Wednesday , July 26 2017
  • བོད་ས་ཡོངས་བཙོན་ཁང་ཆེན་པོ་ཞིག་ཏུ་གྱུར་ཡོད།

    འདི་ག་ལྟེ་གནས་ཁང་གི་༢༠༡༦ལོའི་བོད་ནང་གི་འགྲོ་བ་མིའི་ཐོབ་ཐང་གི་གནས་སྟངས་ཐད་ཀྱི་ལོ་འཁོར་སྙན་ཐོ།    རྒྱ་གཞུང་གིས་བོད་མིའི་གཞི་རྩའི་ཐོབ་ཐང་དང་། རང་དབང་ཁག་མུ་མཐུད་ཁྲིམས་འགལ་དང་ནག་ཉེས་སུ་བརྩིས་ནས་བོད་མི་གང་བྱུང་འཇུ་བཟུང་བཀག་ཉར་དང་། གར་སོང་ཆ་མེད། མནར་གཅོད་ཀྱིས་མཚོན་པའི་བོད་མིའི་ཁོར་ཡུག་གཏོར་སྐྱོན་དང་།  ཐུན་མོང་ལ་ཉེས་འགེལ་གྱི་གནས་ཚུལ་བསྟུད་མར་བྱུང་བསྡད་ཡོད་པར་མ་ཟད། སྔར་ཡོད་ཀྱི་ཁྲིམས་སྒྲིག་ལ་བསྐྱར་བཅོས་ཀྱིས་གསར་དུ་སྒྲིག་སྲོལ་གང་མང་བཟོས་ཤིང་། འཆར་གཞི་ལྡན་པའི་སྒོ་ནས་བོད་མིའི་གཞི་རྩའི་ཐོབ་ཐང་ཁག་རྩིས་མེད་རྡོག་རོལ་གཏོང་མུས་སུ་ཡོད་པ་ཡིན། དེ་ལྟར་བོད་ནང་གི་གནས་སྟངས་ཡ་ང་ཡི་མུག་སྐྱེ་གཞི་ཞིག་ཆགས་ཡོད་ཀྱང་། རྒྱ་གཞུང་གིས་བོད་ཐོག་འཛིན་པའི་སྲིད་ཇུས་ལ་འགྱུར་བ་སྤུ་ཙམ་ཡང་མ་གཏོང་བར། མུ་མཐུད་དྲག་པོའི་དབང་ཚད་སྤྱད་རྐྱང་དང་།  ལྐོག་ནས་སྲིད་གཞུང་གིས་བརྒྱུད་བསྐུལ་དང་འགྲོ་གྲོན་བཏང་ནས་བོད་མིའི་སྟེང་འཚེ་བ་སྤེལ་གྱི་ཡོད་པ་རེད། དེ་ལྟར་༢༠༡༦ལོའི་སྙན་ཐོའི་ནང་དུ་གཙོ་བོ། རྒྱ་གཞུང་གིས་བོད་ནང་གི་བོད་མིའི་བསམ་བློའི་རང་དབང་དང་སྨྲ་བརྗོད་རང་དབང་། སྒེར་གྱི་རང་དབང་ཐོབ་ཐང་། ཆོས་དད་རང་དབང་དང་ཞི་བའི་འདུ་འཛོམས་ཀྱི་རང་དབང་སོགས་ཀྱི་ཐད་ལ་དམ་དྲག་དང་བཀག་སྡོམ་ཤུགས་ཆེར་བྱེད་ཀྱིན་ཡོད་པའི་གནས་ཚུལ་གཙོ་འདོན་དང་། ལྷག་པར་རྒྱ་གཞུང་གི་ཁྲིམས་སྒྲིག་ཁག་ཏུ་གསལ་བའི་ཁེ་དབང་དང་ཐོབ་ཐང་སྲུང་སྐྱོབ་སོགས་བོད་མིར་ཇི་བཞིན་མེད་པར། དེ་བས་རྣམ་བྱ་རྒྱུན་དུ་་བོད་མིའི་བྱ་བྱེད་ཅི་ཞིག་སྤེལ་ཡང་། ཆབ་སྲིད་ཀྱི་ངོ་བོར་ཁ་སྒྱུར་གྱིས་ཁྲིམས་ཆད་ནག་ཉེས་བཙུགས་ཀྱི་ཡོད་པ་ཐེར་འདོན་དང་། ། ཡང་རྒྱ་གཞུང་གིས་ཡར་རྒྱས་འཛུགས་སྐྲུན་ལ་ཁ་གཡར་ཁག་དཀྲི་བྱེད་པའི་སྒོ་ནས་བོད་ཀྱི་རང་བྱུང་གཏེར་ཁ་བསྔོག་འདོན་དང་འོར་འདྲེན། སྐྱེས་ཁམས་ཁོར་ཡུག་གཏོར་བཤིག་དང་འབག་བཙོག་བཟོ་བའི་སྒོ་ནས། བོད་མི་རང་ས་རང་ཡུལ་དུ་འཚོ་ཐབས་ཉམས་ཞན་དང་དབུལ་བོར་གྱུར་ཡོད་ཀྱང་། རྒྱ་གཞུང་གིས་བཤད་བཞིན་པའི་དཔལ་འབྱོར་དར་འཕེལ་གྱི་མཆོངས་བསྐྱོད་ཆེན་པོའི་འོག་ན།  བོད་མི་རྣམས་རྒྱ་གཞུང་གི་སྐྱོབ་གསོ་ལག་དངུལ་ལ་བསྟེན་དགོས་ཐུག་ཡོད་པའི་ཛ་དྲག་གི་གནས་སྟངས་ཤིག་ཆགས་ཡོད་པ་གསལ་འདོན་བྱས་ཡོད། …

    Read More »
  • ༢༠༡༥ ལོའི་བོད་ནང་གི་འགྲོ་བ་ཐོབ་ཐང་གནས་སྟངས་ལོ་འཁོར་སྙན་ཐོ།

  • ཕྱི་ལོའི་ ༢༠༡༣ ལོའི་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་ལོ་འཁོར་སྙན་ཐོ།

  • ལོ་འཁོར་སྙན་ཐོ། – 2012

  • ལོ་འཁོར་སྙན་ཐོ། – 2010