Monday , June 17 2019
Home / གསར་འགྱུར། / ནད་ཀྱིས་མནར་བའི་བོད་ཀྱི་ཆབ་སྲིད་བཙོན་ཟུར་ཞིག་ལ་འདྲི་གཅོད་ཀྱིས་བཟང་བཙོན་བྱས་ཡོད་པ།

ནད་ཀྱིས་མནར་བའི་བོད་ཀྱི་ཆབ་སྲིད་བཙོན་ཟུར་ཞིག་ལ་འདྲི་གཅོད་ཀྱིས་བཟང་བཙོན་བྱས་ཡོད་པ།

དེ་རིང་ཀན་སུའུ་ཞིང་ཆེན་ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་གི་ས་གནས་དབང་འཛིན་པ་ཚོས་ནད་ཀྱིས་མནར་བའི་བོད་ཀྱི་ཆབ་སྲིད་བཙོན་ཟུར་ཞིག་ལ་ཆུ་ཚོད་ཁ་ཤས་རིང་འདྲི་གཅོད་བྱས་མཐར་བཟང་བཙོན་གྱི་ངོ་བོར་བཀག་ཉར་བྱས་ཡོད་འདུག 
 
​ཟླ་འདིའི་ཚེས་༢༧ཞོགས་པ་ཆུ་ཚོད་བཅུ་བའི་ཐོག ལོ་ན་བཞི་བཅུར་སོན་པའི་གཞོན་ནུ་དཔལ་ལྡན་ཁོང་དབལ་བཎ་ཡུལ་ཚོའི་སྤྱི་བདེ་ལས་ཁུངས་སུ་ཁྲིད་དེ་ཁུལ་དང་རྫོང་ནས་ཁྱོད་ལ་འདྲི་རྩད་བྱེད་པར་སླེབས་ཀྱི་ཡོད་ཅེས་ཆུ་ཚོད་གཉིས་པ་བར་སྒུག་བཅུག། དེ་ནས་ཁུལ་དང་རྫོང་གི་མི་དམངས་སྤྱི་བདེ་ཉེན་རྟོག་པས་ཆུ་ཚོད་བདུན་པ་བར་དུ་འདྲི་གཅོད་བྱས་ཤིང་། ཁོ་ཚོས་གཞོན་ནུ་དཔལ་ལྡན་ལ་ཞིབ་འཇུག་ཆེད་ཁ་པར་གཞུང་བཞེས་བཏང་ཡོད་ལ། གོང་རིམ་ནས་བཀའ་རྒྱ་མ་འབྱོར་བར་དུ་རང་ཁྱིམ་དང་ཁ་འབྲལ་མི་ཆོག་པའི་བཀའ་བཏང་ཡོད་འདུག
འདྲི་གཅོད་སྐབས་ཁོང་ལ་འདི་ག་ལྟེ་གནས་ཁང་གིས་ཕྱི་ཚེས་༡༨ཉིན་གྱི། ཁོང་བཙོན་འཇུག་སྐབས་མྱངས་བའི་དཀའ་སྡུག་དང་། ཁྱིམ་ཚང་ལ་འཕྲད་པའི་དཀའ་ངལ། བཙོན་དུ་མནར་གཅོད་བཏང་བས་ལུས་ཁམས་བདེ་ཐང་མིན་པའི་གནས་ཚུལསྤེལ་བའི་སྐོར་དྲིས་ཡོད། ཁོང་ནི་བྱིས་པ་གསུམ་གྱི་ཨ་ཕ་ཡིན་པ་དང་། ལོ་བརྒྱད་ལ་སོན་པའི་ཁོང་གི་བུ་མོ་དེ་སྔོན་ཁོ་མོའི་ཨ་ཕས་ཆབ་སྲིད་ལས་འགུལ་སྤེལ་བར་བསྙད་ནས་སློབ་གྲྭར་ཞུགས་བཅུག་མེད། ཁོང་ལ་རང་ཉིད་ཀྱི་གནས་སྟངས་ཕྱིར་བསྒྲགས་བྱས་པར་སྐྱོན་བརྗོད་དང་གཤེ་གཤེ་ཚ་ནན་བཏང་ཡོད་འདུག འདི་ག་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ལ་གནས་ཚུལ་ཁུངས་ལྡན་བརྗོད་དོན་ལྟར་ན། ཁོང་ལ་འདྲི་གཅོད་བྱེད་མཁན་ལས་བྱེད་ཚོས་ཁོང་གིས་གནས་ཚུལ་ཕྱིར་བསྒྲགས་བྱས་པ་ལ་ཆབ་སྲིད་ཀྱི་དམིགས་ཡུལ་ཡོད་ཚུལ་བརྗོད་ཡོད་འདུག
མིག་སྔའི་གནས་ཚུལ་དང་འབྲེལ་གཞོན་ནུ་དཔལ་ལྡན་གྱི་བཟའ་མི་དང་གཉེན་ཉེ་ཚོས་ཁོང་བསྐྱར་དུ་འཛིན་བཟུང་བྱ་མི་ཡོང་ངམ་སྙམ་པ་དང་བསྐྱར་དུ་འཛིན་བཟུང་བྱས་ཚེ་ཁོང་གི་ལུས་ཁམས་ནད་པ་ཡིན་པའི་གནས་སྟངས་སྡུག་ཏུ་འགྲོ་ཉེན་ཡོད་པ་སོགས་ལ་སེམས་ཁུར་ཆེན་པོ་བྱེད་ཀྱི་ཡོད། ད་བར་ཁོང་གི་ནང་མི་ཚོས་དཀའ་ངལ་མང་པོ་ལ་གདོང་ལེན་བྱས་ཡོད་ཅིང་ཁོང་གི་ལུས་ཁམས་མི་བདེ་བའི་གནས་སྟངས་རྐྱེན་པས་ཀྱང་དཀའ་ངལ་མང་པོ་བརྒྱུད་དགོས་ཐུག་ཡོད།
འགྲོ་བ་མིའི་ཐོབ་ཐང་དང་མང་གཙོ་ལྟེ་གནས་ཁང་གིས་རྒྱ་གཞུང་དབང་འཛིན་པ་ཚོས་གཞོན་ནུ་དཔལ་ལྡན་ལ་བསྐྱར་དུ་ཉེས་མེད་ཉེས་འདོགས་ཀྱིས་སྡུག་པོ་མི་གཏོང་བར་ཁོང་ལ་སྨན་བཅོས་མཐུན་རྐྱེན་ཚུལ་བཞིན་སྦྱོར་བ་དང་ཁོང་གི་བུ་མོ་སློབ་གྲྭར་ཞུགས་འཇུག་དགོས་པའི་འབོད་སྐུལ་ཞུ་བཞིན་ཡོད། རྒྱལ་སྤྱིའི་ཁྲིམས་ལུགས་ལྟར་ན། མི་ཞིག་གི་བསམ་པའི་རང་དབང་ལ་ཚོད་འཛིན་བྱེད་པ་དེ་ཁྲིམས་འགལ་ཆགས་ཀྱི་ཡོད། བྱིས་པ་ཞིག་གི་ཨ་ཕས་ཆབ་སྲིད་ཀྱི་ལས་འགུལ་སྤེལ་བར་བསྙད་ནས་བྱིས་པ་དེ་སློབ་གྲྭ་ལ་ཞུགས་མི་ཆོག་པའི་ཉེས་པ་གཏོང་བ་ནི་ཚུལ་དང་མཐུན་པ་ཞིག་གཏན་ནས་མ་ཡིན། རྒྱ་གཞུང་དབང་འཛིན་པ་ཚོས་བོད་མི་ཚོས་སྡུག་བསྔལ་དངོས་བརྗོད་པར་རྒྱལ་ཁབ་ཀྱི་བདེ་འཇགས་ལ་འགལ་བའི་ཉེས་ཁྲིམས་བཀལ་ནས་སྣང་མེད་དུ་འཇོག་ཐབས་མེད།
འདི་ག་ལྟེ་གནས་ཁང་གིས། རྒྱལ་སྤྱིའི་སྤྱི་ཚོགས་ཁྱོན་ཡོངས་ནས་རྒྱ་གཞུང་ལ་གནོན་ཤུགས་ནན་པོ་སྤྲོད་ནས་གཞོན་ནུ་དཔལ་ལྡན་ལ་སྡུག་པོ་གཏོང་བའི་བྱ་སྤྱོད་མཚམས་འཇོག་དགོས་པའི་འབོད་སྐུལ་ཞུ་ཡི་ཡོད། རྒྱ་གཞུང་དབང་འཛིན་པ་ཚོས་ད་བར་སྡུག་སྦྱོང་མནར་གཅོད་མྱངས་བའི་གཞོན་ནུ་དཔལ་ལྡན་གྱི་གཞི་རྩའི་རང་དབང་དང་ཐོབ་ཐང་རྡོག་རོལ་གཏོང་བ་ངེས་པར་དུ་མཚམས་འཇོག་དགོས་ཀྱི་ཡོད། གཞོན་ནུ་དཔལ་ལྡན་ནི་རང་ཉིད་ཀྱི་འགྲོ་བ་མིའི་གཞི་རྩའི་ཐོབ་ཐང་ལོངས་སུ་སྤྱད་པའི་ཉེར་ལེན་གྱིས་མནར་གཅོད་དང་བཙོན་འཇུག་མྱོང་མཁན་ཞིག་ཡིན་ལ། ཁོང་གི་བུ་མོ་རྣམ་རྒྱལ་སྒྲོལ་མ་ནི་ཁོང་གིས་ཆབ་སྲིད་ཀྱི་ལས་བརྩམས་པར་བསྙད་ནས་སློབ་གྲྭར་ཞུགས་མ་བཅུག་པར་ཤེས་ཡོན་སློབ་གཉེར་གྱི་ཐོབ་ཐང་མེད་པར་གྱུར་ཡོད།

Check Also

བོད་ཀྱི་ཆབ་སྲིད་བཙོན་ཟུར་བློ་གྲོས་རྒྱ་མཚོས་ཞི་རྒོལ་གནང་བར་ལོ་༡༨ དང་བཟའ་ཟླ་དགའ་སྐྱིད་ཀྱིས་བརྙན་ཐུང་བླངས་པར་ལོ་༢ ཀྱི་ཁྲིམས་ཐག་བཅད་འདུག  

འདི་ག་ལྟེ་གནས་ཁང་གི་ངོས་ནས་རྒྱ་གཞུང་གིས་བོད་ས་བཅད་བཟུང་ལྟར་བྱས་ན། ཁམས་ནག་ཆུ་ས་ཁུལ་གྱི་སོག་རྫོང་ནས་ཡིན་པའི་ཆབ་སྲིད་བཙོན་ཟུར་སོག་མཁར་བློ་གྲོས་དང་ཁོང་གི་བཟའ་ཟླ་དགའ་གཉིས་ས་གནས་གང་དུ་བཀག་ཉར་གཙོན་འཇུག་དང་། གནས་སྟངས་ཅི་འདྲ་ཡིན་པ། ལྷག་པར་དུ་རྒྱ་གཞུང་གིས་ཁོང་གཉིས་ལ་མི་ལོ་༡༨ དང་མི་ལོ་༢ བཅས་ཀྱི་གསང་བའི་ཁྲིམས་ཐག་བཅད་པར་སེམས་ཁྲལ་བྱེད་བཞིན་ཡོད། འདི་ག་ལྟེ་གནས་ཁང་ལ་གནས་ཚུལ་འབྱོར་གསལ་ལྟར་ན། ཕྱི་ལོ་༢༠༡༨ ལོར་ད་ལྟ་རང་ལོ་༥༧ ཡིན་པའི་བློ་གྲོས་རྒྱ་མཚོ་དང་བཟའ་ཟླ་དགའ་སྐྱིད་གཉིས་ལ་གསང་བའི་ཐོག་ནས་ཁྲིམས་ཆད་བཅད་ཡོད་པ་དང་། དེ་ཡང་བློ་གྲོས་རྒྱ་མཚོས་ཕོ་བྲང་པོ་ཏ་ལའི་མདུན་དུ་དམར་ཤོག་སྲིད་གཞུང་ལ་ཁེར་རྐྱང་ཞི་རྒོལ་གནང་སྐབས། རྒྱ་གཞུང་གིས་ཁོང་གང་བྱུང་བཀར་ཉར་བྱས་ཡོད། འདི་ག་ལྟེ་གནས་ཁང་གི་ཐེངས་སྔོན་མའི་གནས་ཚུལ་ནང་དུ། ཕྱི་ལོ་༢༠༡༨ ཟླ་༡ …

Leave a Reply

Your email address will not be published. Required fields are marked *