Monday , August 26 2019
Home / གསར་འགྱུར། / རྒྱ་གཞུང་གིས་བོད་མིའི་སྟེང་དྲག་གནོན་བྱས་སྐོར་མིག་མཐོང་ལག་སོན་བྱུང་མཁན་བོད་མི་ཞིག་བཙོན་འཇུག་ཁྲིམས་ཆད་ལོ་༥ཚང་ནས་གློད་གྲོལ་བྱུང་འདུག

རྒྱ་གཞུང་གིས་བོད་མིའི་སྟེང་དྲག་གནོན་བྱས་སྐོར་མིག་མཐོང་ལག་སོན་བྱུང་མཁན་བོད་མི་ཞིག་བཙོན་འཇུག་ཁྲིམས་ཆད་ལོ་༥ཚང་ནས་གློད་གྲོལ་བྱུང་འདུག

ཤེར་འཕེལ་དང་བསམ་གྲུབ་གཉིས་ཀས་༸སྐུ་མདུན་གྱི་སྐུ་པར་མདུན་ནས་པར་སྒྲོན་པ།

ཕྱི་ལོ་༢༠༡༦ཟླ་༡༡ཚེས་༢༥ཉིན། རྒྱ་ནག་དབང་སྒྱུར་གྲལ་རིམ་གྱི་བོད་ས་བཅད་བགོས་ལྟར་ན། ད་ལྟའི་དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་། ཞོ་མར་ཡུལ་ཚོ། ཨོན་ཟ་སྡེ་བ་ནས་ཡིན་པའི་བོད་མི་ཤེར་འཕེལ་ལགས་རྒྱའི་བཙོན་ཁང་ནས་ལོ་བཞི་དང་ཟླ་ངོ་༡༠བཙོན་འཇུག་གིས་ཉེ་འཆར་གློད་གྲོལ་གྱི་ཚུར་ཁྱིམ་དུ་འབྱོར་འདུག་ཅིང་།  ཕ་ཡུལ་གྱི་ཡུལ་མི་དང་ནང་མིས་ཁོང་ལ་ཁ་བཏགས་སྒྲོན་ནས་སྣེ་ལེན་བྱས་ཤིང་། སྣེ་ལེན་པའི་གྲས་སུ་སྔར་ལོའི་ཕྱི་ཟླ་༨ནང་གློད་གྲོལ་བྱུང་བའི་བོད་མི་ཆབ་སྲིད་བཙོན་ཟུར་བསམ་གྲུབ་ཀྱང་འདུག
ཤེར་འཕེལ་ལགས་ནི་དེ་སྔ་ཕྱི་ལོ་༢༠༡༢ཟླ་༡ཚེས་༢༣དང་༢༤བཅས་བསྟུད་མར་ཉིན་གཉིས་ལ།  གསེར་རྟ་དང་བྲག་མགོ་རྫོང་ཐོག་ནས། བོད་མི་༣༠༠ལྷག་གིས་རྒྱ་གཞུང་ལ་གཞི་རྒྱ་ཆེ་བའི་ངོ་རྒོལ་དང་བསྟུན། གོང་ས་མཆོག་ཁྲི་ལོར་བརྟན་པོར་ཤོག བོད་ལ་རང་དབང་དགོས་སོགས་སྐད་འབོད་རྒྱབ་པ་ལ་བརྟེན་ནས། ཉེན་རྟོག་པས་བོད་མི་ཞི་རྒོལ་བའི་སྟེང་མེ་མདའ་རྒྱབ་ནས་དྲག་གནོན་དང་རྡུང་རྡེག་བྱས་པ་མ་ཟད། གང་བྱུང་འཇུ་བཟུང་བཙན་འཁྲིད་བྱས་པའི་གྲས་ཀྱི་གཅིག་ཡིན་འདུག་ཀྱང་།  ད་དུང་ཡང་ཁོང་ལ་ནག་ཉེས་ཅི་ཞིག་བཙུགས་ཡོད་མེད་ཀྱི་གནས་ཚུལ་གསལ་ཁ་བྱུང་མེད།

དི་ག་ལྟེ་གནས་ཁང་གིས་དེ་སྔ་གནས་ཚུལ་བཏོན་པ་ལྟར་ན། གསེར་རྟ་དང་བྲག་མགོ་རྫོང་གི་བོད་མི་ཞི་རྒོལ་བའི་སྟེང་དྲག་མཚོན་བེད་སྤྱོད་བྱས་པ་བརྒྱུད། བོད་མི་གཉིས་ཙམ་རྐྱེན་ཤི་ཐེབས་པ་དང་། བོད་མི་༡༠་་རྨས་སྐྱོན་འཚབ་ཆེན་བཟོས་ཡོད་འདུག་པ་གསལ་ཞིང་། ཡང་ས་ཁུལ་དེ་གཉིས་ནས་བོད་མི་གང་མང་འཇུ་བཟུང་བཙན་འཁྲིད་བྱས་ཁྲོད་དུ། བྲག་མགོ་རྫོང་མི་དམངས་ཁྲིམས་ཁང་གིས་སྐབས་དེར་འཇུ་བཟུང་བྱས་པའི་བོད་མི་༧ལ།   སྤྱི་ཚོགས་བདེ་འཇགས་ལ་འཁྲུག་རྐྱེན་སློང་བ་དང་། སྤྱི་བའི་ཅ་ལོག་གཏོར་བཅོམས་གཏོང་བའི་ཉེས་འཛུགས་འོག ཁྲིམས་ཆད་ལོ་༡༠ནས་༡༣་བཅས་འདྲ་བ་བཅད་ནས་བཙོན་འཇུག་བྱས་ཡོད་འདུག་ལ། ཡང་གསེར་རྟ་མི་དམངས་ཁྲིམས་ཁང་ཞེས་པས་གསེར་ལྟའི་བོད་མི་༤ལ།  རྒྱལ་ཁབ་ཀྱི་བྱ་བཞག་ལ་བར་ཆད་བཟོས་པ་ཞེས་པའི་ཉེས་འཛུགས་འོག ཁྲིམས་ཆད་ལོ་༣ནས་༧བར་བཅད་ཡོད་འདུག

རྒྱ་གཞུང་གི་ལྟ་རྟོག་དོ་ནན་གྱི་དབང་གིས། ཤེར་འཕེལ་ལགས་ཀྱི་ད་ལྟའི་གཟུགས་གཞིའི་གནས་བབ་སོགས་ཞིབ་ཆའི་གནས་ཚུལ་ཤེས་རྟོགས་མ་བྱུང་བར་ལྷག་ཡོད།

Check Also

རྒྱ་གཞུང་གིས་གར་སོང་ཆ་མེད་བཟོས་པའི་པཎ་ཆེན་ཆུང་སྲིད་རིན་པོ་ཆེ་གློད་གྲོལ་གཏོང་དགོས་པའི་འབོད་སྐུལ་སྣང་མེད་བཏང་སྟེ་རྒྱ་ནག་གི་པཎ་ཆེན་རྒྱལ་མཚན་ནོར་བུ་བོད་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་འདུག

༸གོང་ས་སྐྱབས་མགོན་ཆེན་པོ་མཆོག་གིས་ངོས་འཛིན་ཐུགས་ཐག་བཅད་བའི་༸ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་རྩིས་མེད་བཙོན་འཇུག་བྱས་ཏེ། རྒྱ་ནག་དམར་ཤོག་སྲིད་གཞུང་གི་པཎ་ཆེན་རྒྱལ་མཚན་ནོར་བུ་ཀྲུང་གོ་ནང་བསྟན་མཐུན་ཚོགས་ཀྱི་ཡན་ལག་བོད་རང་སྐྱོང་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་ཡོད་པ་རེད། འདི་ལོའི་ཕྱི་ཟླ་༦ ཚེས་༢༢ ཉིན་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ཝུ་ཡང་ཅེ་(Wu Yingjie)གསར་དུ་བསྐོ་བཞག་བྱས་པའི་ཚོགས་མི་ཚོར་ཐུག་འཕྲད་བྱས་ཡོད་པ་དང་། བོད་ལྗོངས་ནང་བསྟན་མཐུན་ཚོགས་ནི་ཀྲུང་གོ་ནང་བསྟན་མཐུན་ཚོགས་ཀྱི་སྟངས་འཛིན་འོག་ཏུ་ཡོད་པའི་ཡན་ལག་མཐུན་ཚོགས་ཡིན་པ་རེད། ཚོགས་མི་གསར་བར་གཏམ་བཤད་སྐབས་སུ། ཝུ་ཡང་ཅེས། རྒྱ་གཞུང་གི་ཆོས་ལུགས་སྲིད་ཇུས་ཀྱི་གལ་གནད་ཁག་གསལ་འདོན་བྱས་ཏེ། “ཏང་གི་རྗེས་སུ་འབྲང་བ་དང་། རྒྱལ་གཅེས་རིང་ལུགས་ཀྱི་བརྩེ་སེམས་ཟབ་ཏུ་གཏོང་བ། དར་ཆ་གསལ་སྟོན་ངང་ཁ་བྲལ་ལ་ངོ་རྒོལ་བྱེད་དགོས་པ་དང་མངའ་ཁོངས་ཕྱི་རོལ་གྱིས་ཆོས་ལུགས་བེད་སྤྱད་དེ་སིམ་འཛུལ་བྱ་བར་འགོག་རྒོལ་མཐའ་གཅིག་ཏུ་བྱེད་དགོས་པ། ཆོས་ལུགས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བར་ཁྲིད་སྟོན་ཧུར་ཐག་བྱེད་དགོས”ལུགས་བཤད་འདུག ལྷ་མེད་སྨྲ་བ་དམར་ཤོག་སྲིད་གཞུང་གིས་དུས་ཡུན་རིང་བོར་ཆོས་ལུགས་ལ་གཞི་རྒྱ་ཆེ་བའི་སྟངས་འཛིན་དང་དོ་དམ་ཤུགས་ཆེན་བྱས་པ་དང་། …