བོད་མི་གནས་སྐྱབས་ཀྱིས་རང་ལུས་མེར་བསྲེགས་ཀྱིས་གྲོངས་འདུག

ཁ་སང་ཞོགས་པར་བོད་མདོ་སྨད་རྔ་བ་རྫོང་ཨ་འདུས་རྒྱ་དས་སྡེ་བའི་བོད་མི་གནས་སྐྱབས་ཀྱིས་རང་ལུས་མེར་བསྲེགས་ཀྱིས། རྒྱ་ནག་དམར་གཞུང་གི་བོད་ལ་བཙན་འཛུལ་གྱིས་མི་སེར་སྤེལ་བའི་དྲག་གནོན་དབང་སྒྱུར་གྱི་སྲིད་ཇུས་ལ་ཞི་བའི་ངོ་རྒོལ་བྱས་ཡོད་འདུག

རང་ལུས་མེར་བསྲེགས་ཀྱིས་འདས་གྲོངས་ཕྱིན་པའི་བོད་མདོ་སྨད་རྔ་བ་ཨ་འདུས་རྒྱ་དས་སྡེ་བའི་བོད་མི་དམ་དཀར་རམ་གནས་སྐྱབས་ལགས།

རང་ལུས་མེར་བསྲེགས་ཀྱིས་འདས་གྲོངས་ཕྱིན་པའི་བོད་མདོ་སྨད་རྔ་བ་ཨ་འདུས་རྒྱ་དས་སྡེ་བའི་བོད་མི་དམ་དཀར་རམ་གནས་སྐྱབས་ལགས།

འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༤ ཚེས་ ༡༦ ཉིན་གྱི་ཞོགས་པ་སྔ་བོ་བོད་མདོ་སྨད་རྔ་བ་རྫོང་ཨ་འདུས་རྒྱ་དས་སྡེ་བའི་རང་ལོ་ ༤༥ ཡིན་པའི་བོད་མི་དམ་དཀར་རམ་གནས་སྐྱབས་ལགས་ཀྱིས། རང་ཉིད་སྡོད་སའི་ཁང་པའི་ར་སྐོར་ནང་དུ་སྐུ་ལུས་མེར་སྲེག་གནང་ནས་འདས་གྲོངས་སུ་གྱུར་ཡོད་ཅིང་། རྗེས་སུ་སྐུ་ཕུང་ཉེན་རྟོག་པས་ཁྱེར་ཡོད་འདུག

ཁོང་གིས་སྐུ་ལུས་མེར་སྲེག་མ་གནང་པའི་སྔོན་ལ་རང་ཉིད་སྡོད་སའི་ར་སྐོར་ནང་དུ། ༧གོང་ས་མཆོག་དང་༧པཎ་ཆེན་རིན་པོ་ཆེ་རྣམ་གཉིས་ཀྱི་སྐུ་པར་དང་། ཁོ་རང་གི་ནང་མིའི་འདྲ་པར་སོགས་སྒྲིག་ཤོམ་བྱས་ཐོག མདུན་དུ་ཡོན་ཆབ་ཕུལ་བ་དང་མེ་ཏོག་སྒྲིག་པ་སོགས་བྱས་རྗེས། དེའི་ཉེ་གཤམ་གྱི་གོམ་པ་ལྔ་ཙམ་གྱི་སར་སྐུ་ལུས་མེར་སྲེག་བཏང་ཡོད་འདུག

ཁོང་གི་མེར་བསྲེགས་ཞི་རྒོལ་གྱི་གནས་ཚུལ་དང་འབྲེལ་ནས། རྒྱ་གཞུང་ཉེན་རྟོག་པས་ཁོང་གི་སྤུན་གནས་གང་དང་། མག་པ་ཚེ་རིང་བསམ་འགྲུབ་གཉིས་ཀྱང་འདྲི་གཅོད་བྱེད་པར་ཁྲིད་ཡོད་འདུག
[Continue reading]

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་བཙོན་འོག་མིི་ལོ་ཧྲིལ་པོ་ ༡༣ འཁོར་བ།

འདི་ག་ལྟེ་གནས་ཁང་གི་ཡོངས་ཁྱབ་གསལ་བསྒྲགས།

 

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ།

སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ།

དེ་རིང་ཕྱི་ཟླ་ ༤་ཚེས་༧ ནི་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་རྒྱ་གཞུང་གིས་བཙོན་འཇུག་བྱས་ཏེ་མི་ལོ་ཧྲིལ་པོ་ ༡༣ ཏག་ཏག་འགྲོ་བཞིན་ཡོད་པ་དང་། བཙོན་ཁང་ནང་སྤྲུལ་སྐུ་ཁོང་ལོ་མང་རིང་མནར་གཅོད་སྡུག་སྦྱོང་བཏར་བར་བརྟེན་ནས། དེ་སྔོན་སྙིང་ལ་ན་ཚ་ལྗིད་པོ་ཕོགས་ཏེ་ས་ལ་ཐེངས་མང་འགྱེལ་མྱོང་ཡོད་པ་དང་། ལུས་པོ་འདར་སིག་གིས་འཁར་བར་བརྟེན་ནས་འགྲོ་བསྐྱོད་བྱ་དགོས་ཐུག་ཡོད་ལ། སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་ཁོང་དགུང་ལོ་ ༦༣ ལ་སོན་ཡོད་པ་དང་། ད་ལྟའི་ཆར་ཡང་ཁོང་གི་སྐུ་གཟུགས་གནས་སྟངས་སྔར་བཞིན་ཧ་ཅང་ཛ་དྲག་ཆགས་ཡོད་པ་རེད།

དེ་བཞིན། སྤྲུལ་སྐུ་ཁོང་ཐོག་མར་འཇུ་བཟུང་བཙོན་འཇུག་བྱས་ནས་ད་ལྟའི་བར། ཁྱོན་བསྡོམས་ཐེངས་ ༧ ལ་མ་གཏོགས་ནང་མི་རྣམས་ལ་ཐུག་འཕྲད་བྱེད་བཅུག་མེད་པ་རེད། ཁོང་ནང་མི་དང་ཐུག་འཕྲད་མཐའ་མ་དེ་ཕྱི་ལོ་ ༢༠༡༣ ཟླ་ ༡༡ པ་ཆགས་ཡོད་ལ། དེ་རྗེས་ནས་ད་ལྟའི་བར་བར་ལོ་གཅིག་དང་ཟླ་བ་ལྔ་ལྷག་ཕྱིན་ཡོད་ཀྱང་། རྒྱ་གཞུང་གིས་ཁོང་ནང་མིར་ཐུག་འཕྲད་གཅིག་ཀྱང་བྱེད་བཅུག་མེད་པ་རེད། རྒྱ་གཞུང་གི་འབྲེལ་ཡོད་ཁྲིམས་ཡིག་ནང་། བཙོན་པའི་ནང་མིས་དུས་བཅད་ལྟར་དོ་བདག་ལ་ཐུག་འཕྲད་བྱེད་པའི་ཐོབ་ཐང་དང་། བཙོན་པར་འཕྲིན་ཡིག་ལམ་ནས་གནས་ཚུལ་ཤེས་རྟོགས་བྱེད་ཆོག་པའི་ཐོབ་ཐང་ཡོད་སྐོར་བཀོད་ཡོད་པ་རེད། ཡིན་ནའང་། སྤྲུལ་སྐུ་ཁོང་ལ་བཙོན་པ་སྤྱི་མཚུངས་ལྟར་ཁྲིམས་མཐུན་གྱི་ཐོབ་ཐང་མ་སྤྲད་པར། དམིགས་བསལ་བཀག་སྡོམ་མནར་གཅོད་གཏོང་བཞིན་པའི་གནས་ཚུལ་འདི་ནི། འཛམ་གླིང་འགྲོ་བ་མིའི་ཡོངས་ཁྱབ་ཐོབ་ཐང་དང་རྒྱ་གཞུང་རང་ཉིད་ཀྱི་ཁྲིམས་ལུགས་དང་རྩ་འགལ་ཆགས་ཡོད།

འདི་ག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་ནས། རྒྱ་གཞུང་ལ་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་སྨན་བཅོས་ཆེད་གང་མྱུར་གློད་གྲོལ་ཡོང་བའི་འབུལ་སྐུལ་ནན་པོ་ཞུ་རྒྱུ་དང་། ཆབས་ཅིག་རྒྱལ་སྤྱིའི་གཞུང་དང་ཚོགས་སྡེ་ཁག་ནས་སྤྲུལ་སྐུ་མཆོག་སྨན་བཅོས་ཆེད་གང་མྱུར་གློད་ཀྲོལ་ཡོང་བའི་རྒྱ་གཞུང་ལ་འབུལ་སྐུལ་ཡོང་བའི་རེ་བ་ནན་པོ་ཞུ་བཞིན་ཡོད། དེ་བཞིན། སྤྲུལ་སྐུ་མཆོག་ལ་བཙོན་པ་སྤྱི་མཚུངས་ལྟར་སོ་སོའི་ནང་མིར་ཐུག་འཕྲད་དང་སྨན་བཅོས་ཀྱི་མཐུན་འགྱུར་གྱི་ཐོབ་ཐང་སྤྲོད་དགོས་པའི་འབོད་སྐུལ་ཞུ་རྒྱུ་ཡིན།

  [Continue reading]

གྲྭ་གསུམ་དང་མི་སྐྱ་གཅིག་འཇུ་བཟུང་བཙན་འཁྲིད་བྱས་འདུག

རྒྱ་གཞུང་གིས་འཇུ་བཟུང་བྱས་ཟིན་པའི་སོག་ཙན་དན་དགོན་པའི་གྲྭ་ཆོས་དཔལ་ཟླ་བ།

རྒྱ་གཞུང་གིས་རྒྱུ་མཚན་ཁ་གསལ་མེད་པའི་སྒོ་ནས། སོག་ཙན་དགོན་པའི་གྲྭ་པ་གསུམ་དང་ས་གནས་མི་སྐྱ་གཅིག་བཅས་འཇུ་བཟུང་བཙན་འཁྲིད་བྱས་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ཟླ་ ༣ ཚེས་ ༢༨ ཉིན་གྱི་མཚན་མོར་སོག་ཙན་དན་དགོན་པའི་གྲྭ་ཆོས་དཔལ་ཟླ་བ་དང་། … [Continue reading]

ཙན་དན་དགོན་པའི་གྲྭ་བློ་བཟང་ཟླ་བ་འཇུ་བཟུང་བཙན་འཁྲིད་བྱས་འདུག

རྒྱ་གཞུང་གིས་འཇུ་བཟུང་བཙན་ཁྲིད་ཀྱིས་གར་སོང་ཆ་མེད་དུ་གྱུར་བའི་སོག་ཙན་དན་དགོན་པའི་གྲྭ་བློ་བཟང་ཟླ་བ་ལགས།

རྒྱ་གཞུང་གིས་མཚན་ལ་སོག་རྫོང་ཙན་དན་དགོན་པའི་གྲྭ་བློ་བཟང་ཟླ་བ་བཙན་ཁྲིད་ཀྱིས་གར་སོང་ཆ་མེད་དུ་གྱུར་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཟླ་ ༣ ཚེས་ ༢༠ … [Continue reading]

གྲྭ་ངག་དབང་རྒྱལ་མཚན་རྒྱ་གཞུང་ཉེན་རྟོག་པས་གློ་བུར་བཙན་ཁྲིད།

རྒྱ་གཞུང་གིས་གློ་བུར་བཙན་འཁྲིད་བྱས་པའི་གྲྭ་ངག་རྒྱལ་མཚན་གྱི་འདྲ་པར།

གྲྭ་ངག་དབང་རྒྱལ་མཚན་རྒྱ་གཞུང་གིས་གློ་བུར་འཇུ་བཟུང་བཙན་འཁྲིད་ཀྱིས་གར་སོང་ཆ་མེད་དུ་གྱུར་ཡོད་སྟབས། ས་གནས་ཡུལ་མིས་བརྩད་གཅོད་སྐབས་ནག་ཆུའི་ཉེན་རྟོག་ཁང་ཞིག་ཏུ་བཀག་ཉར་བྱས་ཡོད་པ་ཤེས་རྟོགས་བྱུང་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། འདི་ལོའི་ཕྱི་ཟླ་ ༢ … [Continue reading]

མི་ལོ་བཅོ་ལྔར་བཙོན་འཇུག་བྱས་པའི་ཆབ་སྲིད་བཙོན་པ་ཞིག་གློད་གྲོལ།

གྲྭ་ངག་དབང་འགྱུར་མེད་ལགས་གློད་གྲོལ་ཐོབ་དུས་ཀྱི་འདྲ་པར།

སོག་ཙན་དན་དགོན་པའི་གྲྭ་ངག་དབང་འགྱུར་མེད་ལགས་མི་ལོ་ ༡༥ བཙོན་འཇུག་དུས་ཡུན་རྫོགས་ཏེ། ཟླ་འདིའི་ཕྱི་ཚེས་ ༢༠ ཉིན་གློད་གྲོལ་ཐོབ་ཡོད་པ་རེད། འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༣ ཚེས་ ༢༠ ཉིན་གྱི་བོད་ནང་གི་ཆུ་ཚོད་ ༡ … [Continue reading]

རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་འཇུ་བཟུང་བྱས་འདུག

རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་ལགས་ཀྱི་འདྲ་པར།

ཟླ་འདིའི་ཕྱི་ཚེས་ ༡༧ ཉིན་བོད་མདོ་སྨད་རྔ་བ་ཀིརྟི་དགོན་པའི་གྲྭ་བློ་བཟང་སྐལ་བཟང་ལགས་ཀྱིས། རྫོང་མཁར་གཞུང་ལམ་སྟེང་ཞི་བའི་སྐད་འབོད་ངོ་རྒོལ་བྱེད་སྐབས། རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་བྱས་ཡོད་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ … [Continue reading]

སོག་ཙན་དན་དགོན་པའི་གྲྭ་པ་བདུན་འཇུ་བཟུང་།

རྒྱ་གཞུང་གིས་འཇུ་བཟུང་བཙན་འཁྲིད་བྱས་པའི་གྲྭ་རྣམ་རྒྱལ་ཚུལ་ཁྲིམས་ལགས།

ཟླ་འདིའི་ཕྱི་ཚེས་ ༡༤ དགོང་མོར་ཁམས་སོག་རྫོང་ཙན་དན་དགོན་པའི་གྲྭ་པ་ ༧ རྒྱ་གཞུང་ཉེན་རྟོག་པས་འཇུ་བཟུང་བཙན་འཁྲིད་བྱས་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ ༣ ཚེས་ ༡༤ དགོང་མོར། … [Continue reading]

གྲྭ་དགེ་འདུན་ཕུན་ཚོགས་ཞི་བའི་ངོ་རྒོལ་བྱེད་སྐབས་འཇུ་བཟུང་བཙན་ཁྲིད་བྱས་འདུག

ཞི་བའི་ངོ་རྒོལ་གནང་མཁན་གྲྭ་དགེ་འདུན་ཕུན་ཚོགས་ལགས།

བོད་མདོ་སྨད་རྔ་བ་ཀིརྟི་དགོན་པའི་གྲྭ་དགེ་འདུན་ཕུན་ཚོགས་ལགས་ཀྱིས། རྔ་བ་རྫོང་མཁར་གྱི་ཁྲོམ་གཞུང་དུ་ཞི་བའི་སྐད་འབོད་གོམ་བགྲོད་ཀྱིས་ངོ་རྒོལ་བྱེད་སྐབས། རྒྱ་གཞུང་ཉེན་རྟོག་པས་ཁོ་འཇུ་བཟུང་བཙན་འཁྲིད་བྱས་ཡོད་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ … [Continue reading]

བོད་རིགས་བུད་མེད་ནོར་ཕྱུག་ལགས་ཀྱིས་རང་ལུས་མེར་བསྲེགས་ཀྱིས་ཞི་རྒོལ་གནང་འདུག

Norshuk 0001

ཆོ་འཕྲུལ་དུས་ཆེན་ཉིན་གྱི་མཚན་མོར་བོད་མདོ་སྨད་རྔ་བ་རྫོང་ཁོངས་སུ། བོད་རིགས་བུད་མེད་ནོར་ཕྱུག་ལགས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་དབང་སྒྱུར་གྱི་སྲིད་ཇུས་ལ་ཞི་བའི་ངོ་རྒོལ་གནང་འདུག འདི་ག་ལྟེ་གནས་ཁང་ལ་གནས་ཚུལ་འབྱོར་དོན། ཕྱི་ལོ་ ༢༠༡༥ ཟླ་ … [Continue reading]