སྤང་རི་སྣ་རིན་པོ་ཆེའི་སྐུ་གཟུགས་གནས་སྟངས་ཧ་ཅང་སྐྱོ་བོ་ཆགས་འདུག

སྤང་རི་སྣ་རིན་པོ་ཆེ་ལགས་ཀྱི་དེ་སྔའི་སྐུ་པར།

སྤང་རི་སྣ་རིན་པོ་ཆེ་ལགས་ཀྱི་དེ་སྔའི་སྐུ་པར།

འདི་ག་ལྟེ་གནས་ཁང་གནས་ཚུལ་འབྱོར་དོན། མདོ་ཁམས་དཀར་མཛེས་དགོན་པའི་སྤྲུལ་སྐུ་སྤང་རི་སྣ་རིན་པོ་ཆེ་མཆོག་འཇུ་བཟུང་བཙོན་འཇུག་འོག་ལོ་ ༦ དང་ཟླ ༣ ལྷག་ཕྱིན་ཡོད་པ་ལྟར། ཉེ་ཆར་བོད་མི་ཞིག་སྒེར་གྱི་ལས་དོན་དང་འབྲེལ་བའི་ཐོག་ནས་ཟི་ཁྲོན་མཱེན་ཡང་བཙོན་ཁང་དུ་བསྐྱོད་སྐབས། བཙོན་ཁང་དེ་གར་གློ་བུར་སྤང་རི་སྣ་རིན་པོ་ཆེ་མཐོང་ཡོད་པ་དང་། དེ་དུས་རིན་པོ་ཆེ་ཁོང་གི་སྐུ་གཟུགས་གནས་སྟངས་ནི་བློ་ཡིད་ལ་འཆར་དཀའ་བའི་ཧ་ལས་པའི་སྐྱོ་བོ་ཆགས་ཡོད་འདུག དེ་བརྟེན། བཙོན་འོག་ཏུ་ཁོང་ལ་སྡུག་སྦྱོང་མནར་གཅོད་འདྲ་མིན་བཏང་སྟེ། སྐུ་གཟུགས་གནས་སྟངས་ལ་ཉེན་ཁ་འཕྲད་བཞིན་པའི་ཐད། ས་གནས་བོད་རིགས་དད་ལྡན་མང་ཚོགས་ཀྱི་ངོས་ནས་བློ་འཚབ་ཆེན་པོ་བྱེད་བཞིན་འདུག

༢༠༠༨ ལོའི་ཕྱི་ཟླ་ ༥ ཚེས་ ༡༤ ཉིན། དཀར་མཛེས་རྫོང་ཐོག་ཏུ་སྤང་རི་སྣ་དགོན་པའི་བཙུན་མ་ ༨༠ ལྷག་གིས་ཞི་བའི་ཁྲོམ་སྐོར་སྐབས། རྒྱ་གཞུང་ཉེན་རྟོག་པས་བཙུན་མ་ ༥༥ འཇུ་བཟུང་བྱས་རྗེས། རིན་པོ་ཆེ་ཁོང་གནས་ཚུལ་དེར་འབྲེལ་བ་ཡོད་པར་སྙན་འདོགས་ཀྱིས་རྗེས་འདེད་ལྟ་རྟོགས་བྱས་པ་དང་། ཟླ་དེའི་ཕྱི་ཚེས་ ༡༨ ཉིན་གྱི་བོད་ནང་གི་ཐོ་རངས་ཆུ་ཚོད་ ༤ དང་ཕྱེད་ཀ་ཙམ་ལ་རྒྱ་དམག་གིས་རིན་པོའི་གཟིམ་ཁང་གི་མཐའ་སྐོར་ཏེ། ཁོང་ཉིད་འཇུ་བཟུང་བཙན་འཁྲིད་རྗེས་ཟླ་བ་མང་པོའི་རིང་གར་སོང་ཆ་མེད་དུ་གྱུར་ཡོད་པ་མ་ཟད། དམག་མི་དང་ཉེན་རྟོག་པ་ ༢༠༠༠ ལྷག་གིས་སྤང་རི་སྣ་དང་ཡར་སྟེང་བཙུན་དགོན་གཉིས་ཀྱང་མཐའ་སྐོར་ནས་དམ་དྲག་བཀག་སྡོམ་བྱས་ཡོད་པ་རེད། [Continue reading]

༢༠༠༨་ལོའི་ལྷ་སའི་ཞི་རྒོལ་སྐབས་རྒྱ་གཞུང་སྦག་སྦག་མེ་མདའ་བརྒྱབས་ཏེ་བོད་མི་མང་པོ་དམར་གསོད་པ་དང་གནས་ཚུལ་རྫུན་སྒྲོག་བྱས་ཡོད་པའི་དཔང་རྟགས།

དམར་གསོད་བཏང་བའི་བོད་མིའི་ཕུང་པར་དཔྱད་ཞིབ་ཀྱི་གསང་བའི་ཡིག་ཆ།

དམར་གསོད་བཏང་བའི་བོད་མིའི་ཕུང་པར་དཔྱད་ཞིབ་ཀྱི་གསང་བའི་ཡིག་ཆ།

ཉེ་སྔོན་འདི་ག་ལྟེ་གནས་ཁང་ལ་ ༢༠༠༨ ལོའི་ཞི་རྒོལ་སྐབས། ལྷ་ས་གྲོང་ཁྱེར་ཞི་ཧྲན་རོ་ཁང་ནང་བཞག་ཡོད་པའི་འདས་པོ་མི་སྐོར་ཅིག་གི་ཐོ་གཞུང་དང་། སྐབས་དེར་རྐྱེན་འདས་ཕྱིན་པའི་བོད་མི་བཞིའི་ཕུང་པོ་ལ། ལྷ་ས་གྲོང་ཁྱེར་ཉེན་རྟོག་ཁང་ཉེས་དོན་ཚན་རིག་ལག་རྩལ་ཞིབ་འཇུག་ཁང་གི་ཞིབ་དཔྱད་འགན་འཛིན་དང་ཁྲིམས་ལུགས་སྨན་པ་ལིས་ཝིན་ཀྲན་(李文展li wan zhan)དང་། འགན་འཛིན་དང་ཁྲིམས་ལུགས་སྨན་པ་ཝང་ཀྲི་ཞའེ་(王志学wang zhi xue)གཉིས་ཀྱིས། ཕྱི་ལོ་ ༢༠༠༨ ལོའི་ཕྱི་ཟླ་ ༣ ཚེས་ ༢༡ ཉིན་ཞིབ་དཔྱད་བྱས་པའི་༼ལྷ་ས་གྲོང་ཁྱེར་ཉེན་རྟོག་ཁང་ཉེས་དོན་ཚན་རིག་ལག་རྩལ་གསལ་འབྱེད་ཡིག་ཆ༽ཞེས་པའི་ནང་ཁུལ་གནང་བའི་ཡིག་ཆ་བཅས་ལག་སོན་བྱུང་བའི་ནང་། ལྷ་ས་གྲོང་ཁྱེར་དུ་བོད་མིའི་ཞི་རྒོལ་སྐབས་རྒྱ་དམག་གིས་གསོད་རྨས་རང་བཞིན་ཅན་གྱི་མཚོན་ཆ་སྤྱད་དེ། ཞི་རྒོལ་བྱུང་ཡུལ་ས་ཆ་སོ་སོར་བོད་མི་མང་པོ་དམར་གསོད་བཏང་ཡོད་པའི་དཔང་རྟགས་གསལ་བོ་ཡོད་པ་རེད།

 གཅིག གསོད་རྨས་རང་བཞིན་ཅན་གྱི་མཚོན་ཆ་སྤྱད་མེད་ཅེས་པ་རྫུན་རེད།

 ༢༠༠༨ ལོར་བོད་ཀྱི་རྒྱལ་ས་ལྷ་ས་རུ་མང་ཚོགས་རང་བཞིན་གྱི་བོད་མིའི་ཡར་ལངས་ཞི་རྒོལ་བྱུང་རྗེས། ས་གནས་བོད་རིགས་མང་ཚོགས་ཀྱིས་ཕྱི་ཕྱོགས་ཀྱི་གསར་ལམ་ཁག་ཏུ། སྐབས་དེར་རྒྱ་གཞུང་དམག་མི་དང་དྲག་ཆས་ཉེན་རྟོག་པས་མེ་མདའ་དང་། ཁྲབ་ལྡན་འཁོར་ལོ་སོགས་སྤྱད་དེ་བོད་མི་ཞི་རྒོལ་བར་དྲག་གནོན་བྱས་ཐོག བོད་མི་ཧ་ཅང་མང་པོ་དམར་གསོད་བཏང་བའི་སྐོར་ཕྱིར་བསྒྲགས་ཡོད་ལ། དེ་བཞིན། ཕྱི་ཟླ་ ༣ ཚེས་ ༢༨ ཉིན་རྒྱ་གཞུང་གིས་གོ་སྒྲིག་འོག་ཕྱི་རྒྱལ་གྱི་གཞུང་ཚབ་དང་གསར་འགོད་པ་ཁག་ཅིག་ལྷ་ལྡན་གཙུག་ལག་ཁང་དུ་རྟོགས་ཞིབ་སྐོར་བསྐྱོད་སྐབས།  གྲྭ་བཙུན་ཉི་ཤུ་ལྷག་གིས་ཕྱི་རྒྱལ་འཐུས་ཚབ་མི་སྣ་དེ་དག་གི་མདུན་སར་ངུ་འབོད་བྱེད་བཞིན་སྐབས་དེའི་དངོས་མཐོང་གནས་ཚུལ་རྣམས་ཕྱིར་བསྒྲགས་ཡོད་པ་ལྟར། དེ་དུས་དགེ་འདུན་པ་ཞིག་གིས་རྒྱ་གཞུང་དམག་མིས་མེ་མདའ་བརྒྱབས་ཏེ་བོད་མི་བསད་པའི་རོ་དངོས་སུ་མཐོང་བའི་སྐོར་ནན་གྱིས་བརྗོད་ཡོད། [Continue reading]

ཤུག་པ་སྡེ་བའི་བུད་མེད་ཚོར་བརྙོས་བཅོས་དང་མང་ཚོགས་ཀྱི་ཞུ་འབོད་ལ་དྲག་གནོན།

10500558_901571696525016_825881630488650320_n

རྒྱ་གཞུང་དཔོན་རིགས་ཚོས་བོད་རིགས་བུད་མེད་གཞས་དང་བྲོ་འཁྲབ་མཁན་ཚོར་བརྙོས་བྱས་ཐོག  ༢༠༡༤ ལོའི་ཕྱི་ཟླ་ ༨ ཚེས་ ༡༡ གི་མཚན་མོར།  རྒྱ་གཞུང་གིས་དཀར་མཛེས་ཁུལ་སེར་ཤུལ་རྡོང་ལོ་ཕྱུག་གྲོང་རྡལ་ཤུག་པ་སྡེ་བའི་སྡེ་དཔོན་དབང་གྲགས་གསང་བའི་འཇུ་བཟུང་བྱས་བརྟེན། ཕྱི་ཚེས་ ༡༢ … [Continue reading]

ཆབ་སྲིད་བཙོན་ཟུར་མགོན་པོ་འཕྲིན་ལས་ལགས་ཀྱི་དངོས་མྱངས་འགྲེལ་བརྗོད།

ཉེས་མིང་དང་དུས་བཀག་སོགས་གསལ་བའི་བཙོན་ཁང་གི་ཀློད་གྲོལ་དཔང་ཡིག

ཕྱི་ལོ་ ༢༠༠༨ ལོར་བོད་ས་ཡོངས་སུ་ཞི་བའི་ཡར་ལངས་ངོ་རྒོལ་རིམ་པར་བྱུང་པ་ལྟར། ཆབ་སྲིད་བཙོན་ཟུར་མགོན་པོ་འཕྲིན་ལས་ལགས་དང་། ཁོང་གི་སྤུན་མཆེད་ཉི་ཟླ་བཟང་པོ་ལགས་གཉིས་ནས་ཀྱང་།  ཞི་བའི་སྐད་འབོད་གནང་བར་བརྟེན་ནས།  རྒྱ་གཞུང་གིས་འཇུ་བཟུང་ཉེས་རྡུང་རིམ་པར་བཏང་མཐར། … [Continue reading]

བོད་མི་དཀྱུས་མ་ཞིག་གིས་རང་དབང་རྩོད་ལེན་འོག་མནར་གཅོད་མྱངས་པའི་གནས་སྟངས།

photo22

༼རེབ་གོང་ནས་བོད་ཀྱི་རྒྱལ་དར་བསྒྲེངས་པའི་སྔ་རྗེས༽ཞེས་པའི་དེབ་འདི་ནི། བོད་མི་ཆབ་སྲིད་བཙོན་ཟུར་བསྟན་འཛིན་ཉི་མ་ལགས་ཀྱིས་བརྩམས་པ་ཡིན་ལ། དེབ་འདིའི་ནང་རྩོམ་པ་པོ་ཁོང་གིས་ཞི་བའི་ལམ་ནས་སོ་སོའི་རང་དབང་རྩོད་ལེན་བྱས་པར་བརྟེན། … [Continue reading]

འབྲི་རུ་རྫོང་གིས་དམ་དྲག་ཡིག་ཆ་བཀྲམས་ཏེ་མང་ཚོགས་ཀྱི་ཆོས་དད་དང་འགྲོ་བསྐྱོད་རང་དབང་ལ་བཀག་སྡོམ་བྱས་འདུག

འབྲི་རུ་རྫོང་གི་གཏན་འབེབས་ཁག་གཉིས་ཀྱི་ཡིག་ཆའི་མ་ཡིག

ཕྱི་ལོ་ ༢༠༡༣ ལོར་བོད་རང་སྐྱོང་ལྗོངས་ཟེར་བས་འབྲི་རུ་རྫོང་ནི་དམར་ཤོག་མང་ཚོགས་ལམ་ཕྱོགས་སློབ་གསོ་ལག་བསྟར་ཚོད་ལྟའི་ས་ཁུལ་དུ་བཟུང་སྟེ།  དམག་མི་དང་ལས་དོན་རུ་ཁག་མང་པོ་འགྲེམས་འཇོག་གིས་ཆབ་སྲིད་ལས་འགུལ་སྣ་ཚོགས་སྤེལ་ཐོག  … [Continue reading]

གསེར་རྟ་བླ་རུང་ཆོས་སྒར་གྱི་གྲྭ་ངག་ཆུང་ལགས་ཀློད་གྲོལ་ཐོབ་འདུག

གྲྭ་ངག་ཆུང་ལགས

[Continue reading]

རྒྱ་གཞུང་གིས་ཁམས་འབྲི་རུ་རྫོང་ནས་བོད་མི་ཞིག་འཛིན་བཟུང་དང་ས་གནས་ཡུལ་མི་རྣམས་ཀྱི་རང་དབང་བཙན་འཕྲོག་བྱེད་བཞིན་པའི་གནས་ཚུལ།

གྲྭ་བསྟན་འཛིན་ལྷུན་གྲུབ་ཀྱི་སྐུ་པར

ཁམས་འབྲི་རུ་རྫོང་བརླན་ཆུ་ཤང་འགོམ་དགོན་གསར་དགོན་པའི་གྲྭ་བསྟན་འཛིན་ལྷུན་གྲུབ་ལགས་འདི་ལོའི་ཟླ་ ༥་ ནང་ཤག་ཆུ་གྲོང་དུ་ཕེབས་སྐབས། … [Continue reading]

དཔེ་དེབ་དབུ་འབྱེད་པར་འགྲེམས་ཀྱི་གསར་འགོད་གསལ་བསྒྲགས།

༼མཉམ་འབྲེལ་རྒྱལ་ཚོགས་ཀྱི་བཅའ་ཁྲིམས་ཁག༽ཅེས་པའི་དེབ་ཀྱི་རྒྱབ་ཤ

འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ནང་།“སྐྱེ་བོ་ཐམས་ཅད་ཁྲིམས་ཀྱི་མདུན་སར་འདྲ་མཉམ་ཡིན་པ་དང༌། ཁྲིམས་ཀྱི་ཐོག་ནས་དབྱེ་འབྱེད་མེད་པར་འདྲ་མཉམ་གྱིས་སྲུང་སྐྱོབ་བྱེད་དགོས་པའི་ཐོབ་ཐང་ཡོད།”ཅེས་གསལ་ཡོད།   … [Continue reading]

འཛམ་གླིང་མནར་གཅོད་བཀག་སྡོམ་ཉིན་མོའི་གསར་འགོད་གསལ་བསྒྲགས།

༼ཤ་ཟད་རུས་ལ་མ་ཐུག་བར༽ཞེས་པའི་བོད་ནང་གི་མནར་གཅོད་དཀའ་སྡུག་མཚོན་པའི་བརྙན་འཁོར།

ཕྱི་ཟླ་ ༦ ཚེས་ ༢༦ ཉིན་ནི། མཉམ་འབྲེལ་རྒྱལ་ཚོགས་ཀྱིས་རྒྱལ་སྤྱིའི་མནར་གཅོད་བཀག་སྡོམ་ཉིན་མོར་སྲུང་བརྩི་ཞུ་བཞིན་པ་ལྟར། འདི་ག་ལྟེ་གནས་ཁང་གི་ངོས་ནས་ཀྱང་ཉིན་མོ་འདི་བཞིན་སྲུང་བརྩི་ཞུ་བཞིན་ཡོད། ཉིན་མོ་འདིར་རྒྱལ་སྤྱིའི་སྤྱི་ཚོགས་ཀྱི་ངོས་ནས། … [Continue reading]