Monday , August 26 2019
Home / གསར་འགྱུར། / རྒྱ་གཞུང་གིས་གསང་སྟབས་ཀྱིས་བཀག་ཉར་བྱས་པའི་དགེ་འདུན་པ་གཉིས་གློད་གྲོལ་གཏོང་དགོས།

རྒྱ་གཞུང་གིས་གསང་སྟབས་ཀྱིས་བཀག་ཉར་བྱས་པའི་དགེ་འདུན་པ་གཉིས་གློད་གྲོལ་གཏོང་དགོས།

རྡོ་རྗེ་རབ་བརྟན།

རྒྱ་གཞུང་གིས་བོད་དོན་སྐད་འབོད་གནང་མཁན་དགེ་འདུན་པ་གཉིས་སྔ་རྗེས་སུ་རྔ་བའི་རྫོང་ཐོག་ཏུ་འཛིན་བཟུང་གིས་གར་ཁྱེར་ཅི་བྱས་ཀྱི་གནས་ཚུལ་ཤེས་རྟོགས་མ་ཐུབ་པར་ལྷག་ཡོད།

ཟླ་འདིའི་ཕྱི་ཚེས་༥ ཉིན་གྲྭ་རྡོ་རྗེ་རབ་བརྟན་ཞུ་བ་ཞིག་གིས་རྔ་བའི་རྫོང་མཁར་དུ་བོད་དོན་སྐད་འབོད་གནང་སྐབས། རྒྱ་གཞུང་གི་ཉེན་རྟོག་པས་ཁོང་འཛིན་བཟུང་བཙན་ཁྲིད་བྱས་ཡོད་པ་དང་། ཁོང་གི་ཕ་ཡུལ་རྔ་བ་རྨེའུ་རུ་མ་ནས་ཡིན་ཞིང་། ཁོང་གི་གྲྭ་ཤག་གི་དགེ་རྒན་གྱི་མིང་ལ་བློ་བཟང་ཟླ་བ་ཞུ་བ་དང་། ཁོང་ད་ལྟ་རང་ལོ་༢༣ ཡིན་པ་ཙམ་མ་གཏོགས་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད་པ་རེད།

གོང་ཞུས་གནས་ཚུལ་དང་ཕྱོགས་མཚུངས་ཕྱི་ཟླ་༩ ཚེས་འགོར་རྔ་བའི་རྫོང་མཁར་དུ་བོད་དོན་སྐད་འབོད་གནང་མཁན་དགེ་འདུན་པ་གཞན་ཞིག་ཀྱང་ཉེས་རྟོག་པས་འཛིན་བཟུང་བཙན་ཁྲིད་བྱས་ཤིང་། ད་སྔར་ཁོང་གི་མིང་དང་ཕ་ཡུལ། ས་གནས་གང་དུ་བཀག་ཉར་བྱས་ཡོད་པའི་གནས་ཚུལ་ཤེས་རྟོགས་མ་ཐུབ་པར་ལྷག་ཡོད།

འདི་ག་ལྟེ་གནས་ཁང་གི་ངོས་ནས། རྒྱ་གཞུང་གིས་ཀིརྟི་དགོན་གྱི་དགེ་འདུན་པ་དེ་གཉིས་གསང་སྟབས་ཀྱིས་བཀག་ཉར་བྱས་པར་མཐའ་གཅིག་ཏུ་ངོ་རྒོལ་ཡོད་ལ། རྒྱ་ནག་དམར་ཤོག་གཞུང་གིས་ཆ་རྐྱེན་ཅི་ཡང་མེད་པའི་ཐོག་ནས་དགེ་འདུན་པ་ཁོང་གཉིས་མྱུར་དུ་གློད་གྲོལ་གཏོང་དགོས། རྒྱ་གཞུང་གི་རྒྱལ་ཁབ་བདེ་འཇགས་ལས་ཁུངས་ནས་གསང་སྟབས་ཀྱིས་བཀར་ཉར་བྱས་པའི་དགེ་འདུན་པ་ཁོང་གཉིས་ལ་མི་སྤྱོད་ལས་འདས་པའི་གདུག་རྩུབ་དང་སྡུག་སྦྱོང་མནར་གཅོད་ལག་བསྟར་བྱ་སྲིད་པར་འདི་ག་ལྟེ་གནས་ཁང་གིས་བློ་འཚབ་བྱེད་ཀྱིན་ཡོད། རྒྱ་ནག་དམར་ཤོག་གཞུང་གིས་ངེས་པར་དུ་འགྲོ་བ་མིའི་རང་དབང་ཐོབ་ཐང་ཁག་ཁྲིམས་འགལ་གྱི་ངོ་བོར་བསྒྱུར་ནས། བོད་མི་ཚོ་གང་བྱུང་འཛིན་བཟུང་དང་བཀག་ཉར། གསང་སྟབས་ཀྱིས་གར་སོང་ཆ་མེད་དུ་གཏོང་བཞིན་པ་མྱུར་དུ་མཚམས་འཇོག་དགོས། ཞི་བའི་ངོ་རྒོལ་དང་སྲིད་གཞུང་ལ་སྐྱོན་བརྗོད་བྱེད་པ་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་སྤྱི་ཆིངས་ནང་སྲུང་སྐྱོབ་བྱས་ཡོད་པར་མ་ཟད། རྒྱ་གཞུང་གིས་སྤྱི་ཆིངས་དེ་ལ་ངོས་ལེན་གྱི་མིང་རྟགས་བཀོད་ནས་ཁས་ལེན་གཙང་བ་བྱས་ཡོད་པ་དང་། རྒྱ་ནག་ནི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཆིངས་ཡིག་ཁག་ལ་མིང་རྟགས་འགོད་མཁན་ཞིག་ཡིན་པའི་ཆ་ནས། རྒྱ་ནག་དམར་ཤོག་གཞུང་ལ་སྤྱི་དམངས་ཀྱི་ཞི་བའི་འདུ་འཛོམས་དང་སྨྲ་བརྗོད་རང་དབང་ཚུད་པའི་འགྲོ་བ་མིའི་ཐོབ་ཐང་ཁག་ལ་བརྩི་བཀུར་དང་སྲུང་སྐྱོབ་བྱེད་པའི་འགན་ཡོད།

Check Also

རྒྱ་གཞུང་གིས་གར་སོང་ཆ་མེད་བཟོས་པའི་པཎ་ཆེན་ཆུང་སྲིད་རིན་པོ་ཆེ་གློད་གྲོལ་གཏོང་དགོས་པའི་འབོད་སྐུལ་སྣང་མེད་བཏང་སྟེ་རྒྱ་ནག་གི་པཎ་ཆེན་རྒྱལ་མཚན་ནོར་བུ་བོད་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་འདུག

༸གོང་ས་སྐྱབས་མགོན་ཆེན་པོ་མཆོག་གིས་ངོས་འཛིན་ཐུགས་ཐག་བཅད་བའི་༸ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་རྩིས་མེད་བཙོན་འཇུག་བྱས་ཏེ། རྒྱ་ནག་དམར་ཤོག་སྲིད་གཞུང་གི་པཎ་ཆེན་རྒྱལ་མཚན་ནོར་བུ་ཀྲུང་གོ་ནང་བསྟན་མཐུན་ཚོགས་ཀྱི་ཡན་ལག་བོད་རང་སྐྱོང་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་ཡོད་པ་རེད། འདི་ལོའི་ཕྱི་ཟླ་༦ ཚེས་༢༢ ཉིན་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ཝུ་ཡང་ཅེ་(Wu Yingjie)གསར་དུ་བསྐོ་བཞག་བྱས་པའི་ཚོགས་མི་ཚོར་ཐུག་འཕྲད་བྱས་ཡོད་པ་དང་། བོད་ལྗོངས་ནང་བསྟན་མཐུན་ཚོགས་ནི་ཀྲུང་གོ་ནང་བསྟན་མཐུན་ཚོགས་ཀྱི་སྟངས་འཛིན་འོག་ཏུ་ཡོད་པའི་ཡན་ལག་མཐུན་ཚོགས་ཡིན་པ་རེད། ཚོགས་མི་གསར་བར་གཏམ་བཤད་སྐབས་སུ། ཝུ་ཡང་ཅེས། རྒྱ་གཞུང་གི་ཆོས་ལུགས་སྲིད་ཇུས་ཀྱི་གལ་གནད་ཁག་གསལ་འདོན་བྱས་ཏེ། “ཏང་གི་རྗེས་སུ་འབྲང་བ་དང་། རྒྱལ་གཅེས་རིང་ལུགས་ཀྱི་བརྩེ་སེམས་ཟབ་ཏུ་གཏོང་བ། དར་ཆ་གསལ་སྟོན་ངང་ཁ་བྲལ་ལ་ངོ་རྒོལ་བྱེད་དགོས་པ་དང་མངའ་ཁོངས་ཕྱི་རོལ་གྱིས་ཆོས་ལུགས་བེད་སྤྱད་དེ་སིམ་འཛུལ་བྱ་བར་འགོག་རྒོལ་མཐའ་གཅིག་ཏུ་བྱེད་དགོས་པ། ཆོས་ལུགས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བར་ཁྲིད་སྟོན་ཧུར་ཐག་བྱེད་དགོས”ལུགས་བཤད་འདུག ལྷ་མེད་སྨྲ་བ་དམར་ཤོག་སྲིད་གཞུང་གིས་དུས་ཡུན་རིང་བོར་ཆོས་ལུགས་ལ་གཞི་རྒྱ་ཆེ་བའི་སྟངས་འཛིན་དང་དོ་དམ་ཤུགས་ཆེན་བྱས་པ་དང་། …