Monday , August 26 2019
Home / གསར་འགྱུར། / རྩོམ་པ་པོ་ཀུན་དགའ་ཚངས་དབྱངས་ལཊ་བཙོན་གྲོལ་བཏང་འདུག

རྩོམ་པ་པོ་ཀུན་དགའ་ཚངས་དབྱངས་ལཊ་བཙོན་གྲོལ་བཏང་འདུག

མི་ལོ་ལྔའི་ཁྲིམས་ཐག་བཅད་ཟིན་པའི་པར་རྒྱག་སྒྱུ་རྩལ་པ་དང་དྲ་གནས་རྩོམ་པ་པོ་གངས་ཉིའམ་མགོ་ལོག་ཀུན་དགའ་ཚངས་དབྱངས་ལགས། ༢༠༡༤ ཟླ་༡ ཚེས་༡༢ ཉིན་ལན་གྲུ་གྲོང་ཁྱེར་གྱི་བཙོན་ཁང་ནས་མི་ལོ་ལྔའི་བཙོན་དུས་རྫོགས་ཏེ་ཉིན་དེའི་ཞོགས་པར་བཙོན་བཀྲོལ་བཏང་ཡོད་འདུག

རྩོམ་པ་པོ་གངས་ཉིའམ་མགོ་ལོག་ཀུན་དགའ་ཚངས་དབྱངས་ལགས།
རྩོམ་པ་པོ་གངས་ཉིའམ་མགོ་ལོག་ཀུན་དགའ་ཚངས་དབྱངས་ལགས།

དེ་ཡང་རྩོམ་པ་པོ་གངས་ཉིའམ་མགོ་ལོག་ཀུན་དགའ་ཚངས་དབྱངས་ལགས། སྤྱི་ལོ ༢༠༠༩ ལོ་ཟླ་ ༣ ཚེས༡༣ ཉིན་ཀན་ལྷོ་ཁུལ་གྱི་བདེ་འཇག་མི་སྣས་གློ་བུར་དུ་མཚན་མོའི་ཆུ་ཚོད་༡༢ སྟེང་འཇུ་བཟུང་བཙན་ཁྲིད་བྱས་ནས་ཟླ་བདུན་ཙམ་གྱི་རིང་གར་སོང་ཆ་མེད་ཏུ་གྱུར་རྗེས། དེའི་ལོའི་ཟླ་༡༡ ཚེས་༡༥ཉིན་ཀན་ལྷོ་ཁུལ་གྱི་འབྲིང་རིམ་མི་དམངས་ཁྲིམས་ཁང་ནས་ཁོང་ལ་རྒྱལ་ཁབ་ཀྱི་གསང་བ་ཕྱིར་བསྒྲགས་དང་ (ལྷ་ས་སྔར་བཞིན་ལྷ་ས་མ་ཡིན་)ཞེས་པའི་རྩོམ་ཡིག་བྲིས་པ་སོགས་ཀྱིས་མེས་རྒྱལ་ཁ་བྲལ་བཏང་བའི་ཉེས་མིང་བཀལ་ནས་ལོ་ལྔའི་དུས་བཀག་བཙོན་འཇུག་གི་ཁྲིམས་ཐག་བཅད་ནས་ལན་ཀྲོའུ་གྲོང་ཁྱེར་བྱེ་ཐང་ཆེན་མོ་ཟེར་བའི་བཙོན་ཁང་དུ་(大少平)བཙོན་འཇུག་བྱས་ཡོད་འདུག

ཁོང་གིས་བྲིས་པའི་རྩོམ་ཡིག་《ང་ཚོའི་སྲིད་གཞུང་གང་དུ་ཡོད།》ཅེས་པ་དང། 《ལྷ་ས་སྔར་བཞིན་ལྷ་ས་མ་ཡིན།》 《ང་ཚོའི་ལྷིང་འཇགས་དཀྲོགས་མཁན་དེ་སུ་རེད།》 ཅེས་པ་སོགས་ལ་ནག་ཉེས་བཀལ་ནས། འདྲི་གཅོད་ནན་པོ་བྱས་ཡོད་འདུག ཁྲིམས་རྩོད་པས་《ལྷ་ས་སྔར་བཞིན་ལྷ་ས་མ་ཡིན།》ཞེས་པའི་དོན་ག་རེ་ཡིན་མིན་སྐོར་དྲིས་སྐབས། ཀུན་དགའ་ཚངས་དབྱངས་ཀྱིས། ཁྱོད་ཚོས་མེ་འཁོར་ལྕགས་ལམ་དང་ཁང་པ་སོགས་འཛུགས་བསྐྲུན་བྱས་པ་བདེན་པ་ཡིན་ཡང། དོན་དངོས་ཐོག་ལྷ་ས་ནི་བོད་མི་རྣམས་ཀྱི་སྙིང་གི་ནོར་བུ་ལྟ་བུ་ཡིན་པས། དེང་སྐབས་ལྷ་སར་མཚོན་ན་ཆོས་སྲིད་གཉིས་ཀྱི་ཐོག་ནས་ཉམས་གུད་ཆེན་པོ་བཏང་བར་བརྗོད་ཀྱི་ཡོད་ཅེས་ལན་བཏབ་ཡོད་འདུག 《ང་ཚོའི་སྲིད་གཞུང་གང་དུ་ཡོད།》 ཅེས་པའི་སྐོར་དྲིས་པར། ཁོང་གིས། ཀྲུང་དབྱང་གིས་རྩ་འཛིན་ཡིག་ཆ་གང་མང་ཞིག་གཏན་འབེབས་བྱས་ཡོད་ཀྱང། རང་སྐྱོང་ས་ཁུལ་ལ་མཚོན་ན་ཡིག་ཆ་དེ་དག་ལག་ལེན་རྩ་བ་ནས་བསྟར་གྱི་མི་འདུག་ཅེས་བརྗོད་སྐབས་ཁོང་གི་སྐད་ཆའི་འཕྲོ་བཅད་ཡོད་འདུག

ཁོང་ནི་གཞོན་སྐྱེས་བོད་ཀྱི་རྩོམ་པ་པོ་ཞིག་དང་པར་རྒྱག་མཁན་གྱི་སྒྱུ་རྩལ་པ་ཞིག་ཀྱང་ཡིན་པ་མ་ཟད་། དེ་སྔོན༼གཉན་པོ་གཡུ་རྩེའི་སྐྱེ་ཁམས་ཁོར་ཡུག་སྲུང་སྐྱོབ་ཚོགས་པ༽ཞེས་བའི་ནང་ཕྱག་ལས་གནང་ཡོད་པ་དང་། ཁོང་གི་པར་རིས་སྒྱུ་རྩལ་ལ་བོད་ཁམས་ན་དགའ་མོས་བྱེད་མཁན་མང་པ་དང་། ཁོང་མདོ་སྨད་མགོ་ལོག་གཅིག་སྒྲིལ་རྫོང་ལུང་དཀར་དགོན་ནས་ཡིན་ལ་སྐབས་དེར་མདོ་སྨད་བླ་བྲང་བཀྲ་ཤིས་འཁྱིལ་ན་སློབ་གཉེར་གནང་བཞིན་ཡོད་འདུག
ཀུན་དགའ་ཚངས་དབྱངས་ལཊ་ཉེ་ཆར་༢༠༡༤ ཟླ་༡ ཚེས་༡༢ སྔ་དྲོ་ཆུ་ཚོད་༨། ༣༠ ཐོག་མི་ལོ་ལྔའི་བཙོན་དུས་རྫོགས་ཏེ་བཙོན་གྲོལ་ཐོབ་ནས་བླ་བྲང་དགོན་པར་ཕེབས་པ་དང་ཚེས་༡༤ ཉིན་ཁོང་གི་ཕ་ཡུལ་གྱི་དགོན་སྡེ་སོ་སོ་དང་མང་ཚོགས་མང་པོས་བསུ་བ་རྒྱ་ཆེན་བྱས་ནས་རང་ཡུལ་དུ་བདེ་འབྱོར་བྱུང་ཡོད།

Check Also

རྒྱ་གཞུང་གིས་གར་སོང་ཆ་མེད་བཟོས་པའི་པཎ་ཆེན་ཆུང་སྲིད་རིན་པོ་ཆེ་གློད་གྲོལ་གཏོང་དགོས་པའི་འབོད་སྐུལ་སྣང་མེད་བཏང་སྟེ་རྒྱ་ནག་གི་པཎ་ཆེན་རྒྱལ་མཚན་ནོར་བུ་བོད་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་འདུག

༸གོང་ས་སྐྱབས་མགོན་ཆེན་པོ་མཆོག་གིས་ངོས་འཛིན་ཐུགས་ཐག་བཅད་བའི་༸ཀུན་གཟིགས་པཎ་ཆེན་ཆུང་སྲིད་རིན་པོ་ཆེ་རྩིས་མེད་བཙོན་འཇུག་བྱས་ཏེ། རྒྱ་ནག་དམར་ཤོག་སྲིད་གཞུང་གི་པཎ་ཆེན་རྒྱལ་མཚན་ནོར་བུ་ཀྲུང་གོ་ནང་བསྟན་མཐུན་ཚོགས་ཀྱི་ཡན་ལག་བོད་རང་སྐྱོང་ལྗོངས་ནང་བསྟན་མཐུན་ཚོགས་ཀྱི་ཚོགས་གཙོར་བསྐོས་ཡོད་པ་རེད། འདི་ལོའི་ཕྱི་ཟླ་༦ ཚེས་༢༢ ཉིན་བོད་རང་སྐྱོང་ལྗོངས་དམར་ཤོག་ཚོགས་པའི་དྲུང་ཆེ་ཝུ་ཡང་ཅེ་(Wu Yingjie)གསར་དུ་བསྐོ་བཞག་བྱས་པའི་ཚོགས་མི་ཚོར་ཐུག་འཕྲད་བྱས་ཡོད་པ་དང་། བོད་ལྗོངས་ནང་བསྟན་མཐུན་ཚོགས་ནི་ཀྲུང་གོ་ནང་བསྟན་མཐུན་ཚོགས་ཀྱི་སྟངས་འཛིན་འོག་ཏུ་ཡོད་པའི་ཡན་ལག་མཐུན་ཚོགས་ཡིན་པ་རེད། ཚོགས་མི་གསར་བར་གཏམ་བཤད་སྐབས་སུ། ཝུ་ཡང་ཅེས། རྒྱ་གཞུང་གི་ཆོས་ལུགས་སྲིད་ཇུས་ཀྱི་གལ་གནད་ཁག་གསལ་འདོན་བྱས་ཏེ། “ཏང་གི་རྗེས་སུ་འབྲང་བ་དང་། རྒྱལ་གཅེས་རིང་ལུགས་ཀྱི་བརྩེ་སེམས་ཟབ་ཏུ་གཏོང་བ། དར་ཆ་གསལ་སྟོན་ངང་ཁ་བྲལ་ལ་ངོ་རྒོལ་བྱེད་དགོས་པ་དང་མངའ་ཁོངས་ཕྱི་རོལ་གྱིས་ཆོས་ལུགས་བེད་སྤྱད་དེ་སིམ་འཛུལ་བྱ་བར་འགོག་རྒོལ་མཐའ་གཅིག་ཏུ་བྱེད་དགོས་པ། ཆོས་ལུགས་སྤྱི་ཚོགས་རིང་ལུགས་ཀྱི་སྤྱི་ཚོགས་དང་འཚམ་མཐུན་ཡོང་བར་ཁྲིད་སྟོན་ཧུར་ཐག་བྱེད་དགོས”ལུགས་བཤད་འདུག ལྷ་མེད་སྨྲ་བ་དམར་ཤོག་སྲིད་གཞུང་གིས་དུས་ཡུན་རིང་བོར་ཆོས་ལུགས་ལ་གཞི་རྒྱ་ཆེ་བའི་སྟངས་འཛིན་དང་དོ་དམ་ཤུགས་ཆེན་བྱས་པ་དང་། …