Sunday , September 22 2019
Home / Uncategorized / ནག་ཆུ་སོག་རྫོང་ནས་བོད་མི་ཞིག་གསང་བའི་ཐོག་འཇུ་བཟུང་བྱས་འདུག

ནག་ཆུ་སོག་རྫོང་ནས་བོད་མི་ཞིག་གསང་བའི་ཐོག་འཇུ་བཟུང་བྱས་འདུག

mmexport1384443833688
རྒྱ་གཞུང་གི་གསང་བའི་འཇུ་བཟུང་འོག་གར་སོང་ཆ་མེད་དུ་གྱུར་པའི་བོད་མི་ཐུབ་རྒྱལ་ལགས།

རྒྱ་གཞུང་གིས་གསང་བའི་ཐོག་བོད་མི་མང་པོ་འཇུ་བཟུང་བཙན་ཁྲིད་གར་སོང་ཆ་མེད་དུ་འགྱུར་བཞིན་ཡོད་པ་ལྟར། ཟླ་འདིའི་ཕྱི་ཚེས་ ༡༡ ཉིན་གྱི་མཚན་མོར། རང་ལོ་ ༢༧ ཡིན་པའི་བོད་མི་ཐུབ་བསྟན་རྒྱལ་མཚན་ཟེར་བ་ཞིག་རྒྱ་གཞུང་ཉེན་རྟོག་པས་བཙན་འཁྲིད་ཀྱིས་གར་སོང་ཆ་མེད་དུ་གྱུར་འདུག

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། རྒྱ་གཞུང་གིས་བོད་ས་བཅད་བགོས་ཀྱི་ད་ལྟའི་ས་ཁོངས་ལྟར་བྱས་ན། བོད་རང་སྐྱོང་ལྗོངས་ནག་ཆུ་ས་ཁུལ་སོག་རྫོང་རྒྱལ་ཆེན་ཤང་གྲོང་ཚོ་ལྔ་པ་ནས་ཡིན་ཞིང་། ད་ལྟ་རང་ལོ་ ༢༧ ཡིན་པའི་བོད་མི་ཐུབ་བསྟན་རྒྱལ་མཚན་ནམ་ཐུབ་རྒྱལ་ཟེར་བའི་བོད་མི་ཞིག ཕྱི་ལོ་ ༢༠༡༣ ཟླ་ ༡༡ ཚེས་ ༡༡ ཉིན་སྟེ་གཟའ་ཉི་མའི་མཚོན་མོར་རྒྱ་གཞུང་ཉེན་རྟོག་པས་གསང་བའི་ཐོག་འཇུ་བཟུང་གིས་གར་སོང་ཆ་མེད་དུ་གྱུར་ཡོད་འདུག

ཐུབ་རྒྱལ་ལགས་ནི་ནམ་རྒྱུན་ཚོང་ལས་གཉེར་མཁན་ཞིག་ཡིན་པ་དང་། ཁོང་གི་ཕ་མིང་ལ་བསྟན་འཛིན་རྒྱལ་མཚན་དང་མ་མིང་ལ་ཐུབ་བསྟན་ཆོས་འཛིན་ཟེར་གྱི་ཡོད་འདུག ཁོང་ད་ལྟ་གང་དུ་ཡོད་མེད་དང་འཇུ་བཟུང་བྱ་དགོས་དོན་སོགས་གསལ་བོ་ཤེས་རྟོགས་ཐུབ་ཀྱི་མེད་པ་རེད། ས་གནས་ཡུལ་མིི་རྣམས་ཀྱིས་རྒྱ་གཞུང་གིས་ཁོང་ནི་བོད་མི་ཁ་བྲལ་བར་འབྲེལ་ཡོད་པའི་དོགས་གཞིའི་འོག་འཇུ་བཟུང་བྱས་པ་ཞིག་ཡིན་པར་ཚོད་བགམ་བཞིན་ཡོད་འདུག

Check Also

རྒྱ་གཞུང་གིས་དོགས་ཡོད་བོད་མི་སུམ་བཅུ་ཙམ་གང་བྱུང་བཀག་ཉར་བྱས།

ཟླ་སྔོན་མའི་ཚེས་གཉིས་ཡས་མས་ཤིག་ལ་འབྲི་རུ་རྫོང་ཤག་ཆུ་གྲོང་རྡལ་ས་གནས་མང་ཚོགས་ཀྱིས་ཡུལ་དེའི་གནས་རི་སེབ་ཁྲ་རྫ་རྒན་གྱི་གཏེར་ཁ་སྔོག་འདོན་ལས་གཞིར་ཞི་རྒོལ་གནང་བར་བརྟེན་ནས། རྒྱ་གཞུང་གིས་དོགས་ཡོད་ཡུལ་མི་སུམ་བཅུ་ཙམ་གང་བྱུང་བཀག་ཉར་བྱས་འདུག ཟླ་སྔོན་མའི་ཕྱི་ཚེས་༢ ཡས་མས་ཤིག་ལ་རྒྱ་གཞུང་གིས་ནག་ཆུ་ཁུལ་འབྲི་རུ་རྫོང་ཤག་ཆུ་གྲོང་རྡུལ་གྱི་དམར་སྐོར་གྲོང་ཚོ་དང་ཝ་ཐང་གྲོང་ཚོ། སྒོ་ཆུ་གྲོང་ཚོ་བཅས་ཀྱི་ཡུལ་མི་༣༠ ཙམ་གང་བྱུང་བཀག་ཉར་བྱས་ཡོད་པ་དང་། ཁོ་ཚོ་གང་བྱུང་བཀག་ཉར་བྱེད་དོན་ནི། ཕྱི་ཟླ་༢ པའི་ཟླ་མཇུག་ཙམ་ནས་ས་གནས་སྲིད་གཞུང་གིས་ཡུལ་མི་ཚོར་མོས་མཐུན་ཡོད་མེད་ལ་མ་བལྟས་པར་བཙན་གྱིས་སེབ་ཁྲ་རྫ་རྒན་གྱི་གཏེར་ཁ་སྔོག་འདོན་བྱེད་པའི་ལས་གཞིར་མོས་མཐུན་ཀྱི་མིང་རྟགས་བཀོད་དུ་བཅུག་པ་དང་། སྐབས་དེར་ཤག་ཆུ་གྲོང་རྡལ་དམར་སྐོར་གྲོང་ཚོའི་ལས་བྱེད་ཀརྨ་ཞུ་བ་ཞིག་གིས་གནས་རི་དེ་རྩ་ཆེན་ཞིག་ཡིན་པས། བོད་ལྗོངས་ཏང་ཨུད་དང་སྲིད་གཞུང་གི་དབང་འཛིན་དཔོན་རིགས་བསྟན་འཛིན་རྣམ་རྒྱལ་དང་རག་སྡིས་གཉིས་མོས་མཐུན་ཡོད་པའི་མིང་རྟགས་འཁྱེར་ཡོང་ན་མ་གཏོགས་མོས་མཐུན་བྱ་རྒྱུ་མིན་སྐོར་བརྗོད་པར་བརྟེན། ས་གནས་ཉེན་རྟོག་པས་ཁོང་གང་བྱུང་འཛིན་བཟུང་བཀག་ཉར་བྱས་པའི་གནས་ཚུལ་དེ་ཕྱིའི་གསར་འགྱུར་བརྒྱུད་ལམ་ཁག་ཏུ་ཐོན་པ་དང་འབྲེལ་ཏེ། ས་གནས་སྲིད་གཞུང་གིས་ཛ་དྲག་གི་ཚོགས་འདུ་བསྡུས་ནས་དོགས་ཡོད་ཡུལ་མི་ཚོ་བཙན་གྱིས་འབོད་འགུག་གིས་གང་བྱུང་བཀག་ཉར་བྱས་པ་ཞིག་རེད།   རྒྱ་ནག་ས་གནས་སྲིད་གཞུང་གིས་གང་བྱུང་བཀག་ཉར་བྱས་ཡོད་པའི་ཡུལ་མིའི་གྲས་སུ་ད་ལྟ་རང་ལོ་༣༦ ཡིན་པའི་འབྲི་རུ་རྫོང་ཤག་ཆུ་གྲོང་རྡལ་གྱི་ལས་བྱེད་མཁྱེན་རབ་དང་། …