Friday , September 20 2019
Home / གསར་འགྱུར། / དུས་དབང་བཀག་སྡོམ་སྐབས་སུ་བོད་མི་ན་གཞོན་ཞིག་གིས་ཁེར་རྐྱང་ངོ་རྒོལ་གནང་བར་བརྟེན་ནས་འཇུ་བཟུང་བཙོན་འཇུག་བྱས་འདུག

དུས་དབང་བཀག་སྡོམ་སྐབས་སུ་བོད་མི་ན་གཞོན་ཞིག་གིས་ཁེར་རྐྱང་ངོ་རྒོལ་གནང་བར་བརྟེན་ནས་འཇུ་བཟུང་བཙོན་འཇུག་བྱས་འདུག

ཕྱི་ལོ་༢༠༡༧ཟླ་༡ ཚེས་༥ཉིན། བོད་མི་ན་གཞོན་བསོད་ནམས་བཀྲ་ཤིས་ཞེས་པ་ཞིག་གིས་གསེར་རྟའི་ཁྲོམ་གཞུང་དུ་བོད་ལ་རང་དབང་དགོས། ༸གོང་ས་མཆོག་ཁྲི་ལོར་བརྟན་པར་ཤོག་ཅེས་ཁེར་རྐྱང་ངོ་རྒོལ་གནང་འདུག

བསོད་ནམས་བཀྲ་ཤིས།

ཕྱི་ཟླ་༡ཚེས་༣ནས་༡༤བར། ༸གོང་ས་མཆོག་གིས་རྒྱ་གར་རྡོ་རྗེ་གདན་དུ་དུས་འཁོར་དབང་ཆེན་ཐེངས་༣༤དེ་ཉིད་གནང་བཞིན་པའི་ཁ་ཐུག་དེར། རྒྱ་གཞུང་གིས་བོད་ཁུལ་ཡོངས་ལ་ལྟ་རྟོག་དོ་ནན་དང་། བོད་མིའི་འགྲོ་བསྐྱོད་ལ་དམ་དྲག་ཤུགས་ཆེར་བྱས་ནས།  རྒྱ་གར་དང་བལ་ཡུལ་དུ་སླེབས་ཟིན་པའི་བོད་མི་རྣམས་ཕར་བོད་དུ་ལོག་དགོས་པའི་འབོད་འགུགས་དང་། ལོག་མ་ཡོང་ཚེ་ཉེས་ཆད་གཅོད་རབས་ཀྱི་ཉེན་བརྡ་ཡང་ཡང་སྤྲད་པ་བརྒྱུད། བོད་མི་ཆོས་ཞུ་བ་གང་མང་ཞིག་ཕར་བོད་དུ་ལོག་དགོས་འཁེལ་ཡོད།

ཡང་དེ་དུས་ཏག་ཏག་ལ།  བོད་མི་བསོད་ནམས་བཀྲ་ཤིས་ཞེས་པ་ཞིག་གིས། གཏེར་རྟ་རྫོང་ཐོག་གི་ཁྲོམ་གཞུང་དུ་ཁེར་རྐྱང་ངོ་རྒོལ་གནང་འདུག་ལ། ཁོང་གཅིག་པུས་རླུང་རྟ་གཏོར་ཞོར། ༸རྒྱལ་བ་རིན་པོ་ཆེ་ཁྲི་ལོར་བརྟན་པོར་ཤོག བོད་ལ་རང་དབང་དགོས་ཞེས་སྐད་འབོད་བྱས་ནས་ཅུང་མ་འགོར་བར། ས་གནས་ཉེན་རྟོག་པ་གློ་བུར་ཐོན་ནས་ཁོང་འཇུ་བཟུང་བཙན་འཁྲིད་བྱས་འདུག དེ་ནས་ད་ལྟའི་བར་ཁོང་གི་ནང་མིའི་ངོས་ནས། ཁོང་ཉིད་གང་དུ་འཇུ་བཟུང་བཀག་ཉར་བྱེད་ཡོད་མེད་དང་། ཉེས་འཛུགས་ག་རེ་བྱེད་ཡོད་མེད། འཕྲོད་བསྟེན་གནས་སྟངས་ག་རེ་ཡིན་མིན་སོགས་གང་ཡང་ཤེས་རྟོགས་མ་བྱུང་བར་ལྷག་འདུག  ཡང་གནས་ཚུལ་རྒྲུས་ལོན་བྱས་པ་ལྟར། ཕྱི་ལོ་ལོ་གསར་ནས་བཟུང་། གསེར་རྟ་རྫོང་ཐོག་ཏུ་ཉེན་རྟོག་པ་སྔར་ལས་མང་བ་འགྲེམས་འཇོག་གིས། བོད་མིའི་འགྲོ་འདུག་སྤྲོད་གསུམ་ལ་ལྟ་རྟོག་ནན་པོ་དང་དམ་དྲག་བྱས་པ་མ་ཟད། སྐབས་དེར་སྐད་འཕྲིན་གཙོས་པའི་རྒྱུད་ལམ་ཁག་ཚང་མ་བཀོག་སྡོམ་བྱས་ཡོད་འདུག
རྒྱ་ནག་དབང་སྒྱུར་གྲལ་རིམ་གྱི་བོད་ས་བཅད་བགོས་ལྟར་ན། བསོད་ནམས་བཀྲ་ཤིས་ནི་ཟི་ཁྲོན་ཞིང་ཆེན་དཀར་མཛེས་ཁུལ་གསེར་རྟ་རྫོང་གི་གསེར་ཁོག་ཡུལ་ཚོ། ཤོས་ཐལ་སྡེ་བ་ནས་རེད་འདུག

Check Also

རྒྱ་གཞུང་གིས་ཆབ་སྲིད་ཀྱི་མནར་གཅོད་མཚམས་བཞག་སྟེ་གར་སོང་ཆ་མེད་བཟོས་པའི་དགེ་འདུན་པ་ཚོའི་དངོས་ཡོད་གནས་ཚུལ་གསལ་བཤད་བྱེད་དགོས།

འདི་ག་ལྟེ་གནས་ཁང་གི་ངོས་ནས། རྒྱ་གཞུང་གིས་ཟི་ཁྲོན་ཞིང་ཆེན་རྔ་བ་བོད་རིགས་ཆང་རིགས་རང་སྐྱོང་ཁུལ་གྱི་དགེ་འདུན་པ་གསུམ་གང་བྱུང་བཀག་ཉར་བྱས་པ་དང་བཙན་གྱིས་གར་སོང་ཆ་མེད་བཟོས་པ། དྲང་བདེན་མ་ཡིན་པའི་ཁྲིམས་ཐག་བཅད་པའི་གནས་ཚུལ་ངེས་པར་དུ་གསལ་བཤད་བྱེད་དགོས་པའི་ཛ་དྲག་གི་འབོད་སྐུལ་ཞུ་བཞིན་ཡོད་ལ། འདི་ག་ལྟེ་གནས་ཁང་གིས། རྒྱ་གཞུང་ནས་ཆོས་དད་དང་ཆབ་སྲིད་ཀྱི་ཉེས་འཛུགས་འོག་ཏུ་དགེ་འདུན་པ་དེ་དག་ལ་སྡུག་སྦྱོང་མནར་གཅོད་བཏང་བ་དང་། གང་བྱུང་བཀག་བསྐྱིལ་བཙོན་འཇུག་བྱས་པ་དེ་ནི། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་གཞི་དང་རྩ་འཛིན་ཁག་རྩིས་མེད་རྡོག་རོལ་བཏང་བར་ཡིད་ཆེས་བྱེད་ཀྱིན་ཡོད། འཛམ་གླིང་མཉམ་འབྲེལ་རྒྱལ་ཚོགས་ཀྱི་ཆིངས་གནས་རྒྱལ་ཁབ་ཡིན་པའི་ཆ་ནས། རྒྱ་ནག་དམར་ཤོག་སྲིད་གཞུང་ལ་རྒྱལ་སྤྱིའི་ཁྲིམས་གཞི་རྩ་འཛིན་དེ་དག་ལ་བརྩི་འཇོག་དང་སྲུང་སྐྱོབ། ལག་བསྟར་བྱེད་པའི་འགན་ཡོད། འདི་ལོའི་ཕྱི་ཟླ་༧ ཚེས་༣༠ ཉིན་རང་ལོ་༣༧ ཡིན་པའི་དགེ་འདུན་པ་བློ་བཟང་ཐབས་མཁས་ལ་མི་ལོ་༤ ཡི་དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པ་དང་། …