉིན་འཇང་ཁོ་ལ་ལོ་དྲུག་གི་ཁྲིམས་ཆད་ཕོག་ཡོད་ཟེར་བ་ནི་རྫུན་མ་རེད།  འདི་ག་ལྟེ་གནས་ཁང་ལ་འཇང་ཁོ་བཙོན་གྲོལ་ཐོབ་པའི་ཡིག་ཆ་ལག་སོན་བྱུང་བའི་ནང་དུ།  འཇང་ཁོ་ཕྱི་ལོ་༢༠༡༠ཟླ་༤ཚེས་༢ཉིན་ཁྲིམས་ཐག་བཅད་པ་གསལ་ཞིང་།  ཁོང་ལ་འབྲིང་རིམ་མི་དམངས་ཁྲིམས་ཁང་གིས་༼ཁྲིམས་འགལ་གྱི་སྒོ་ནས་ཕྱི་རུ་གསང་བའི་གནས་ཚུལ་བསྐྱལ་པ་༽ཞེས་པའི་ནག་ཉེས་བཙུགས་ནས་ཁྲིམས་ཐག་བཅད་འདུག བཙོན་གྲོལ་ཡིག་ཆའི་ནང་དུ།  འཇང་ཁོ་བཙོན་གྲོལ་གཏོང་ཡང་ལོ་གསུམ་གྱི་ཆབ་སྲིད་འཕྲོག་པ་ནན་བརྗོད་རྒྱས་བཤད་བྱས་པར། ཆབ་སྲིད་ཐོབ་ཐང་འཕྲོག་པའི་དུས་ཚོད་ནི་འདི་ལོ་༢༠༡༦ཟླ་༩ཚེས་༢ནས་ཕྱི་ལོ་༢༠༡༩ཟླ་༩ཚེས་༡ བར་ཡིན་པ་འཁོད་འདུག  རྒྱ་གཞུང་གི<<་ཉེས་ཁྲིམས་>>དོན་ཚན་༥༤ལྟར་ན། ཆབ་སྲིད་ཀྱི་ཐོབ་ཐང་ཟེར་བ་ནི། འོས་མིར་བླངས་པ་དང་འོས་ཤོག་བླུག་པ།  སྨྲ་བརྗོད་རང་དབང་།  པར་སྐྲུན་དང་འདུ་འཛོམས། སྒྲིག་འཛུགས་བཙུགས་པ། ངོ་རྒོལ་ཁྲོམ་སྒོར་བྱས་པ།  གཞུང་འབྲེལ་གྱི་ལས་གནས་སྒང་དུ་སླེབས་པ།    གཞུང་ལ་དེབ་བསྐྱེལ་བྱས་པའི་བཟོ་གྲྭའི་འགོ་ཁྲིད་བྱས་པ། ཚོང་བ་བྱས་པ།  གཞུང་འབྲེལ་གྱི་ཚོགས་པ་སྒྲིག་འཛུགས་བཙུགས་པ་བཅས་རེད་འདུག   དེ་དག་ཕོག་པའམ་དེའི་ཆ་ཤས་ལེན་མི་ཆོག་པ་ཞིག་ལ་ཆབ་སྲིད་ཀྱི་ཐོབ་ཐང་འཕྲོག་པ་ཞེས་ངོས་འཛིན་བྱེད་ཀྱི་ཡོད། ཡིན་ནའང་།  བོད་ནང་དུ་མཚོན་ན། ཆབ་སྲིད་ཀྱི་ཐོབ་ཐང་འཕྲོག་པ་མ་ཡིན་པའི་སྤྱིར་བཏང་གི་མིའང་། གོང་གི་ཆབ་སྲིད་ལ་ངོས་འཛིན་བྱས་ཁག་ནང་དུ་མ་ཚུད་པའི་ཐོབ་ཐང་གང་མང་ཞིག་མེད་པ་ཡིན། ལྷག་དོན་ཆབ་སྲོད་བཙོན་པ་ཟུར་བ་ཚོ་ག་དུས་ཡིན་ཡང་དམ་དྲག་འོག་ཏུ་གནས་དགོས་ཤིང་། ཁོང་ཚོའི་འགྲོ་འདུག་སྤྱོད་གསུམ་ལྟ་རྟོག་ནན་པོ་བྱས་ཀྱི་ཡོད། འདི་ལོ་ཕྱི་ཟླ་༦ནང་། རྒྱ་ནག་གཞུང་གིས་རྔ་བ་ས་ཁུལ་གྱི་དགོན་མ་ལག་ཏུ་༼གྱོད་དེབ་༽ཞེས་པའི་ཡིག་ཆ་ཞིག་བཀྲམས་ནས།  རང་ལུས་མེར་སྲེག་དང་གནས་ཚུལ་ཕྱི་གཏོང་བྱེད་མཁན་སུ་བྱུང་ལ། ཁ་བྲལ་ལ་བརྒྱུད་སྐུལ་དང་ཁྲིམས་འགལ་ཐོག་ནས་གནས་ཚུལ་ཕྱིར་གཏོང་སོགས་ཀྱི་ནག་ཉེས་བཙུགས་ངེས་ཞེས་བསྒྲགས་ཡོད། འཇང་ཁོ་ནི་ཕྱི་ལོ་༡༩༧༥ཟླ་༥་ཚེས་༡༨ཉིན་རྔ་བ་རྫོང་ཝར་མ་ཞང་ནས་འཚར་ལོངས་བྱུང་འདུག

Read More »

གསེར་རྟ་བླ་རུང་སྒར་ནས་མུ་མཐུད་བཙུན་མ་རང་ཤི་རྒྱབ་པའི་གནས་ཚུལ་ཐོན་གྱི་འདུག

  རྒྱ་གཞུང་གིས་ཕྱི་ཟླ་༧ཚེས་༢༠ནས་གསེར་རྟ་བླ་རུང་སྒར་གཏོར་འགོ་བཙུགས་པ་ནས་ཟླ་ངོ་གཅིག་ཀྱང་མ་འགོར་པར།    ཟླ་འདིའི་ཕྱི་ཚེས་༡༩ཉིན། བཙུན་མ་ཚེ་རིང་སྒྲོལ་མས་ཞེས་པ་དང་སེམས་དགའ།  གཞན་ཡང་མིང་དུས་སོགས་གསལ་ཁ་མེད་པ་ཞིག་གིས་རང་ཤི་རྒྱབ་གྲབས་བྱས་པ།ཟླ་སྔོན་མའི་ཕྱི་ཚེས་༢༠ཉིན་རིག་འཛིན་སྒྲོལ་མས་རང་ཤི་རྒྱབ་པ་བཅས།  དུས་ཡུན་ཐུང་ཐུང་ཟླ་ངོ་གཅིག་གི་རིང་བཙུན་མ་གསུམ་གྱི་ཚེ་སྲོག་ཤོར་ཅིང་།  གཅིག་ལ་སྲོག་ཉེན་བྱུང་གྲབས་བྱས་འདུག་པའི་གནས་སྟངས་ལ་རྒྱ་གཞུང་གིས་སྡུག་གྱོང་རེད་ཅེས་ལན་སྤྲད་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་གནས་ལྟར་ན།  ཕྱི་ཟླ་༨ཚེས་༡༩ཉིན(ཨེ་གླིང་ལྟར་ན་ཕྱི་ཚེས་༡༧ཉིན་བྱུང་བ་གསལ་)།  གསེར་རྟ་བླ་རུང་སྒར་པདྨ་མཁའ་འགྲོ་འདུ་གླིང་དུ་སློབ་གཉེར་གནང་བཞིན་པའི་བཙུན་མ་ཚེ་རིང་སྒྲོལ་མས་བླ་རུང་སྒར་མུ་མཐུད་གཏོང་བཞིན་པའི་གནས་སྟངས་ལ་ལྟ་བཟོད་དང་སྡིག་སྲན་མ་ཐེག་པར་སྐེ་ལ་གནམ་ཐག་གོན་ནས་རང་ཤི་རྒྱབ་ཅིང་།   མོས་ཤི་ཁར་ཁ་ཆེམས་ཤིག་ཡི་གེ་ཞིག་བཞག་པ་ཡོད་པའི་ནང་དུ།  གཙོ་བོ་ད་ནི་རྒྱ་ནག་གཞུང་གིས་སྡོད་བཟོད་མེད་པ་བཟོ་བཞིན་འདུག  གྲྭ་ཤག་ཚང་མ་གཏོར་འགྲོ་བཞིན་འདུག་ཅེས་འཁོད་ཡོད་འདུག

Read More »

རྒྱ་གཞུང་གི་དྲིལ་བསྒྲགས་ཡིག་ཆས་(གྱོད་དེབ་)བོད་ནང་གི་ཞི་རྒོལ་ཁྲིམས་འགལ་རེད་ཟེར།

  རྒྱ་གཞུང་གིས་ཨ་མདོ་རྔ་བ་ས་ཁུལ་གྱི་དགོན་མ་ལག་ཁག་ཏུ་གྱོད་དེབ་ཅེས་ཁྲིམས་ཀྱི་གོ་རྟོགས་ཤེས་བྱ་ཡིན་རབས་བསྙད་ནས་ཡིག་ཆ་ཞིག་འགྲེམས་སྤེལ་བྱས་འདུག གྱོད་དེབ་དེར་ཤོག་ངོས་༨༠་དང་རྒྱ་བོད་སྐད་ཡིག་གཉིས་ནང་དུ་ཡོད་ཅིང་།  དགོན་མ་ལག་ཁག་གི་གྲྭ་མང་ལ་བཀྲམས་ནས་དེའི་དོན་གོ་རྟོགས་སྤེལ།   གྱོད་དེབ་ཏུ་གསལ་བའི་དོན་ཚན་ལྔའི་ནང་དོན་ཧྲིལ་བོ་རྒྱལ་ཁབ་ཁ་བྲལ་ཞེས་ཆབ་སྲིད་ཀྱི་མིང་འདོགས་ནས་ཉེས་ཁྲིམས་འཚབ་ཆེན་གཅོད་རབས་ཉེས་བརྡ་གཏོང་འདུག རང་ལུས་མེར་སྲེག་དང་སྒེར་པ་གཅིག་པུ་ཁྲོམ་ལ་ཐོན་ནས།  ༧གོང་ས་མཆོག་གི་སྐུ་པར་འཕྱར་ཅིང་།  ༧གོང་ས་མཆོག་བོད་དུ་ཕེབས་བཅུག་དགོས་དང་བོད་ནང་དུ་རང་དབང་དང་འགྲོ་བ་མིའི་ཐོབ་ཐབ་དགོས་རབས་ཀྱི་སྐད་འབོད་གནང་རིགས་ཀྱིས།   རྒྱ་ནག་རྒྱལ་སྤྱིའི་མིག་མདུན་དུ་ངོ་ཚ་ཁ་ཁེངས་ཐེངས་མང་བཟོས་པ་དང་འབྲེལ་ནས་བྱུང་བ་ཞིག་ཆགས་ཡོད།   ཡང་གྱོད་དེབ་ལྟར་ན། སྒེར་བོ་གཅིག་པུས་ཞི་རྒོལ་གནང་མཁན་ཡང་རྒྱལ་ཁབ་ཁ་བྲལ་ལ་བསྐུལ་སློང་ཞེས་ཉེས་པ་རུ་བརྩིས་འདུག  འདི་ག་ལྟེ་གནས་ཁང་གིས། ཕྱི་ལོ་༢༠༡༣ནས་བཟུང་། སྒེར་བ་གཅིག་པུས་ཞི་རྒོལ་གནང་མཁན་མི་སྣ་༢༥  མིང་གཞུང་ཐོ་འགོད་བྱས་ཁྲོད། རང་ལོ་༡༨ཡིན་པའི་དགེ་འདུན་ཕུན་ཚོགས་ལ་ལོ་བཞི་དང་།  རང་ལོ་༡༩ཡིན་པའི་བློ་བཟང་སྐལ་བཟང་ལ་ལོ་གསུམ་གྱི་ཁྲིམས་ཆད་བཙོན་བཅུག་བྱས་པ་དཔེ་མཚོན་ཙམ་ཡིན།

Read More »

རྒྱ་གཞུང་གིས་གསེར་རྟ་བླ་རུང་སྒར་དངོས་སུ་བཤིག་ཉིན་བཙུན་མ་ཞིག་གིས་རང་ཤི་རྒྱབ་འདུག

རྒྱ་གཞུང་གིས་གསེར་རྟ་བླ་རུང་སྒར་གྱི་པདྨ་མཁའ་འགྲོ་སྲང་ལམ་ནས་གཏོར་བཤིག་གཏོང་འགོ་བཙུགས་ཤིང་།    གནས་སྟངས་དེར་ལྟ་བཟོད་མ་ཐུབ་པར་དེ་གར་སློབ་གཉེར་གནང་བཞིན་པའི་བཙུན་མ་ཞིག་གིས་གནམ་ཐག་རྒྱབ་ནས་རང་ཤི་རྒྱབ་འདུག གསར་ལམ་ཁག་ཏུ་གནས་ཚུལ་ཐོན་པ་ལྟར་ན།  འདི་ལོ་(༢༠༡༦)ཕྱི་ཟླ་༧་ཕྱི་ཚེས་༢༠ ཉིན་རྒྱ་གཞུང་གིས་དོན་ཚན་༧ཅན་གྱི་ཡིག་ཆ་འགྲེམས་སྤེལ་གྱི་སྒོ་ནས་བླ་རུང་སྒར་གཏོར་བཤིག་གཏོང་འཆར་གྱི་ལས་གཞི་དངོས་སུ་འགོ་བརྩམས་ཤིང་།   དེ་གའི་བཙུན་དགོན་ཆགས་ས་པདྨ་མཁའ་འགྲོ་སྲང་ལམ་ནས་བཤིག་འགོ་བཙུགས་པའི་གནས་སྟངས་ལ་ལྟ་བཟོད་མ་ཐུབ་པར་བཙུན་མ་རིག་འཛིན་སྒྲོལ་མ་ལགས་ཀྱིས་གནམ་ཐག་གོན་ནས་རང་ཤི་རྒྱབ་འདུག   མོས་ཤི་ཁར་ཁ་ཆེམས་ཡི་གེ་ཞིག་བཞག་པའི་ནང་དུ། བླ་རུང་སྒར་དུ་སློབ་གཉེར་གནང་རིང་།  རྒྱ་གཞུང་གིས་བསྟུད་མུར་སུན་གཙེར་དང་ཐེ་ཇུས་བྱས་པའི་བྱེད་བབ་དེར་མོས་སྡིག་སྲན་མ་ཐུབ་པར་ན་ཟུག་ཡང་ཡང་སློང་པ་གསལ་ཞིང་།  ཤུལ་དུ་མི་དམངས་ཤོག་སྒོར་གང་འཚམས་ཤིག་བཞག་ཡོད་པ་དགོན་པར་སྤྲོད་རེ་ཞུས་འདུག་ཅེས་གསར་ལམ་ཁག་ཏུ་ཐོན་འདུག་པ་ལས།  འདི་ག་ལྟེ་གནས་ཁང་དུ་གོང་གི་ཡིག་ཆ་ངོ་མ་ལག་སོན་མ་བྱུང་བས།  ཁ་ཆེམས་ཀྱི་ནང་དོན་ཞིབ་ཆ་ད་ལྟའི་བར་ཤེས་རྟོགས་མ་བྱུང་བར་ལུས་ཡོད།    

Read More »

སྤྲུལ་སྐུ་བསྟན་འཛིན་བདེ་ལེགས་ཀྱི་ཚ་མོས་ཨ་ཞང་བཙོན་ཁང་དུ་དུག་དྲངས་ནས་བཀྲོངས་པ་རེད་ཟེར།

སྤྲུལ་སྐུ་བསྟན་འཛིན་བདེ་ལེགས་མཆོག་བཙོན་ཁང་དུ་སྐུ་གྲོངས་ནས་ལོ་གཅིག་ལྷག་འགོར་རྗེས། འདི་ལོའི་ཟླ་༧ ཚེས་༢༤ ཉིན་ལོ་ན་ཉེར་དྲུག་ལ་སོན་པའི་ཁོང་གི་ཚ་མོ་ཉི་མ་ལྷ་མོ་གསང་སྟབས་ཀྱིས་བྲོས་ནས་རྒྱ་གར་ལ་འབྱོར། ཁོ་མོ་ནི་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་ལི་ཐང་རྫོང་བདེ་སྐྱིད་གྲོང་ཚོ་རུ་ཡོད་པའི་ལོ་དྲུག་ཅན་གྱི་བུ་མོ་ཟླ་བ་སྒྲོལ་མ་དང་ལོ་ལྔ་བཅུ་ང་གསུམ་ཡིན་པའི་ཨ་མ་སྒྲོལ་དཀར་ལྷ་མོ་གཉིས་དང་ཁ་བྲལ་ཏེ་བོད་ནས་འདིར་བྲོས་བྱོལ་དུ་ཡོང་བ་རེད། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་ནི་མི་མང་པོས་དད་བཀུར་བྱ་སའི་བླ་མ་ཞིག་ཡིན་ལ། ཁོང་ནི་རྒྱ་གཞུང་གིས་ཚེ་བཙོན་གྱི་ཁྲིམས་ཐག་བཅད་དེ་བཙོན་ཁང་དུ་བཞུགས་པའི་གནས་སྐབས་སུ་སྐུ་གྲོངས་པ་རེད། ཕྱི་ལོ་༢༠༡༥ ཟླ་༧ ཚེས་༡༢ ཉིན་སི་ཁྲོན་ཞིང་ཆེན་གྱི་ལྟེ་གནས་ཁྲིན་ཏུའུ་གྲོང་ཁྱེར་གྱི་ཁྲོན་ཏུང་བཙོན་ཁང་དུ་ཁོང་སྐུ་གྲོངས་ཡོད་པ་དང་། སྐབས་དེར་ཁོང་བཙོན་དུ་བཞུགས་ནས་ལོ་བཅུ་གསུམ་འཁོར་ཡོད། རྒྱལ་སྤྱིའི་ཚོགས་སྡེ་ཁག་མང་པོས་འབོད་སྐུལ་ཅི་ཙམ་ཞུས་ཀྱང་རྒྱ་གཞུང་གི་དབང་འཛིན་པ་ཚོས་རིན་པོ་ཆེའི་གྲོངས་རྐྱེན་ལ་བརྟག་དཔྱད་བྱ་བཅུག་མེད་ལ། ཁོང་སྐུ་གྲོངས་པའི་དཔང་རྟགས་ཡིག་ཆའམ་སྐུ་གྲོངས་རྐྱེན་ལ་བརྟག་དཔྱད་བྱས་པའི་དཔང་ཡིག་ཚད་ལྡན་གཅིག་ཀྱང་འདོན་སྤྲོད་བྱས་མེད། རྒྱ་ནག་གཞུང་གི་གསར་འགྱུར་བརྒྱུད་ལམ་ཁག་ཏུ་ཁོང་བཙོན་ཁང་དང་ཐག་ཉེར་ཡོད་པའི་ཏ་ཀྲུའུ་རྫོང་སྨན་ཁང་དུ་སྙིང་ནད་འཕར་ཏེ་སྐུ་གྲོངས་ཡོད་ཚུལ་ཕྱིར་བསྒྲགས་བྱས་ཡོད བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས་ཉི་མ་ལྷ་མོ་ལ་བཅར་འདྲི་བྱེད་སྐབས། ཁོ་མོས་ང་རང་བོད་ནས་འདི་ལྟར་བྲོས་བྱོལ་དུ་ཡོང་དོན་ནི། རྒྱལ་སྤྱིའི་ཚོ་སྡ་ཁག་ལ་རྒྱལ་སྤྱིའི་ཁྲིམས་ལུགས་དང་རྒྱ་ནག་གི་ཁྲིམས་ལུགས་གཞིར་བཟུང་རིན་པོ་ཆེར་ཁྲིམས་ཆད་བཅད་དོན་དང་ཁོང་སྐུ་གྲོངས་རྐྱེན་ཐད་ཞིབ་འཇུག་མཐིལ་ཕྱིན་པ་བྱ་བར་རྒྱ་ནག་སྲིད་གཞུང་ལ་གནོན་ཤུགས་སྤྲོད་པའི་རེ་སྐུལ་ཞུ་ཆེད་དང་། ཨ་ཞང་སྐུ་གྲོངས་བའི་སྐབས་ཀྱི་གནས་ཚུལ་རྣམས་བཤད་པར་ཡོང་བ་ཡིན་ཟེར། གཞན་ཡང་ཁོ་མོས་རིན་པོ་ཆེར་ཚེ་བཙོན་གྱི་ཁྲིམས་ཐག་བཅད་གནད་དོན་ལ་བསྐྱར་ཞིབ་བྱ་དགོས་པའི་འབོད་སྐུལ་ཡང་ཞུས་སོང་། ཟླ་༧ ཚེས་༡༦ ཉིན་གྱི་ཞོགས་པར་བཙོན་ཁང་དུ་རིན་པོ་ཆེའི་སྐུ་ཕུང་ཞུགས་འབུལ་བྱས་པ་རེད། སྐུ་ཕུང་ཞུགས་འབུལ་མ་བྱས་གོང་དེ་སྔ་རིན་པོ་ཆེས་ཕྱག་བཏབ་གནང་པའི་དགོན་སྡེ་ཁག་བདུན་གྱི་སྐུ་ཚབ་ཨོ་ཐོག་དགོན་གྱི་མཁན་པོ་གཙོས་གྲྭ་བ་དང་བཙུན་མ་༡༦ བཙོན་ཁང་ནང་ལ་ཡོང་བཅུག་ནས་རིན་པོ་ཆེའི་སྐུ་ཕུང་གཙང་མ་བཟོས་ཏེ་མནབ་བཟའ་གཡོག་བཅུག་ཡོད་ལ། སྐབས་དེར་སྲོལ་རྒྱུན་གྱི་འགྲོ་ལུགས་ལྟར་སྨོན་ལམ་འདོན་པ་སོགས་ཀྱི་ཆོ་ག་ཡང་བསྒྲུབས་བཅུག་ཡོད་འདུག སྐུ་ཕུང་ཞུགས་འབུལ་མ་བྱས་སྔོན་ཏག་ཏག་སྟེ། ཞོགས་པ་ཆུ་ཚོད་བརྒྱད་པ་ཙམ་ལ་ཉི་མ་ལྷ་མོ་དང་ཁོ་མོའི་ཨ་མ་གཉིས་ལ་རིན་པོ་ཆེའི་སྐུ་ཕུང་ལ་འཁྱུག་ཙམ་ལྟ་བའི་གོ་སྐབས་སྤྲད་ཡོད། སྐབས་དེར་རིན་པོ་ཆེའི་སྐུ་ཕུང་བཙོན་ཁང་གི་ཚོགས་ཁང་ཞིག་ཏུ་སྟེགས་བུ་ཞིག་གི་ཐོག་ལ་བཞག་ཡོད་པ་དང་། སྤྱི་བདེ་མི་སྣ་མང་པོས་མཐའ་བསྐོར་ཡོད་འདུག ཉི་མ་ལྷ་མོས་ཨ་ཞང་མཐོང་བའི་སྐབས་ཀྱི་སྣང་ཚུལ་ལ་ཕྱིར་དྲན་གྱིས་བཤད་དོན། “ སྐུ་ཕུང་བཏུམས་ཡོད་པས་ཨ་མ་དང་ངེད་ཉིས་ཀྱིས་ཁོང་གི་གདོང་མ་གཏོགས་མཐོང་ཐུབ་མ་སོང་ལ། ཡ་མཆུ་མ་མཆུ་གཉིས་ཀྱི་མདོག་ནག་པོ་ཡིན་པ་ཚོར་བྱུང་། ཁོང་གི་སྐུ་ཕུང་གཙང་མ་བཟོས་ནས་མནབ་བཟའ་གཡོག་མཁན་གྱི་གྲྭ་བ་ཚོས་ཀྱང་རིན་པོ་ཆེའི་ཕྱག་དང་ཞབས་ཀྱི་སེན་མོའི་མདོག་ནག་པོར་གྱུར་ཡོད་ཚུལ་དང་། དབུ་ཡི་ལྟག་རྒྱབ་ཀོང་ཀོང་ཆགས་ཤིང་། ནམ་རྒྱུན་དང་མི་འདྲ་བར་ཡང་མོ་ཡིན་ཚུལ་བཤད་བྱུང་། ” ཟེར། ཁོ་མོས་ངེད་ཚང་གི་ཁྱིམ་མི་རྣམས་དང་རིན་པོ་ཆེའི་དགེ་ཕྲུག་ཚོས་རིན་པོ་ཆེར་དུག་དྲངས་ནས་བཀྲོངས་བར་དོགས་པ་ཟ་བཞིན་ཡོད་ཚུལ་བརྗོད་བྱུང་། ཉི་མ་ལྷ་མོས་ཨ་ཞང་བཙོན་ཁང་དུ་དུག་དྲངས་ནས་བཀྲོངས་ཚུལ་ལ་ཁུངས་སྐྱེལ་ར་སྤྲོད་ཡང་དག་ཡོད་ཚུལ་བརྗོད་དོན། “ དང་པོ། བཙོན་སྲུང་བ་ཚོས་ཨ་མ་རིན་པོ་ཆེར་ཐུག་མ་བཅུག་པར་ཉིན་བཅུ་ཕྱིར་འགྱངས་བྱས་པ་རེད། དེའི་རྒྱུ་མཚན་ག་རེ་ཡིན་ནམ། གཉིས་པ། ཁོང་ཚོས་ད་བར་རིན་པོ་ཆེ་རང་བཞིན་གྱིས་སྐུ་གྲོངས་ཚུལ་ཁུངས་སྐྱེལ་ཡོད་པའི་སྨན་བཅོས་བརྟག་དཔྱད་ཡིག་ཆའམ། ཡང་ན། སྐུ་གྲོངས་པའི་དཔང་རྟགས་ཡིག་ཆའི་རིགས་གཅིག་ཀྱང་མཁོ་སྤྲོད་བྱས་མེད། གསུམ་པ། …

Read More »

བཀྲ་ཤིས་དབང་ཕྱུག་ལ་ཆབ་སྲིད་ཉེས་མིང་གཡོག་པ་ནི་ཁྲིམས་འགལ་བྱ་སྤྱོད་ཅིག་རེད།

བོད་ཀྱི་སྐད་ཡིག་རིག་གནས་སྲུང་སྐྱོབ་པ་བཀྲ་ཤིས་དབང་ཕྱུག་ལགས། རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་ཀྱིས་ཟླ་ ༥ ལྷག་ཕྱིན་ཡོད་ཀྱང་། ད་ལྟའི་བར་ཁོང་གི་ཁྲིམས་བཤེར་གནས་ཚུལ་སྐོར་གང་ཡང་ཤེས་རྟོགས་ཐུབ་ཀྱི་མེད་པའི་གནས་སྟངས་འོག་ཡོད་པ་རེད། འདི་ག་ལྟེ་གནས་ཁང་གིས་ས་གནས་རྒྱ་གཞུང་གི་ཉེས་མེད་ཉེས་འཛུགས་ཀྱི་ཁྲིམས་འགལ་བྱེད་སྤྱོད་དེར་སྐྱོན་བརྗོད་དྲག་པོ་དང་། ཁོང་གི་གཟུགས་པོའི་བདེ་ཐང་ཐད་བློ་འཚབ་ཆེན་པོ་བྱེད་ཀྱིན་ཡོད། འདི་ལོའི་ཕྱི་ཟླ་ ༡ ཚེས་ ༢༧ ཉིན་རྒྱ་གཞུང་ཉེན་རྟོག་པས་བཀྲ་ཤིས་དབང་ཕྱུག་ལགས་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་ཡོད། རྗེས་སུ་རྒྱལ་སྤྱིའི་བརྒྱུད་ལམ་ཁག་གིས་དོ་སྣང་ཤུགས་ཆེན་བྱས་པར་བརྟེན། ཕྱི་ཟླ་ ༣ ཚེས་ ༢༤ ཉིན་ཁོང་གི་ནང་མིར་བཀྲ་ཤིས་དབང་ཕྱུག་ལགས་དངོས་སུ་འཛིན་བཟུང་བྱས་པའི་བརྡ་ཡིག་ཅིག་སྤྲད་ཡོད་པ་རེད། ཡིན་ནའང་། ནང་མིར་ཐུག་འཕྲད་བྱེད་བཅུག་མེད་པ་མ་ཟད། ཁོང་གར་ཡོད་ཀྱི་གནས་ཚུལ་གང་ཡང་ནང་མིར་གསལ་བརྗོད་བྱས་མེད་པ་རེད། ནེའུ་ཡོག་དུས་བབ་ཀྱི་གསར་འགོད་པས་ཁ་པར་བརྒྱུད་རུས་ཀྲང་ཅན་གྱི་ས་གནས་ཉེན་རྟོག་དཔོན་རིགས་ཤིག་ལ་སྐད་ཆ་དྲིས་སྐབས། ཁོས་ས་གནས་རྒྱལ་ཁབ་བདེ་སྲུང་ཚན་པས་བཀྲ་ཤིས་དབང་ཕྱུག་གི་གྱོད་དོན་སྒྲུབ་ཀྱིན་ཡོད་སྐོར་ཙམ་ལས་ཞིབ་ཕྲའི་གནས་ཚུལ་གང་ཡང་བརྗོད་མེད་པ་རེད།

Read More »

པདྨ་ཚེ་བརྟན་བཀག་ཉར་ཐད་དྲང་བདེན་ཐག་གཅོད་དང་ཡོང་བསྒྲགས་གསལ་བཤད་བྱ་དགོས།

ཟི་ལིང་གནམ་ཐང་ཉེན་རྟོག་པས་བོད་རིགས་གློག་བརྙན་འཁྲབ་ཁྲིད་པ་གྲགས་ཅན་པདྨ་ཚེ་བརྟན་ལགས་ལ། “མི་མང་འདུ་སའི་སྒྲིག་གཞི་གཏོར་བཤིག” གི་ཉེས་མིང་བཀལ་ཏེ། དོན་མེད་འཇུ་བཟུང་བཀག་ཉར་གྱིས་ཚད་ལས་བརྒལ་བའི་རྩུབ་སྤྱོད་འདྲི་གཅོད་བྱས་པ་དེ་ནི། མང་ཚོགས་ཁེ་དབང་རྡོག་རོལ་གྱི་ཁྲིམས་འགལ་བྱ་སྤྱོད་ཅིག་ཆགས་ཡོད་པ་མ་ཟད། གནས་ཚུལ་དེས་རྒྱ་གཞུང་ཉེན་རྟོག་པས་གནམ་ཐང་དང་མེ་འཁོར་འབབ་ཚིགས་སོགས། མི་མང་འདུ་འཛོམས་ཁུལ་དུ་བོད་དང་ཤིན་ཅང་གཙོས་གྲངས་ཉུང་མི་རིགས་ལ་དམིགས་བསལ་ལྟ་རྟོག་བཀག་སྡོམ་བྱེད་བཞིན་པ་བསྟན་ཡོད། འདི་ག་ལྟེ་གནས་ཁང་གི་ངོས་ནས་ཟི་ལིང་གནམ་ཐང་ཉེན་རྟོག་པས། བོད་རིགས་གློག་བརྙན་འཁྲབ་ཁྲིད་པ་གྲགས་ཅན་པདྨ་ཚེ་བརྟན་ལགས། གང་བྱུང་བཙན་འཁྲིད་བཀག་ཉར་གྱིས་རྩུབ་སྤྱོད་མནར་གཅོད་བཏང་བའི་ཁྲིམས་འགལ་གྱི་བྱ་སྤྱོད་དེར་ངོ་རྒོལ་སྐྱོན་བརྗོད་དང་། བཀག་བསྐྱིལ་མནར་གཅོད་ཀྱི་རྐྱེན་པས་པདྨ་ཚེ་བརྟན་ལགས་ཀྱི་གཟུགས་པོ་བདེ་མིན་གྱི་གནས་སྟངས་བྱུང་སྟེ་སྨན་ཁང་དུ་བསྐྱལ་དགོས་བྱུང་བའི་ཐད་བློ་འཚབ་བྱེད་ཀྱིན་ཡོད།

Read More »

བཙུན་མ་ཞིག་འཆི་གསོན་གནས་སྟངས་མ་ཤེས་པར་ལོ་བརྒྱད་རིང་གར་སོང་ཆ་མེད་གྱུར་འདུག

ཟི་ཁྲོན་དཀར་མཛེས་རྫོང་ནས་ཡིན་པའི་བཙུན་མ་ཡེ་ཤེས་ལྷག་སྒྲོན་ལགས། ཕྱི་ལོ་ ༢༠༠༨ ལོའི་ས་བྱི་ཞི་རྒོལ་ཆེན་མོའི་སྐབས་སྐད་འབོད་ངོ་རྒོལ་བྱས་པར་བརྟེན་ནས་རྒྱ་གཞུང་གིས་འཇུ་བཟུང་བཙན་ཁྲིད་ཀྱིས་ད་ལྟའི་བར་གར་སོང་ཆ་མེད་ཀྱི་གནས་སྟངས་འོག་ལྷག་ཡོད་པ་རེད། ཁོང་གི་ནང་མིས་གང་སར་འདྲི་རྟོག་འཚོལ་བཤེར་བྱས་ཀྱང་གར་ཡོད་ཅི་བྱུང་གི་གནས་ཚུལ་གང་ཡང་ཤེས་རྟོགས་མ་ཐུབ་པར་བརྟེན། རྒྱ་གཞུང་གི་འཇུ་བཟུང་མནར་གཅོད་འོག་ཁོང་མོ་འདས་གྲོངས་ཕྱིན་ཟིན་པའི་ངོས་འཛིན་བྱེད་ཀྱི་ཡོད་འདུག ཕྱི་ལོ་ ༢༠༠༨ ལོར་བོད་མདོ་ཁམས་དཀར་མཛེས་བྲག་དཀར་བཙུན་དགོན་གྱི་བཙུན་མ་ཡེ་ཤེས་ལྷག་སྒྲོན་དང་། སངས་རྒྱས་ལྷ་མོ། ཚེ་དབང་མཁའ་འགྲོ་གསུམ་ཀྱིས་ས་བྱི་ཞི་རྒོལ་ཆེན་མོའི་སྐབས་ཞི་བའི་སྐད་འབོད་ངོ་རྒོལ་བྱས་པར་བརྟེན། སྐབས་དེར་རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་ཡོད། ཁོ་ཚོའི་གྲས་ནས་སངས་རྒྱས་ལྷ་མོ་དང་ཚེ་དབང་མཁའ་འགྲོ་གཉིས་ལ་བཙོན་འཇུག་དུས་བཀག་ལོ་གཉིས་རེའི་ཁྲིམས་ཐག་བཅད་ཡོད་པ་དང་། མཐར་བཙོན་འཇུག་དུས་ཡུན་རྫོགས་ཏེ་ཕྱིར་གློད་གྲོལ་བཏང་ཡོད་མོད། བཙུན་མ་ཡེ་ཤེས་ལྷག་སྒྲོན་ལགས་སྐབས་དེར་འཇུ་བཟུང་བཙན་འཁྲིད་བྱས་རྗེས། ད་ལྟའི་བར་གནས་ཚུལ་གང་ཡང་ཤེས་རྟོགས་མ་བྱུང་བར་གར་སོང་ཆ་མེད་ཀྱི་གནས་སྟངས་འོག་ལྷག་ཡོད་པ་རེད། ཁོང་གི་ནང་མི་རྣམས་ཀྱིས་ཕྱོགས་ཡར་མར་ལ་འབྲེལ་གཏུགས་ཀྱིས་འདྲི་རྟོག་འཚོལ་ཞིབ་བྱས་ཀྱང་མཇུག་འབྲས་གང་ཡང་མ་བྱུང་སྟབས། བཙུན་མ་ཡེ་ཤེས་ལྷག་སྒྲོན་ལགས་རྒྱ་གཞུང་གི་འཇུ་བཟུང་མནར་གཅོད་འོག་འདས་གྲོངས་ཕྱིན་ཟིན་པའི་ངོས་འཛིན་བྱེད་ཀྱིན་ཡོད་འདུག

Read More »

མང་ཚོགས་ཀྱི་བསམ་ཚུལ་བསྡུ་རུབ་ཀྱིས་གྲོས་ཚོགས་ལ་འབུལ་འཆར་ཡོད།

༢༠༡༦ ལོའི་བཙན་བྱོལ་བོད་མིའི་སྲིད་སྤྱི་གཉིས་ཀྱི་འོས་བསྡུ་ཆེན་མོའི་བརྒྱུད་རིམ་ཁྲོད། སྔར་དང་མ་འདྲ་བར་མང་ཚོགས་ཁྲོད་དོ་སྣང་དང་གླེང་སློང་། མཉམ་ཞུགས་ཤུགས་ཆེན་པོ་བྱུང་ཡོད་ལ། དེ་བཞིན། མང་ཚོགས་ཁྲོད་ཕྱོགས་རེས་དང་གླེང་རྙོག སེམས་འཚབ་ཀྱི་རྣམ་པའང་གང་འཚམ་བྱུང་ཡོད་པར་བརྟེན། བོད་མི་མང་སྤྱི་འཐུས་སྐབས་ ༡༦ པའི་གྲོས་ཚོགས་ཚོགས་དུས་དང་པོའི་ཐོག དབུས་འོས་བསྡུ་ལས་ཁང་ནས་ཟིན་བྲིས་བཏབ་པའི་འོས་བསྡུའི་སྒྲིག་གཞི་བསྐྱར་བཅོས་ཆེད་ཚོགས་ཆུང་ཟུར་འཛུགས་དགོས་པའི་གྲོས་ཆོད་བྱུང་དོན་ལྟར། འོས་བསྡུའི་སྒྲིག་གཞི་བསྐྱར་བཅོས་འཆར་ཟིན་ཚོགས་ཆུང་ཆེད་འཛུགས་ཀྱིས་ཕྱི་ལོ་ ༢༠༡༦ ཟླ་ ༦ ཚེས་ ༢༠ ཉིན་ནས་འོས་བསྡུའི་སྒྲིག་གཞི་བསྐྱར་བཅོས་ཀྱི་ལས་ཁུར་འགོ་འཛུགས་གནང་ཐོག  ཕྱི་ལོ་ ༢༠༡༦ ཟླ་ ༨ ཚེས་ ༣༡ ཉིན་གྱི་གོང་ལ་ཚོགས་སྒེར་ཚང་མའི་ངོས་ནས་དགོངས་འཅར་ཇི་ཡོད་ཡིག་ཐོག་ཏུ་བཀོད་དེ་ཚོགས་དྲུང་ལས་ཁུངས་སུ་ཕུལ་འབྱོར་དགོས་སྐོར་ཡོངས་ཁྱབ་གསལ་བསྒྲགས་སྤེལ་ཡོད་པ་རེད།

Read More »